ഇഞ്ചിഞ്ചായി കൊല്ലണം...

കൊ​ച്ചി: ‘അ​വ​നെ ക​ഷ​ണം ക​ഷ​ണ​മാ​ക്ക​ണം. ഇ​ഞ്ചി​ഞ്ചാ​യി കൊ​ല്ല​ണം. ഒ​ന്നു​മ​റി​യാ​ത്ത കു​ഞ്ഞി​നെ​യാ​ണ്​ അ​വ​ൻ കൊ​ന്ന​ത്. ഒ​രു​പാ​ട്​ സ​ങ്ക​ട​മു​ണ്ട്’...​എ​റ​ണാ​കു​ള​ത്തെ പോ​ക്​​സോ കോ​ട​തി​ക്കു​പു​റ​ത്ത്​ കാ​ത്തു​നി​ന്ന​വ​ർ, ആ​ലു​വ​യി​ൽ ബാ​ലി​ക​യെ കൊ​ല​പ്പെ​ടു​ത്തി​യ കേ​സി​ലെ വി​ധി​യ​റി​ഞ്ഞ​പ്പോ​ൾ അ​ങ്ങേ​യ​റ്റം വൈ​കാ​രി​ക​മാ​യാ​ണ്​ പ്ര​തി​ക​രി​ച്ച​ത്. പു​രു​ഷ​ന്മാ​ര​ട​ക്കം പ​ല​രു​ടെ​യും വാ​ക്കു​ക​ൾ ക​ര​ച്ചി​ലി​ൽ മു​റി​ഞ്ഞു. വ​ധ​ശി​ക്ഷ​യാ​ണെ​ന്ന​റി​ഞ്ഞി​ട്ടും സ്ത്രീ​ക​ൾ​ക്ക്​ പ്ര​തി​യോ​ടു​ള്ള രോ​ഷം അ​ട​ങ്ങി​യി​രു​ന്നി​ല്ല.

ആ​ലു​വ​യി​ൽ​നി​ന്നും കൊ​ച്ചി ന​ഗ​ര​പ്ര​ദേ​ശ​ങ്ങ​ളി​ൽ​നി​ന്നു​മാ​യി സ്ത്രീ​ക​ള​ട​ക്കം ഒ​ട്ടേ​റെ പേ​ർ രാ​വി​ലെ മു​ത​ൽ കോ​ട​തി പ​രി​സ​ര​ത്ത്​ എ​ത്തി​യി​രു​ന്നു. അ​ക്ഷ​മ​രാ​യി കാ​ത്തു​നി​ന്ന അ​വ​രി​ൽ പ​ല​രും വി​ധി​പ്ര​സ്താ​വം പു​റ​ത്തു​വ​ന്ന​തോ​ടെ പ്ര​തി​യെ പി​ന്നെ​യും ശാ​പ​വാ​ക്കു​ക​ൾ​കൊ​ണ്ട്​ പൊ​തി​ഞ്ഞു. ‘എ​നി​ക്കും പെ​ൺ​കു​ട്ടി​ക​ൾ ഉ​ള്ള​താ​ണ്​ സാ​റേ. അ​വ​നെ ഇ​ഞ്ചി​ഞ്ചാ​യി കൊ​ല്ല​ണം. ഒ​രു കു​ഞ്ഞി​നും ഇ​നി ഈ ​ഗ​തി വ​ര​രു​ത്. സം​ഭ​വം ന​ട​ന്ന അ​ന്നു​മു​ത​ൽ ഞ​ങ്ങ​ളെ​ല്ലാം വ​ള​രെ ബു​ദ്ധി​മു​ട്ടി​ലും മ​നോ​വി​ഷ​മ​ത്തി​ലു​മാ​യി​രു​ന്നു’-​ആ​ലു​വ ​സ്വ​ദേ​ശി ഇ​തു​പ​റ​ഞ്ഞ​ത്​ ക​ര​ച്ചി​ലോ​ടെ​യാ​ണ്.

നേ​രി​ട്ടു​ക​ണ്ടാ​ൽ ത​ങ്ങ​ൾ അ​വ​നെ ത​ല്ലി​ക്കൊ​ല്ലു​മെ​ന്നാ​ണ്​ ചി​ല സ്തീ​ക​ൾ പ്ര​തി​ക​രി​ച്ച​ത്. ‘നാ​ളെ വേ​റൊ​രു കു​ട്ടി​ക്കും ഈ ​ഗ​തി വ​ര​രു​ത്. ആ ​കു​ഞ്ഞി​നെ അ​വ​ൻ എ​ങ്ങ​നെ കൊ​ന്നോ, അ​തു​പോ​ലെ അ​വ​നെ​യും കൊ​ല്ല​ണം. വ​ധ​ശി​ക്ഷ​യാ​കു​മ്പോ​ൾ പെ​ട്ടെ​ന്നു​ള്ള മ​ര​ണ​മാ​കും. ആ ​കു​ഞ്ഞ്​ എ​ന്തു​മാ​ത്രം വേ​ദ​ന അ​നു​ഭ​വി​ച്ചി​ട്ടു​ണ്ടാ​കും. അ​വ​ൻ ആ ​കു​ഞ്ഞി​ന്‍റെ കൈ​പി​ടി​ച്ചു​പോ​കു​ന്ന​തൊ​ക്കെ ഞ​ങ്ങ​ൾ ടി.​വി​യി​ൽ ക​ണ്ട​താ​ണ്. ന​മ്മു​ടെ കു​ഞ്ഞു​ങ്ങ​ൾ​ക്ക്​ വ​രു​മ്പോ​ഴേ ന​മു​ക്ക്​ അ​തി​ന്‍റെ വേ​ദ​ന മ​ന​സ്സി​ലാ​കൂ. ഈ ​വി​ധി​യി​ൽ ഞ​ങ്ങ​ൾ​ക്ക്​ വ​ള​രെ സ​ന്തോ​ഷ​മു​ണ്ട്. ഇ​ങ്ങ​നെ​യു​ള്ള വി​ധി ന​ട​പ്പാ​ക്കി​യാ​ലേ കേ​ര​ള​ത്തി​ലു​ള്ള​വ​രും നാ​ളെ ഇ​ത്​ ചെ​യ്യാ​തി​രി​ക്കൂ. ആ ​അ​ഞ്ച്​ വ​യ​സ്സു​കാ​രി​യു​ടെ ആ​ത്മാ​വി​ന്​ കോ​ട​തി നീ​തി​കൊ​ടു​ത്ത​തി​ൽ ഞ​ങ്ങ​ൾ​ക്ക്​ വ​ള​രെ സ​ന്തോ​ഷ​മു​ണ്ട്​. അ​വ​ന്​ വ​ധ​ശി​ക്ഷ​ത​ന്നെ കി​ട്ടാ​ൻ ഞ​ങ്ങ​ൾ പ്രാ​ർ​ഥി​ക്കു​ക​യാ​യി​രു​ന്നു. ഇ​ല്ലെ​ങ്കി​ൽ അ​വ​നെ ഇ​റ​ക്കി​വി​ട​ട്ടെ, ഞ​ങ്ങ​ൾ തീ​രു​മാ​നി​ക്കാം അ​വ​നു​ള്ള ശി​ക്ഷ. അ​പ്പോ​ൾ​ത്ത​ന്നെ അ​വ​നെ കൊ​ല്ല​ണ​മാ​യി​രു​ന്നു. ജ​നം ആ​ഗ്ര​ഹി​ച്ച വി​ധി​യാ​ണി​ത്​. എ​ല്ലാ​വ​രും സ​ന്തോ​ഷ​ത്തി​ലാ​ണ്. എ​ല്ലാ​വ​ർ​ക്കും ഇ​തൊ​രു പാ​ഠ​മാ​ക​ണം’ -അ​വ​ർ പ​റ​ഞ്ഞു.