ഇ​നി ആ​വ​ർ​ത്തി​ച്ചു​കൂ​ടാ; ആലുവ മാർക്കറ്റ് ഇന്നും സാമൂഹിക വിരുദ്ധരുടെ താവളം

ആ​ലു​വ: അ​ഞ്ചു വ​യ​സ്സു​കാ​രി​യു​ടെ ക്രൂ​ര​മാ​യ കൊ​ല​ക്ക്​ സാ​ക്ഷി​യാ​യ ആ​ലു​വ ന​ഗ​ര​സ​ഭ മാ​ർ​ക്ക​റ്റ് ഇ​ന്നും സാ​മൂ​ഹി​ക വി​രു​ദ്ധ​രു​ടെ സു​ര​ക്ഷി​ത താ​വ​ളം. ഗു​ണ്ട​ക​ളും അ​നാ​ശാ​സ്യ​ക്കാ​രും ല​ഹ​രി ഇ​ട​പാ​ടു​കാ​രും പ്ര​ധാ​ന​മാ​യും മാ​ർ​ക്ക​റ്റി​ലാ​ണ് ത​മ്പ​ടി​ക്കു​ന്ന​ത്. പ​ക​ൽ വെ​ളി​ച്ച​ത്തി​ൽ പോ​ലും ഒ​രു കു​ട്ടി​യെ പൈ​ശാ​ചി​ക​മാ​യി കൊ​ല​പ്പെ​ടു​ത്താ​നു​ള്ള സാ​ഹ​ച​ര്യം മാ​ർ​ക്ക​റ്റി​ൽ നി​ല​നി​ൽ​ക്കു​ന്നു എ​ന്ന​ത്​ ഞെ​ട്ടി​ക്കു​ന്ന​താ​ണ്. ആ​ധു​നി​ക രീ​തി​യി​ൽ പൊ​തു​മാ​ർ​ക്ക​റ്റ് ഉ​ട​ൻ പ​ണി​യാ​നെ​ന്ന് പ​റ​ഞ്ഞ് നി​ല​വി​ലെ മാ​ർ​ക്ക​റ്റ് കെ​ട്ടി​ട​ങ്ങ​ൾ പൊ​ളി​ച്ച​തോ​ടെ​യാ​ണ് സാ​മൂ​ഹി​ക വി​രു​ദ്ധ കേ​ന്ദ്ര​മാ​യി ഇ​വി​ടം മാ​റി​യ​ത്. നി​ർ​മാ​ണം വൈ​കി​യ​തോ​ടെ മാ​ർ​ക്ക​റ്റി​ലെ​യും ന​ഗ​ര​ത്തി​ലെ​യും മാ​ലി​ന്യം ത​ള്ളാ​നു​ള്ള സ്ഥ​ല​മാ​യി പ​ദ്ധ​തി പ്ര​ദേ​ശ​വും മാ​ർ​ക്ക​റ്റി​ലെ പു​ഴ​യോ​ര​വും മാ​റി. ഇ​തോ​ടെ ഈ ​ഭാ​ഗ​ത്തേ​ക്ക് ആ​രും വ​രാ​താ​യി.

മ​ത്സ്യ- മാം​സ മാ​ർ​ക്ക​റ്റ് കെ​ട്ടി​ട​ങ്ങ​ളി​ലും സാ​മൂ​ഹ്യ​വി​രു​ദ്ധ​ർ ത​മ്പ​ടി​ക്കു​ന്നു​ണ്ട്. രാ​പ​ക​ൽ ഭേ​ദ​മെ​ന്യേ നി​ര​വ​ധി​യാ​ളു​ക​ളാ​ണ് ഇ​വി​ടെ വ​ന്നു​പോ​കു​ന്ന​ത്. ചി​ല​ർ ഇ​വി​ടെ​യാ​ണ് ഉ​റ​ങ്ങു​ന്ന​തു​പോ​ലും. ര​ണ്ട് നി​ല കെ​ട്ടി​ട​ത്തി​ന്‍റെ താ​ഴെ മാ​ത്ര​മാ​ണ് ക​ച്ച​വ​ട​ക്കാ​രു​ള്ള​ത്. മു​ക​ൾ നി​ല​യി​ലെ മു​റി​ക​ൾ അ​ട​ഞ്ഞു​കി​ട​ക്കു​ക​യാ​ണ്. ഇ​വി​ടെ രാ​ത്രി​യും പ​ക​ലും സാ​മൂ​ഹി​ക​വി​രു​ദ്ധ ശ​ല്യ​മു​ള്ള​താ​യി നേ​ര​ത്തെ ആ​ക്ഷേ​പ​മു​ണ്ട്. ചോ​ദ്യം ചെ​യ്യു​ന്ന ക​ച്ച​വ​ട​ക്കാ​രെ സം​ഘം ഭീ​ഷ​ണി​പ്പെ​ടു​ത്തും.

ഒ​ഴി​ഞ്ഞ പ്ര​ദേ​ശ​മാ​യ​തി​നാ​ൽ ഇ​വി​ടേ​ക്ക് ആ​രു​ടെ​യും ശ്ര​ദ്ധ പെ​ട്ടെ​ന്ന് ചെ​ന്നെ​ത്തി​ല്ല. അ​തി​നാ​ൽ ത​ന്നെ ല​ഹ​രി മാ​ഫി​യ​ക​ൾ​ക്ക് ഇ​ട​പാ​ടു​ക​ൾ ന​ട​ത്താ​ൻ എ​ളു​പ്പ​മാ​ണ്. മ​ദ്യ​പാ​നി​ക​ൾ​ക്കും ഒ​ഴി​ഞ്ഞു കി​ട​ക്കു​ന്ന പ്ര​ദേ​ശ​ങ്ങ​ളും ഈ ​കെ​ട്ടി​ട​വും ആ​ശ്ര​യ​കേ​ന്ദ്ര​മാ​ണ്. ഇ​ത്ത​ര​ക്കാ​ർ ത​മ്മി​ൽ അ​ടി​പി​ടി​യും പ​തി​വാ​ണ്. കു​ട്ടി​യു​ടെ കൊ​ല​പാ​ത​ക​ത്തോ​ടെ മാ​ർ​ക്ക​റ്റി​ന്‍റെ ശോ​ച്യാ​വ​സ്ഥ​ക്കെ​തി​രെ ജ​ന​രോ​ഷ​മു​യ​ർ​ന്നി​രു​ന്നു. തു​ട​ർ​ന്ന് മൃ​ത​ദേ​ഹം ക​ണ്ടെ​ത്തി​യ പ്ര​ദേ​ശ​ത്തെ മാ​ലി​ന്യ​മെ​ല്ലാം അ​വി​ടെ​ത്ത​ന്നെ നി​ര​ത്തി മ​ണ്ണി​ട്ട് മൂ​ടി. അ​തി​ന​പ്പു​റം യാ​തൊ​രു സു​ര​ക്ഷ സം​വി​ധാ​ന​ങ്ങ​ളും ഒ​രു​ക്കി​യി​ട്ടി​ല്ല. ആ​ളൊ​ഴി​ഞ്ഞ ഈ ​ഭാ​ഗ​ത്തേ​ക്ക് അ​നാ​വ​ശ്യ​മാ​യി ആ​രും ക​ട​ക്കാ​തി​രി​ക്കാ​ൻ വേ​ലി​കെ​ട്ടി സു​ര​ക്ഷി​ത​മാ​ക്കേ​ണ്ട​തു​ണ്ട്. മാ​ർ​ക്ക​റ്റ് കെ​ട്ടി​ട​ങ്ങ​ൾ​ക്ക​ട​ക്കം രാ​ത്രി കാ​വ​ലും ആ​വ​ശ്യ​മാ​ണ്.