ആലുവ മഹാശിവരാത്രി ഇന്ന്; കെ.എസ്.ആർ.ടി.സി പ്രത്യേക സർവിസുകൾ

ആ​ലു​വ: ച​രി​ത്ര​പ്ര​സി​ദ്ധ​മാ​യ ആ​ലു​വ മ​ഹാ​ശി​വ​രാ​ത്രി ശ​നി​യാ​ഴ്ച. സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ശി​വ​രാ​ത്രി ആ​ഘോ​ഷ​ങ്ങ​ൾ ന​ട​ക്കു​ന്നു​ണ്ടെ​ങ്കി​ലും പെ​രി​യാ​ർ തീ​ര​ത്തെ മ​നോ​ഹ​ര​മാ​യ ആ​ലു​വ മ​ണ​പ്പു​റ​ത്തെ ശി​വ​രാ​ത്രി ബ​ലി​ത​ർ​പ്പ​ണ​വും ആ​ഘോ​ഷ​ങ്ങ​ളു​മാ​ണ് പ്ര​ധാ​നം. പൂ​ർ​വി​ക​ർ​ക്ക് ബ​ലി​ത​ർ​പ്പ​ണം ന​ട​ത്തു​ന്ന​തി​ന് പ്രാ​ധാ​ന്യം കൂ​ടു​ത​ലു​ള്ള ശി​വ​രാ​ത്രി രാ​വി​ൽ ബ​ലി​ത​ർ​പ്പ​ണം ന​ട​ത്താ​ൻ സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന് ഭ​ക്ത​ർ ആ​ലു​വ മ​ണ​പ്പു​റ​ത്തെ​ത്തും. ശി​വ​പ​ഞ്ചാ​ക്ഷ​രീ മ​ന്ത്രം മു​ഴ​ങ്ങു​ന്ന മ​ണ​പ്പു​റ​ത്ത് ഉ​റ​ക്ക​മി​ള​ച്ച് രാ​ത്രി ഭ​ക്ത​ർ ക​ഴി​ച്ചു​കൂ​ട്ടും. പി​ന്നീ​ട് പൂ​ർ​വി​ക​ർ​ക്ക് ബ​ലി​യ​ർ​പ്പി​ച്ച് മ​ട​ങ്ങും.

കോ​വി​ഡ് മൂ​ല​മു​ള്ള നി​യ​ന്ത്ര​ണ​ങ്ങ​ൾ നീ​ങ്ങി ര​ണ്ട് വ​ർ​ഷ​ത്തെ ഇ​ട​വേ​ള​ക്കു ശേ​ഷ​മാ​ണ്​ മു​ൻ​കാ​ല​ങ്ങ​ളി​ലേ​തു​പോ​ലെ വി​പു​ല​മാ​യ ശി​വ​രാ​ത്രി ആ​ഘോ​ഷം ക​ട​ന്നു​വ​രു​ന്ന​ത്. അ​തി​നാ​ൽ ബ​ലി​ത​ർ​പ്പ​ണ​ത്തി​നാ​യി കൂ​ടു​ത​ൽ ആ​ളു​ക​ളെ​ത്തു​മെ​ന്നാ​ണ് ക​ണ​ക്കാ​ക്കു​ന്ന​ത്. അ​ത് മു​ന്നി​ൽ​ക​ണ്ടു​ള്ള ഒ​രു​ക്ക​മാ​ണ് ദേ​വ​സ്വം ബോ​ർ​ഡ്, ആ​ലു​വ ന​ഗ​ര​സ​ഭ, റൂ​റ​ൽ ജി​ല്ല പൊ​ലീ​സ്, വി​വി​ധ വ​കു​പ്പു​ക​ൾ എ​ന്നി​വ​ർ ചേ​ർ​ന്ന് ന​ട​ത്തി​യി​ട്ടു​ള്ള​ത്. നൂ​റി​ല​ധി​കം ബ​ലി​ത്ത​റ​ക​ളാ​ണ് ത​യാ​റാ​ക്കി​യി​ട്ടു​ള്ള​ത്.

മ​ണ​പ്പു​റം ശി​വ​ക്ഷേ​ത്ര​ത്തി​ൽ ശ​നി​യാ​ഴ്ച പു​ല​ർ​ച്ച ച​ട​ങ്ങു​ക​ൾ ആ​രം​ഭി​ക്കും. ശ​നി​യാ​ഴ്ച രാ​ത്രി​യാ​ണ് ഔ​ദ്യോ​ഗി​ക​മാ​യി ബ​ലി​ത്ത​ര്‍പ്പ​ണ ച​ട​ങ്ങു​ക​ള്‍ ആ​രം​ഭി​ക്കു​ക. ഞാ​യ​റാ​ഴ്ച ഉ​ച്ച​വ​രെ ബ​ലി​ത​ര്‍പ്പ​ണം നീ​ളും. ബ​ലി​ത​ർ​പ്പ​ണ​ത്തി​നും ക്ഷേ​ത്ര​ദ​ർ​ശ​ന​ത്തി​നും വി​പു​ല​മാ​യ സൗ​ക​ര്യ​ങ്ങ​ൾ ഒ​രു​ക്കി​യി​ട്ടു​ണ്ട്. സു​ര​ക്ഷാ ക്ര​മീ​ക​ര​ണ​ങ്ങ​ളും പൂ​ർ​ത്തി​യാ​യി. ബ​ലി​ത​ർ​പ്പ​ണം ന​ട​ത്തു​ന്ന പെ​രി​യാ​ർ തീ​ര​ത്ത് അ​പ​ക​ട​മു​ണ്ടാകാ​തി​രി​ക്കാ​ൻ മു​ൻ​ക​രു​ത​ലു​ക​ളെ​ടു​ത്തി​ട്ടു​ണ്ട്. ശി​വ​രാ​ത്രി​യോ​ട​നു​ബ​ന്ധി​ച്ച് മ​ണ​പ്പു​റ​ത്ത് ഒ​രു​മാ​സം നീ​ളു​ന്ന വ്യാ​പാ​ര​മേ​ള ന​ട​ക്കും. വി​വി​ധ ഭാ​ഗ​ങ്ങ​ളി​ൽ​നി​ന്ന് ആ​ലു​വ മ​ണ​പ്പു​റ​ത്തേ​ക്ക് കെ.​എ​സ്.​ആ​ർ.​ടി.​സി​യു​ടെ പ്ര​ത്യേ​ക സ​ർ​വി​സു​ക​ൾ ഉ​ണ്ട്.