ബി.ജെ.പി കേരളം പിടിച്ചെടുക്കാൻ പോകുന്നു; കേന്ദ്രമന്ത്രിയായതോടെ ത​െൻറ ഉറക്കം കുറഞ്ഞു- കണ്ണന്താനം

കൊച്ചി: അമിത് ഷാ പല്ലുകൊഴിഞ്ഞ സിംഹമാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ പറഞ്ഞത് അദ്ദേഹം സിംഹത്തെ കാണാത്തതുകൊണ്ടാണെന്ന് കേന്ദ്ര സഹമന്ത്രി അൽഫോൻസ്​ കണ്ണന്താനം. 

പ്രധാനമന്ത്രിക്കൊപ്പം അടിയന്തര യോഗമുള്ളതിനാലാണ് അമിത് ഷാ ജനരക്ഷാ യാത്രയിൽ പങ്കെടുക്കാതെ ഡൽഹിക്ക് മടങ്ങിയത്. പിണറായിയിലൂടെയുള്ള യാത്രയിൽ അദ്ദേഹം പങ്കെടുക്കാതിരുന്നത് വലിയ വാർത്തയാക്കേണ്ടതി​െല്ലന്ന്​ കണ്ണന്താനം മാധ്യമ പ്രവർത്തകരോട് പറഞ്ഞു. മറ്റെല്ലാ സ്​ഥലങ്ങളെയും പോലെ തന്നെയാണ് പിണറായിയും. ബി.ജെ.പി കേരളം പിടിച്ചെടുക്കാൻ പോകുകയാണ്. ആയുർവേദത്തിനും യോഗക്കും  പ്രാധാന്യം നൽകി വലിയ പദ്ധതികൾക്ക് കേന്ദ്ര സർക്കാർ രൂപം നൽകാൻ പോകുകയാണ്. 

കേന്ദ്രമന്ത്രിയായതോടെ ത​​െൻറ ഉറക്കം കുറഞ്ഞു. നല്ല ജോലിഭാരമുണ്ടെന്നും അദ്ദേഹം പറഞ്ഞു. കേരളത്തിൽ പെേട്രാളി​െൻറ നികുതി കുറക്കില്ലെന്ന സംസ്ഥാന സർക്കാർ നിലപാടിനെക്കുറിച്ച ചോദ്യത്തിന് താൻ പെേട്രാളിയം മന്ത്രിയല്ലെന്നായിരുന്നു കണ്ണന്താനത്തി​െൻറ മറുപടി.