Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightബീഫിനെക്കുറിച്ച്​...

ബീഫിനെക്കുറിച്ച്​ പറഞ്ഞത്​ തമാശയെന്ന്​ കണ്ണന്താനം

text_fields
bookmark_border
alphonse
cancel

കൊച്ചി: ബീഫ്​ വിഷയത്തെ കുറിച്ച്​ താൻ നടത്തിയ അഭിപ്രായ പ്രകടനം തമാശയായിരുന്നുവെന്ന്​ കേന്ദ്രമന്ത്രി അൽഫോൺസ്​ കണ്ണന്താനം. ബീഫിനെക്കുറിച്ച്​ ഒറീസയിൽ വെച്ച്​ പറഞ്ഞത്​ തമാശയായി എടുക്കാതിരുന്നതാണ്​ വിവാദമാകാൻ കാരണം. വിദേശങ്ങളിൽ നല്ല ബീഫ്​ കിട്ടും, അവിടെ നിന്ന്​ ഇവിടെയെത്തി മെലിഞ്ഞ കാലികളുടെ മാംസം കഴിക്കേണ്ട കാര്യമുണ്ടോ എന്നാണ്​ തമാശയായി ചോദിച്ചത്​. അത്​ റെക്കോർഡ്​ ചെയ്യപ്പെടാൻ വേണ്ടി പറഞ്ഞതായിരുന്നില്ലെന്നും കണ്ണന്താനം പറഞ്ഞു.

ത​​െൻറ ഭാര്യയുടെ വീഡിയോയും ഇത്തരത്തിൽ തമാശയായി പ്രചരിക്കുന്നുണ്ട്​. കേരളത്തിലെ ആളുകൾക്ക്​ കാര്യമായി മറ്റൊരു പണിയൊന്നുമില്ലാത്തതു കാരണം രാവിലെ മുതൽ ​മൊബൈൽ ഉപയോഗിച്ച്​ കാർട്ടൂണുകൾ ഉണ്ടാക്കുകയാണ്​. എന്നെ കുറിച്ചും ഇത്തരം കാർട്ടൂണുകൾ ഉണ്ടാക്കുന്നുണ്ട്​. ഇനിയും ഇത്തരം കാർട്ടൂണുകൾ ഉണ്ടാക്കിക്കോളു അതിൽ സന്തോഷമേയുള്ളുവെന്നും കണ്ണന്താനം പറഞ്ഞു.

പാവപ്പെട്ട ജനങ്ങളുടെ ക്ഷേമത്തിനാണ്​ സർക്കാർ ഇന്ധനവില വർധിപ്പിക്കുന്നത്​. വർധനയിലൂടെ ലഭിക്കുന്ന അധികനികുതി ക്ഷേമത്തിനായി സർക്കാർ ഉപയോഗിക്കും. വാഹനങ്ങൾ വാങ്ങുന്നവർ അതിൽ ഇന്ധനം നിറക്കാൻ കൂടുതൽ തുകമുടക്കുന്നതിൽ തെറ്റില്ലെന്നും കണ്ണന്താനം പറഞ്ഞു. 

അടിസ്ഥാന സൗകര്യങ്ങളുടെ അപര്യാപ്​തതയാണ്​ കേരളത്തിലെ ടൂറിസം രംഗം നേരിടുന്ന പ്രധാനവെല്ലുവിളി. ടൂറിസം രംഗത്തെ അടിസ്ഥാന സൗകര്യങ്ങൾ വികസിപ്പിക്കുന്നതിനായി സംസ്ഥാന സർക്കാറുമായി ചേർന്ന്​ പദ്ധതികൾ നടപ്പിലാക്കുമെന്നും കണ്ണന്താനം അറിയിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:alphons kannanthanambeef issuekerala newsUnion Ministermalayalam news
News Summary - Alphonce Kannadhanam on beef issue-Kerala news
Next Story