കേസുകൾ ഒത്തുതീർപ്പാക്കാൻ സി.പി.എം - ബി.ജെ.പി ധാരണയെന്ന് ആരോപണം

കു​മ്പ​ള: സി.​പി.​എം പ്ര​വ​ർ​ത്ത​ക​രും ബി.​ജെ.​പി പ്ര​വ​ർ​ത്ത​ക​രും പ്ര​തി​ക​ളാ​യ ര​ണ്ടു വ്യ​ത്യ​സ്ത കേ​സു​ക​ൾ ഒ​ത്തു​തീ​ർ​പ്പാ​ക്കു​ന്ന​തി​ന് ധാ​ര​ണ​യാ​യ​താ​യി മു​സ്​​ലിം യൂ​ത്ത് ലീ​ഗ് ജി​ല്ല ട്ര​ഷ​റ​ർ യൂ​സു​ഫ് ഉ​ളു​വാ​ർ കു​മ്പ​ള​യി​ൽ വാ​ർ​ത്ത​സ​മ്മേ​ള​ന​ത്തി​ൽ ആ​രോ​പി​ച്ചു.

കു​മ്പ​ള പ​ഞ്ചാ​യ​ത്ത് സ്ഥി​രം സ​മി​തി അ​ധ്യ​ക്ഷ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് ന​ട​ന്ന സി.​പി.​എം-​ബി.​ജെ.​പി ധാ​ര​ണ​ക്ക് പി​ന്നാ​ലെ​യാ​ണി​ത്. ഹൈ​കോ​ട​തി​യു​ടെ പ​രി​ഗ​ണ​ന​യി​ലു​ള്ള ര​ണ്ടു കേ​സു​ക​ളാ​ണ്​ വാ​ദ​ങ്ങ​ൾ ദു​ർ​ബ​ല​പ്പെ​ടു​ത്തി പ്ര​തി​ക​ളെ ര​ക്ഷ​പ്പെ​ടു​ത്താ​ൻ പ​ര​സ്പ​രം ധാ​ര​ണ​യു​ണ്ടാ​ക്കി​യി​രി​ക്കു​ന്ന​ത്. ബി.​ജെ.​പി​യാ​ണ് ഒ​ത്തു​തീ​ർ​പ്പി​ന്​ മു​ൻ​കൈ​യെ​ടു​ത്ത​തെ​ന്നും ഈ ​വ​ഞ്ച​ന​യെ​പ്പ​റ്റി കു​ടും​ബാം​ഗ​ങ്ങ​ൾ​ക്ക് സൂ​ച​ന ന​ൽ​കി​യി​ട്ടു​ണ്ടെ​ന്നും യൂ​സു​ഫ് ഉ​ളു​വാ​ർ സൂ​ചി​പ്പി​ച്ചു.

ര​ക്ത​സാ​ക്ഷി​ക​ളു​ടെ പേ​രി​ൽ ഇ​രു​കൂ​ട്ട​രും വ​ർ​ഷാ​വ​ർ​ഷം ബ​ലി​ദാ​ന ദി​ന​ങ്ങ​ളും ര​ക്ത​സാ​ക്ഷി ദി​ന​ങ്ങ​ളും ആ​ച​രി​ച്ചു വ​രു​ന്ന​ത് രാ​ഷ്​​ട്രീ​യ ലാ​ഭ​ത്തി​നും അ​ണി​ക​ളെ കൂ​ടെ നി​ർ​ത്തു​ന്ന​തി​നും വേ​ണ്ടി മാ​ത്ര​മാ​ണ്.

ര​ക്ത​സാ​ക്ഷി​ക​ളു​ടെ കു​ടും​ബം കേ​സു​ക​ളു​ടെ നി​ല​വി​ലെ സ്ഥി​തി​യെ കു​റി​ച്ച് അ​ന്വേ​ഷി​ക്കാ​ൻ ത​യാ​റാ​വ​ണ​മെ​ന്നും യൂ​സു​ഫ് ആ​വ​ശ്യ​പ്പെ​ട്ടു. സി.​പി.​എം- ബി.​ജെ.​പി സം​ഘ​ട്ട​ന​ങ്ങ​ളും കൊ​ല​പാ​ത​ക​ങ്ങ​ളും ന​ട​ത്തി നി​ര​വ​ധി ജീ​വ​ൻ പൊ​ലി​യു​ക​യും പ​ര​സ്പ​രം പോ​ർ​വി​ളി​ക്കു​ക​യും ചെ​യ്യു​ന്ന കു​മ്പ​ള​യി​ൽ ത​ന്നെ​യാ​ണ് ഇ​ത്ത​ര​മൊ​രു ധാ​ര​ണ​യെ​ന്ന​താ​ണ് അ​ത്ഭു​ത​പ്പെ​ടു​ത്തു​ന്ന​ത്. മു​മ്പ് കു​മ്പ​ള പ​ഞ്ചാ​യ​ത്ത് സ്ഥി​രം സ​മി​തി തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട ച​ർ​ച്ച ന​ട​ന്ന​തും മ​റ്റും ഭാ​സ്ക​ര കു​മ്പ​ള​യു​ടെ കൊ​ല​പാ​ത​ക​ത്തി​ൽ ആ​രോ​പ​ണ വി​ധേ​യ​നാ​യ വ്യ​ക്തി​യു​ടെ വീ​ട്ടി​ൽ വെ​ച്ചാ​ണ്.

അ​തി​നു​ശേ​ഷം ഇ​തേ വ്യ​ക്തി​യു​ടെ വീ​ട്ടി​ൽ ത​ന്നെ​യാ​ണ് കേ​സ് ഒ​ത്തു​തീ​ർ​പ്പാ​ക്കാ​നും ധാ​ര​ണ​യാ​യ​തെ​ന്നും അ​ദ്ദേ​ഹം പ​റ​ഞ്ഞു. സി.​പി.​എം ഏ​രി​യ സെ​ക്ര​ട്ട​റി സി.​എ സു​ബൈ​ർ, ബി.​ജെ.​പി സം​സ്ഥാ​ന ക​മ്മി​റ്റി അം​ഗം സു​രേ​ഷ് കു​മാ​ർ ഷെ​ട്ടി എ​ന്നി​വ​ർ ചേ​ർ​ന്നാ​ണ് ര​ണ്ട് ധാ​ര​ണ ച​ർ​ച്ച​ക​ൾ​ക്കും നേ​തൃ​ത്വം ന​ൽ​കി​യ​ത്. സി.​പി.​എം-​ബി.​ജെ.​പി ജി​ല്ല നേ​തൃ​ത്വ​ങ്ങ​ളു​ടെ അ​റി​വോ​ടു​കൂ​ടി​യാ​ണ് പ​ര​സ്പ​ര ധാ​ര​ണ.

കു​മ്പ​ള ഗ്രാ​മ​പ​ഞ്ചാ​യ​ത്ത് ഭ​ര​ണ​ത്തി​ൽ ഇ​ട​പെ​ടു​ന്ന​തി​ന് ബി.​ജെ.​പി- സി.​പി.​എം കോ​ർ ക​മ്മി​റ്റി ര​ഹ​സ്യ താ​വ​ള​ത്തി​ൽ മാ​സാ​മാ​സം യോ​ഗം ചേ​രു​ന്ന​താ​യും നി​യ​മ​സ​ഭ തെ​ര​ഞ്ഞെ​ടു​പ്പി​നു ശേ​ഷം ഇ​രു​ക​ക്ഷി​ക​ളും ചേ​ർ​ന്ന് പ​ഞ്ചാ​യ​ത്ത് ഭ​ര​ണം അ​ട്ടി​മ​റി​ക്കാ​ൻ പ​ദ്ധ​തി​യു​ള്ള​താ​യും ഒ​രു ചോ​ദ്യ​ത്തി​ന് ഉ​ത്ത​ര​മാ​യി അ​ദ്ദേ​ഹം പ​റ​ഞ്ഞു. കു​മ്പ​ള​യി​ലെ ഈ ​ധാ​ര​ണ മ​ണ്ഡ​ല​ത്തി​ലു​ട​നീ​ളം വ്യാ​പി​പ്പി​ച്ച് നി​യ​മ​സ​ഭാ തെ​ര​ഞ്ഞെ​ടു​പ്പി​ലും വോ​ട്ട് ക​ച്ച​വ​ടം ന​ട​ത്തി പ​ര​സ്പ​രം സ​ഹാ​യി​ക്കാ​നാ​ണ് നീ​ക്ക​മെ​ന്നും യൂ​സു​ഫ് ഉ​ളു​വാ​ർ വ്യ​ക്ത​മാ​ക്കി.