പൂഞ്ഞാർ സംഭവം: വിഷയം പൊലീസ്​ പർവതീകരിച്ചതായി ആക്ഷേപം

ഈ​രാ​റ്റു​പേ​ട്ട: പൂ​ഞ്ഞാ​ർ സെ​ന്റ് മേ​രീ​സ് പ​ള്ളി​മു​റ്റ​ത്തു​ണ്ടാ​യ വി​ഷ​യം പ​ർ​വ​തീ​ക​രി​ക്കാ​നും ജാ​മ്യ​മി​ല്ലാ വ​കു​പ്പ് പ്ര​കാ​രം കേ​സ് എ​ടു​ക്കാ​നും പൊ​ലീ​സി​നു​മേ​ൽ ജ​ന​പ്ര​തി​നി​ധി​ക​ളു​ടെ ശ​ക്ത​മാ​യ സ​മ്മ​ർ​ദം ഉ​ണ്ടാ​യ​താ​യി വ്യാ​പ​ക ആ​ക്ഷേ​പം. ഒ​റ്റ​പ്പെ​ട്ട സം​ഭ​വ​ത്തെ ഇ​രു​മ​ത​വി​ഭാ​ഗ​ങ്ങ​ൾ ത​മ്മി​ലെ പ്ര​ശ്ന​മാ​ക്കി മാ​റ്റാ​നു​ള്ള ശ്ര​മ​മാ​ണ് അ​ര​ങ്ങേ​റി​യ​ത്.

ക​ഴി​ഞ്ഞ വെ​ള്ളി​യാ​ഴ്ച ഉ​ച്ച​ക്ക്​ 12.30 ഓ​ടെ​യാ​ണ് സം​ഭ​വ​ത്തി​ന്‍റെ തു​ട​ക്കം. ഈ​രാ​റ്റു​പേ​ട്ട ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ്ല​സ് ടു ​വി​ദ്യാ​ർ​ഥി​ക​ൾ വി​ട​വാ​ങ്ങ​ൽ പ​രി​പാ​ടി ന​ട​ത്തി​യി​രു​ന്നു. ഇ​തി​നു​ശേ​ഷം 50ഒാ​ളം കു​ട്ടി​ക​ൾ ഫോ​ട്ടോ ഷൂ​ട്ടി​ന് പൂ​ഞ്ഞാ​ർ ഭാ​ഗ​ത്തേ​ക്ക് പോ​യി. തീ​ക്കോ​യി, മാ​ർ​മ​ല അ​രു​വി, പൂ​ഞ്ഞാ​ർ തു​ട​ങ്ങി​യ സ്ഥ​ല​ങ്ങ​ളി​ൽ ഫോ​ട്ടോ എ​ടു​ത്ത​ശേ​ഷം പൂ​ഞ്ഞാ​ർ ദേ​വാ​ല​യ​മു​റ്റ​ത്തും എ​ത്തി. അ​വി​ടെ എ​ത്തി​യ​വ​രി​ൽ 17 പേ​ർ ആ ​ദേ​വാ​ല​യ വി​ശ്വാ​സ​വു​മാ​യി ബ​ന്ധ​പ്പെ​ട്ട കു​ട്ടി​ക​ളാ​ണ്.

ച​ർ​ച്ചി​ന് മു​ന്നി​ലെ വ​ലി​യ ഗ്രൗ​ണ്ടി​ൽ കു​ട്ടി​ക​ൾ വാ​ഹ​നം പാ​ർ​ക്ക് ചെ​യ്തു. ഇ​തി​നി​ട​യി​ലാ​ണ് കൈ​യേ​റ്റം ചെ​യ്യാ​ൻ ശ്ര​മി​ച്ചെ​ന്ന് പ​റ​യ​പ്പെ​ടു​ന്ന വൈ​ദി​ക​ൻ അ​വി​ടെ എ​ത്തു​ക​യും കു​ട്ടി​ക​ളെ പു​റ​ത്താ​ക്കി ഗേ​റ്റ് പൂ​ട്ടു​ക​യും ചെ​യ്ത​ത്. പു​റ​ത്തേ​ക്കു​പോ​യ വാ​ഹ​ന​ത്തി​ന്‍റെ ക​ണ്ണാ​ടി ഇ​ദ്ദേ​ഹ​ത്തി​ന്റെ ദേ​ഹ​ത്ത് ത​ട്ടു​ക മാ​ത്ര​മാ​ണ് ചെ​യ്ത​തെ​ന്നാ​ണ് വി​ദ്യാ​ർ​ഥി​ക​ൾ പ​റ​യു​ന്ന​ത്.

ഉ​ച്ച​ക്ക് ന​ട​ന്ന സം​ഭ​വ​ത്തി​ൽ വൈ​കീ​ട്ട്​ അ​ഞ്ചി​ന്​ ദേ​വാ​ല​യ​ത്തി​ൽ​നി​ന്ന് കൂ​ട്ട​മ​ണി കേ​ൾ​ക്കു​മ്പോ​ഴാ​ണ് ഇ​ട​വ​ക നി​വാ​സി​ക​ൾ സം​ഭ​വം അ​റി​യു​ന്ന​ത്. തു​ട​ർ​ന്ന് ആ​റോ​ടെ വി​ശ്വാ​സി​ക​ളു​ടെ പ്ര​തി​ഷേ​ധ പ്ര​ക​ട​ന​വും ന​ട​ന്നു. ഫോ​ട്ടോ​ഷൂ​ട്ടി​ൽ പ​ങ്കെ​ടു​ത്ത മു​ഴു​വ​ൻ വി​ദ്യാ​ർ​ഥി​ക​ളെ​യും രാ​ത്രി​യോ​ടെ ക​സ്റ്റ​ഡി​യി​ലെ​ടു​ത്തു. സ്വാ​ഭാ​വി​ക​മാ​യി ന​ട​ന്ന സം​ഭ​വ​ത്തി​ൽ പ​ക്ഷ​പാ​ത​പ​ര​മാ​യ സ​മീ​പ​ന​ത്തി​ലൂ​ടെ​യാ​ണ് കേ​സ് പൊ​ലീ​സ് കൈ​കാ​ര്യം ചെ​യ്​​ത​തെ​ന്നാ​ണ്​ വി​ദ്യാ​ർ​ഥി​ക​ളു​ടെ ര​ക്ഷി​താ​ക്ക​ൾ പ​റ​യു​ന്ന​ത്.

17 വി​ദ്യാ​ർ​ഥി​ക​ൾ 18 വ​യ​സ്സ്​ പൂ​ർ​ത്തി​യാ​യ​വ​രും 10 പേ​ർ പ്രാ​യ​പൂ​ർ​ത്തി​യാ​കാ​ത്ത​വ​രു​മാ​ണ്. 17 വി​ദ്യാ​ർ​ഥി​ക​ളെ കോ​ട​തി 14 ദി​വ​സ​ത്തേ​ക്ക് റി​മാ​ൻ​ഡ്​ ചെ​യ്യു​ക​യും കാ​ക്ക​നാ​ട്ടെ ജു​വ​നൈ​ൽ ഹോ​സ്റ്റ​ലി​ലേ​ക്ക് മാ​റ്റു​ക​യും ചെ​യ്തു. 10 പ്രാ​യ​പൂ​ർ​ത്തി​യാ​കാ​ത്ത വി​ദ്യാ​ർ​ഥി​ക​ളെ അ​തി​ര​മ്പു​ഴ​യി​ലെ ജൂ​വ​നൈ​ൽ ഹോ​മി​ലേ​ക്ക് അ​യ​ച്ചു.

വി​ദ്യാ​ർ​ഥി​ക​ൾ​ക്കെ​തി​രെ പൊ​ലീ​സ് 307 ാം വ​കു​പ്പാ​ണ് ചു​മ​ത്തി​യ​ത്. 10 വ​ർ​ഷം ത​ട​വും പി​ഴ​യും ശി​ക്ഷ ല​ഭി​ക്കാ​വു​ന്ന​തും ജാ​മ്യം ല​ഭി​ക്കാ​ത്ത​തു​മാ​യ വ​കു​പ്പാ​ണി​ത്. ഈ ​വ​ർ​ഷം പൊ​തു​പ​രീ​ക്ഷ എ​ഴു​തേ​ണ്ട വി​ദ്യാ​ർ​ഥി​ക​ളെ​യാ​ണ് പൊ​ലീ​സ് അ​റ​സ്റ്റ് ചെ​യ്ത​ത്.

നി​സ്സാ​ര പ​രി​ക്ക് പ​റ്റി​യ​തി​ന് 307ാം വ​കു​പ്പ് ചു​മ​ത്തി​യ​തി​നെ​തി​രെ നാ​ട്ടി​ൽ വ്യാ​പ​ക പ്ര​തി​ഷേ​ധം ഉ​ണ്ടാ​യി​ട്ടു​ണ്ട്. നീ​തി നി​ഷേ​ധ​ത്തി​നെ​തി​രെ വി​വി​ധ സം​ഘ​ട​ന​ക​ൾ ചേ​ർ​ന്ന് ആ​ക്ഷ​ൻ ക​മ്മി​റ്റി രൂ​പ​വ​ത്​​ക​രി​ക്കാ​ൻ ഒ​രു​ങ്ങു​ക​യാ​ണ് നാ​ട്ടു​കാ​ർ.