Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമന്ത്രവാദ...

മന്ത്രവാദ ചികിത്സയെന്ന് ആരോപണം; പനി ബാധിച്ച്​ പെൺകുട്ടി മരിച്ച സംഭവത്തിൽ കേസെടുത്തു

text_fields
bookmark_border
fathima
cancel
camera_alt

ഫാത്തിമ

കണ്ണൂർ: സിറ്റി ഞാലുവയലിൽ പനി ബാധിച്ച്​ പെൺകുട്ടി മരിച്ച സംഭവത്തിൽ പിതൃസഹോദരന്‍റെ പരാതിയിൽ കണ്ണൂർ സിറ്റി പൊലീസ്​ അസ്വാഭാവിക മരണത്തിന്​ കേസെടുത്തു. കണ്ണൂർ സിറ്റി ഞാലുവയൽ ദാറുൽ ഹിദായത്തിൽ എം.സി. അബ്​ദുൽ സത്താറിന്‍റെയും എം.എ. സാബിറയുടെയും മകൾ എം.എ. ഫാത്തിമയാണ്​ (11) മരിച്ചത്. പെൺകുട്ടിക്ക് കലശലായ പനി ഉണ്ടായിട്ടും ശരിയായ ചികിത്സ നൽകാതെ മന്ത്രവാദ ചികിത്സയാണ്​ നടത്തിയതെന്ന്​ നാട്ടുകാർ ആരോപിക്കുന്നു.

മൂന്ന് ദിവസമായി ഫാത്തിമക്ക് കലശലായ പനി ഉണ്ടായിരുന്നു. ഞായറാഴ്​ച പുലർച്ച മൂന്നിനാണ്​ പനി മൂച്ഛിച്ചതിനെ തുടർന്ന്​ കുട്ടിയെ കണ്ണൂരിലെ സ്വകാര്യ ആശുപത്രിയിൽ എത്തിച്ചത്. എന്നാൽ, അപ്പോഴേക്കും മരിച്ചിരുന്നുവെന്ന് ആശുപത്രി കേന്ദ്രങ്ങൾ വ്യക്തമാക്കി.

സിറ്റി പൊലീസ്​ ഇൻക്വസ്​റ്റ്​ നടത്തിയ മൃതദേഹം പരിയാരം കണ്ണൂർ ഗവ. മെഡിക്കൽ കോളജ്​ ആശുപത്രിയിൽ പോസ്​റ്റ്​മോർട്ടം നടത്തി. ശേഷം വൈകീട്ട്​ ആറിന്​ കണ്ണൂർ സിറ്റി ഞാലുവയലിലെ വീട്ടിലെത്തിച്ച മൃതദേഹം പൊതുദർശനത്തിനുശേഷം കണ്ണൂർ സിറ്റി ജുമാമസ്​ജിദ് ഖബർസ്ഥാനിൽ ഖബറടക്കി.

കണ്ണൂർ സിറ്റി സ്‌കൂൾ ഏഴാം ക്ലാസ് വിദ്യാർഥിനിയായ ഫാത്തിമ അരട്ടക്കപ്പള്ളി മദ്​റസയിൽ ആറാം ക്ലാസ് വിദ്യാർഥിനിയുമാണ്. സഹോദരങ്ങൾ: സാബിഖ്, സാഹിർ, സഹൽ. പോസ്​റ്റ്​മോർട്ടം റിപ്പോർട്ട്​ കിട്ടിയ ശേഷം തുടർനടപടി സ്വീകരിക്കുമെന്ന്​ സിറ്റി പൊലീസ്​ പറഞ്ഞു.

Show Full Article
TAGS:witchcraft treatment 
News Summary - allegation of witchcraft treatment; case registered in the incident where a girl died due to fever
Next Story