തദ്ദേശ സ്ഥാപനങ്ങളുടെ മുഴുവൻ സേവനങ്ങളും ആറു മാസത്തിനകം ഓണ്‍ലൈനില്‍ –മന്ത്രി
text_fields
കാസർകോട് ജില്ലാ പഞ്ചായത്ത്‌ നിർമിക്കുന്ന രജത ജൂബിലി മന്ദിരത്തിന്‍റെ ശിലാസ്ഥാപനം മന്ത്രി എം.വി. ഗോവിന്ദൻ നിർവഹിക്കുന്നു
കാസർകോട്: തദ്ദേശ സ്ഥാപനങ്ങളുടെ മുഴുവന്‍ സേവനങ്ങളും ആറു മാസത്തിനകം ഓണ്‍ലൈനിലാകുമെന്ന് മന്ത്രി എം.വി. ഗോവിന്ദന്‍. കാസര്‍കോട് ജില്ല പഞ്ചായത്തിെൻറ ജനകീയാസൂത്രണ രജതജൂബിലി മന്ദിര ശിലാസ്ഥാപനം നിര്‍വഹിക്കുകയായിരുന്നു മന്ത്രി.
സേവനങ്ങള്‍ ഓണ്‍ലൈനായാല്‍ പ്ലാന്‍ വരച്ചുകൊടുക്കല്‍ ഉള്‍പ്പെടെ എല്ലാം കൃത്യമാകുമെന്ന് മന്ത്രി പറഞ്ഞു. സംരംഭങ്ങള്‍ തുടങ്ങുന്നതിന് ഉദ്യോഗസ്ഥർ തടസ്സമാവരുതെന്നും അദ്ദേഹം പറഞ്ഞു.
സംസ്ഥാനത്ത് പുതുതലമുറ കുടുംബശ്രീ വരുന്നതിനായി 18നും 40നും ഇടയില്‍ പ്രായമുള്ള അഭ്യസ്തവിദ്യരായ യുവതികളെ പ്രത്യേകമായി രജിസ്റ്റര്‍ ചെയ്യണം. ഇങ്ങനെ 20,000 പുതിയ യൂനിറ്റുകള്‍ രജിസ്റ്റര്‍ ചെയ്യുമെന്നും മന്ത്രി കൂട്ടിച്ചേർത്തു.