ഹർത്താൽ നടത്താൻ എല്ലാവർക്കും അവകാശമുണ്ട് ​- കാനം

തിരുവനന്തപുരം: ഹർത്താൽ നടത്താൻ എല്ലാവർക്കും അവകാശമുണ്ടെന്ന്​ സി.പി.​െഎ സംസ്​ഥാന സെക്രട്ടറി കാനം രാജേന്ദ്രർ പറഞ്ഞു. ദലിത്​ പ്രശ്​നങ്ങൾ കണ്ടില്ലെന്ന്​ നടിക്കാനാകില്ലെന്നും കാനം കൂട്ടിച്ചേർത്തു. ഹർത്താൽ പ്രഖ്യാപിച്ച ദലിത്​ സംഘടന നേതാക്കളെ പൊലീസ്​ കസ്​റ്റഡിയിലെടുത്ത സംഭവത്തി​​​െൻറ പശ്​ചാത്തലത്തിലാണ്​ കാനത്തി​​​െൻറ പ്രതികരണം. 

അതിനിടെ, ദലിത്​ സംഘടനകളുടെ ഹർത്താലിനെ തുടർന്ന്​ തിരുവനന്തപുരത്തു നിന്നുള്ള ​ ദീർഘദൂര സർവീസുകളടക്കമുള്ള കെ.എസ്​.ആർ.ടി.സി ബസ്​ സർവീസുകൾ നിർത്തി​െവച്ചു. പൊലീസ്​ അനുമതിയില്ലാതെ സർവീസ്​ നടത്താൻ സാധിക്കില്ലെന്ന്​ അധികൃതർ വ്യക്​തമാക്കി. സർവീസ്​ നിർത്തിവെച്ചെങ്കിലും ബസ്​ ടിക്കറ്റുകൾ റദ്ദാക്കാനോ പണം തിരികെ നൽകാനോ കെ.എസ്​.ആർ.ടി.സി തയാറാകുന്നില്ലെന്ന്​ കാണിച്ച്​ യാത്രക്കാരുടെ പ്രതിഷേധവും തലസ്​ഥാനത്ത്​ നടക്കുന്നു. നിരവധി ഇടങ്ങളിൽ ഉപരോധവും മാർച്ചും നടന്നു. നിലവിൽ സംഘടനകളെല്ലാം സെക്ര​േട്ടറിയറ്റിനു മുന്നിൽ  തടിച്ചു കൂടിയിരിക്കുകയാണ്​. സ്​ത്രീകളടക്കമുള്ള പ്രവർത്തകർ സെക്ര​േട്ടറിയറ്റിനു മുന്നിൽ കഞ്ഞിവെച്ചും പ്രതിഷേധിക്കുന്നുണ്ട്​. 

സംസ്​ഥാനത്ത്​ വിവിധയിടങ്ങളിൽ വാഹനങ്ങൾ തടയുന്നു​. അതിനിടെ ചിലയിടങ്ങളിൽ സ്വകാര്യ വാഹനങ്ങളും ബസുകളും സർവീസുകളും നടത്തുന്നുണ്ട്​.  അതേസമയം, ഹൈകോടതി ജംങ്​ഷനിൽ പ്രതിഷേധിച്ച അഞ്ച്​ ദലിത്​ വിദ്യാർഥികളെയും പൊലീസ്​ കസ്​റ്റഡിയിലെടുത്തു.