അല്‍ക്കേഷ് ശര്‍മ യു.എൻ ഇന്‍റര്‍നെറ്റ് ഭരണസമിതിയില്‍

തിരുവനന്തപുരം: ഐക്യരാഷ്ട്രസഭയുടെ ഇന്‍റര്‍നെറ്റ് ഭരണസമിതിയായ ഐ.ജി.എഫിന്‍റെ നേതൃസമിതിയിലേക്ക് മുതിര്‍ന്ന ഐ.എ.എസ് ഉദ്യോഗസ്ഥനും കേന്ദ്ര ഇലക്ട്രോണിക്സ് ഐ.ടി മന്ത്രാലയ സെക്രട്ടറിയുമായ അല്‍ക്കേഷ് കുമാര്‍ ശർമയെ സെക്രട്ടറി ജനറല്‍ അന്‍റോണിയോ ഗുട്ടെറസ് നാമനിർദേശം ചെയ്തു.

കേരള കേഡറിലെ 1990 ബാച്ച് ഐ.എ.എസ് ഉദ്യോഗസ്ഥനായ അല്‍കേഷ് കുമാര്‍ ശര്‍മ കാബിനറ്റ് സെക്രട്ടേറിയറ്റിലെ മുന്‍ സെക്രട്ടറിയായിരുന്നു. ലോകത്തിലെ വിവിധ രാജ്യങ്ങളില്‍ നിന്നുള്ള പത്ത് വിദഗ്ധരാണ് സമിതിയിലുള്ളത്. നൊബേല്‍ സമ്മാന ജേതാവും മാധ്യമപ്രവര്‍ത്തകയുമായ രമിയ റെസ, ഡിജിറ്റല്‍ വിദഗ്ധന്‍ വിന്‍റ് സെര്‍ഫ് എന്നിവരും അംഗങ്ങളാണ്.