സു​ഡാ​നി​​ല്‍ മ​രി​ച്ച ആ​ല്‍ബ​ര്‍ട്ട് അ​ഗ​സ്റ്റി​ന്റെ ഭാ​ര്യയും മകളും നാട്ടിലെത്തി

ആ​ല​ക്കോ​ട് (ക​ണ്ണൂ​ര്‍): സു​ഡാ​നി​ലെ ആ​ഭ്യ​ന്ത​ര ക​ലാ​പ​ത്തി​ല്‍ മ​രി​ച്ച ആ​ല​ക്കോ​ട് സ്വ​ദേ​ശി ആ​ല്‍ബ​ര്‍ട്ട് അ​ഗ​സ്റ്റി​ന്റെ ഭാ​ര്യ സൈ​ബ​ല്ല​യും മ​ക​ള്‍ മ​രീ​റ്റ​യും സു​ര​ക്ഷി​ത​രാ​യി നാ​ട്ടി​ലെ​ത്തി. ജി​ദ്ദ​യി​ല്‍നി​ന്ന് വ്യാ​ഴാ​ഴ്ച പ​ക​ല്‍ നെ​ടു​മ്പാ​ശ്ശേ​രി വി​മാ​ന​ത്താ​വ​ള​ത്തി​ലെ​ത്തി​യ ഇ​രു​വ​രും രാ​ത്രി എ​ട്ടോ​ടെ​യാ​ണ് ആ​ല​ക്കോ​ട് നെ​ല്ലി​പ്പാ​റ​യി​ലെ വീ​ട്ടി​ലെ​ത്തി​യ​ത്. സു​ഡാ​നി​ല്‍ സ്വ​കാ​ര്യ ക​മ്പ​നി​യി​ല്‍ സെ​ക്യൂ​രി​റ്റി മാ​നേ​ജ​റാ​യി ജോ​ലി ചെ​യ്തി​രു​ന്ന ആ​ല്‍ബ​ര്‍ട്ടി​നൊ​പ്പം അ​വ​ധി​ക്കാ​ലം ചെ​ല​വി​ടാ​ന്‍ ഒ​രു​മാ​സം മു​മ്പാ​ണ് സൈ​ബ​ല്ല​യും മ​ക​ള്‍ മ​രീ​റ്റ​യും സു​ഡാ​നി​ലെ​ത്തി​യ​ത്.

സു​ഡാ​ന്‍ സൈ​ന്യ​വും അ​ര്‍ധ​സൈ​നി​ക വി​ഭാ​ഗ​മാ​യ ആ​ർ.​എ​സ്.​എ​ഫും ത​മ്മി​ല്‍ പൊ​ടു​ന്ന​നെ​യു​ണ്ടാ​യ ഏ​റ്റു​മു​ട്ട​ലി​നി​ടെ ഇ​ക്ക​ഴി​ഞ്ഞ 15നാ​ണ് ആ​ല്‍ബ​ര്‍ട്ട് അ​ഗ​സ്റ്റി​ന്‍ വെ​ടി​യേ​റ്റു മ​രി​ച്ച​ത്. ആ​ല്‍ബ​ര്‍ട്ട് താ​മ​സി​ച്ചി​രു​ന്ന ഫ്ലാ​റ്റി​ലെ താ​മ​സ​ക്കാ​ര​നാ​യ മ​ല​പ്പു​റം സ്വ​ദേ​ശി മൊ​യ്തീ​നും ഇ​വ​രെ അ​നു​ഗ​മി​ച്ച് നാ​ട്ടി​ലെ​ത്തി. ആ​ല്‍ബ​ര്‍ട്ട് വെ​ടി​യേ​റ്റു മ​രി​ച്ച​തി​ന് പി​ന്നാ​ലെ ഇ​രു​വ​ര്‍ക്കും സം​ര​ക്ഷ​ണം ന​ല്‍കി​യ​ത് മൊ​യ്തീ​നാ​ണ്.

തു​ട​ർ​ന്ന് ഇ​വ​രെ ക​ഴി​ഞ്ഞ​ദി​വ​സം ആ​ല്‍ബ​ര്‍ട്ട് ജോ​ലി ചെ​യ്തി​രു​ന്ന ക​മ്പ​നി​യു​ടെ ഗെ​സ്റ്റ് ഹൗ​സി​ല്‍ സു​ര​ക്ഷി​ത​രാ​യി എ​ത്തി​ക്കു​ക​യും തു​ട​ര്‍ന്ന് ഇ​ന്ത്യ​ന്‍ എം​ബ​സി​യു​ടെ സ​ഹാ​യ​ത്തോ​ടെ നാ​ട്ടി​ലേ​ക്ക് അ​നു​ഗ​മി​ക്കു​ക​യു​മാ​യി​രു​ന്നു. ക​ണ്‍മു​ന്നി​ല്‍ പ്രി​യ​ത​മ​ന്‍ വെ​ടി​യേ​റ്റു മ​രി​ച്ച​തി​ന്റെ ആ​ഘാ​ത​ത്തി​ല്‍ ത​ക​ര്‍ന്നു​പോ​യ സൈ​ബ​ല്ല​യും മ​ക​ളും ഫ്ലാ​റ്റി​ലെ മ​റ്റു താ​മ​സ​ക്കാ​ര്‍ക്കൊ​പ്പം അ​ണ്ട​ര്‍ ഗ്രൗ​ണ്ടി​ലും ഇ​ട​നാ​ഴി​യി​ലു​മാ​യാ​ണ് ക​ഴി​ഞ്ഞ​ത്. 10 ദി​വ​സ​ങ്ങ​ള്‍ക്കു ശേ​ഷ​മാ​ണ് ഇ​വ​ര്‍ക്ക് ആ​ല്‍ബ​ര്‍ട്ട് ജോ​ലി ചെ​യ്തി​രു​ന്ന ക​മ്പ​നി​യു​ടെ ഗെ​സ്റ്റ് ഹൗ​സി​ലേ​ക്ക് ര​ക്ഷ​പ്പെ​ടാ​ന്‍ ക​ഴി​ഞ്ഞ​ത്. പി​ന്നാ​ലെ സു​ഡാ​നി​ല്‍ കു​ടു​ങ്ങി​യ ഇ​ന്ത്യ​ക്കാ​രെ ഒ​ഴി​പ്പി​ക്കാ​നു​ള്ള ഓ​പ​റേ​ഷ​ന്‍ കാ​വേ​രി ദൗ​ത്യ​ത്തി​ന്റെ ഭാ​ഗ​മാ​യി ഇ​വ​ര്‍ക്ക് ജി​ദ്ദ​യി​ലേ​ക്കും അ​വി​ടെ നി​ന്നു നാ​ട്ടി​ലേ​ക്കെ​ത്താ​നും വ​ഴി​തു​റ​ക്കു​ക​യാ​യി​രു​ന്നു. വി​ങ്ങി​പ്പൊ​ട്ടു​ന്ന ഹൃ​ദ​യ​ത്തോ​ടെ വീ​ട്ടി​ലെ​ത്തി​യ ഇ​വ​രെ ചേ​ര്‍ത്തു​പി​ടി​ച്ച് ആ​ശ്വ​സി​പ്പി​ക്കാ​ന്‍ ബ​ന്ധു​ക്ക​ളും നാ​ട്ടു​കാ​രു​മു​ള്‍പ്പെ​ടെ നി​ര​വ​ധി പേ​ര്‍ എ​ത്തി. വി​ദേ​ശ​ത്ത് പ​ഠ​ന​ത്തി​നാ​യി പോ​യി​രു​ന്ന മ​ക​ന്‍ ഓ​സ്റ്റി​ന്‍ ക​ഴി​ഞ്ഞ ദി​വ​സം വീ​ട്ടി​ലെ​ത്തി​യി​രു​ന്നു.