ജനിച്ച മണ്ണിൽ മരിക്കണമെന്ന ആഗ്രഹത്തിന്​ കരിമണലിനേക്കാൾ വില -വി.എസ്​

തിരുവനന്തപുരം: ജനിച്ച മണ്ണില്‍ മരിക്കണമെന്ന, ആലപ്പാട്ടെ കുഞ്ഞുങ്ങളുടെ ആഗ്രഹത്തിന് കരിമണലിനേക്കാള്‍ വിലയു​ െണ്ടന്ന്​ വി.എസ്. അച്യുതാനന്ദന്‍. തുടര്‍പഠനവും നിഗമനങ്ങളും വരുന്നതുവരെയെങ്കിലും ആലപ്പാട്ടെ കരിമണല്‍ ഖനനം അവസ ാനിപ്പിക്കുന്നതാവും ഉചിതമെന്നും അദ്ദേഹം പ്രസ്താവിച്ചു.

ഖനനംമൂലം ആലപ്പാടിന് സംഭവിച്ചതെ​െന്തന്ന് മനസ്സിലാക്കാന്‍ മാധ്യമങ്ങളിലൂടെ പുറത്തുവന്ന ഉപഗ്രഹചിത്രങ്ങളും നിയമസഭ പരിസ്ഥിതി കമ്മിറ്റിയുടെ പഠനവുംതന്നെ ധാരാളമാണ്. ധാതുസമ്പത്ത് വെറുതെ കളയരു​െതന്ന ലാഭചിന്തയിലൂടെയല്ല, അപകടകരമായ ഒരു പാരിസ്ഥിതിക പ്രതിസന്ധിയെ നോക്കിക്കാണേണ്ടത്.

ഇന്നത്തെ നിലയില്‍ ഇനിയും മുന്നോട്ടുപോയാല്‍, അത് ആലപ്പാടിനെ മാത്രമല്ല, ബാധിക്കുക. കടലും കായലും ഒന്നായി, അപ്പര്‍ കുട്ടനാട് വരെയുള്ള കാര്‍ഷിക ജനവാസമേഖല പോലും ഇല്ലാതാവുന്ന സ്ഥിതിയു​െണ്ടന്നാണ് റിപ്പോര്‍ട്ടുകൾ. ഒരുവര്‍ഷം മുമ്പ് വന്ന നിയമസഭ പരിസ്ഥിതി കമ്മിറ്റിയുടെ റിപ്പോര്‍ട്ട് തീര്‍ച്ചയായും ഗൗരവത്തിലെടുക്കേണ്ടതാ​െണന്നും വി.എസ്​ പറഞ്ഞു.