എ.കെ.ജി സെൻറർ ആ​ക്രമണം പൊലീസ്​ അട്ടിമറി സംശയിക്കുന്ന വിവരങ്ങൾ പുറത്ത്​

തി​രു​വ​ന​ന്ത​പു​രം: സി.​പി.​എം സം​സ്ഥാ​ന ആ​സ്ഥാ​ന​മാ​യ എ.​കെ.​ജി സെ​ന്റ​റി​നു​നേ​രെ​യു​ള്ള ആ​ക്ര​മ​ണ സം​ഭ​വ​ത്തി​ൽ പൊ​ലീ​സ്​ ഒ​ത്തു​ക​ളി സം​ശ​യി​ക്കു​ന്ന വി​വ​ര​ങ്ങ​ൾ പു​റ​ത്ത്.

സം​ഭ​വ​സ​മ​യ​ത്ത് അ​തു​വ​ഴി ക​ട​ന്നു​പോ​യ ത​ട്ടു​ക​ട​ക്കാ​ര​നെ കേ​ന്ദ്രീ​ക​രി​ച്ച അ​ന്വേ​ഷ​ണം പാ​തി​വ​ഴി​യി​ൽ അ​വ​സാ​നി​പ്പി​ച്ച​തി​ൽ ദു​രൂ​ഹ​ത ചൂ​ണ്ടി​ക്കാ​ട്ടി​യാ​ണ്​ ആ​ക്ഷേ​പം.

സ്ഫോ​ട​ക​വ​സ്തു എ​റി​ഞ്ഞ​യാ​ളെ സ​ഹാ​യി​ച്ചെ​ന്ന സം​ശ​യ​ത്തി​ൽ ക​സ്റ്റ​ഡി​യി​ലെ​ടു​ത്ത യു​വാ​വി​നെ​യാ​ണ് കൃ​ത്യ​മാ​യ വി​വ​രം ല​ഭി​ക്കും മു​മ്പ്​ വി​ട്ട​യ​ച്ച​ത്. സി.​പി.​എം നേ​താ​വു​മാ​യി ഇ​യാ​ൾ​ക്ക്​ അ​ടു​പ്പ​മു​ണ്ടെ​ന്ന്​ വ്യ​ക്ത​മാ​യ​തി​നെ തു​ട​ർ​ന്നാ​ണ് ഒ​ന്ന​ര​ദി​വ​സ​ത്തെ ക​സ്റ്റ​ഡി​ക്കു​ശേ​ഷം ഉ​ന്ന​ത ഉ​ദ്യോ​ഗ​സ്ഥ​ൻ ഇ​ട​പെ​ട്ട് വി​ട്ട​യ​ച്ച​ത​ത്രെ. ഇ​യാ​ളു​ടെ ഫോ​ൺ വി​ളി ഉ​ൾ​പ്പെ​ടെ അ​ന്വേ​ഷി​ക്കേ​ണ്ട​തി​ല്ലെ​ന്ന നി​ർ​ദേ​ശം പ്ര​ത്യേ​ക സം​ഘ​ത്തി​ന് ല​ഭി​ച്ചെ​ന്നും അ​തോ​ടെ​യാ​ണ്​ കേ​സി​ൽ ര​ണ്ടു പ്ര​തി​ക​ളു​ണ്ടെ​ന്ന്​ ആ​ദ്യം പ​റ​ഞ്ഞ പൊ​ലീ​സ്​ പി​ന്നീ​ട്​ ഒ​രാ​ൾ മാ​ത്ര​മേ​യു​ള്ളൂ​വെ​ന്ന നി​ഗ​മ​ന​ത്തി​ലെ​ത്തി​യ​തെ​ന്നും ആ​ക്ഷേ​പ​മു​ണ്ട്.

എ​ന്നാ​ൽ, പൊ​ലീ​സ്​ ആ​ക്ഷേ​പ​ങ്ങ​ൾ ത​ള്ളി. ത​ട്ടു​ക​ട​ക്കാ​ര​നെ സം​ശ​യി​ക്കാ​നു​ള്ള തെ​ളി​വ്​ കി​ട്ടി​യി​ല്ലെ​ന്നും അ​യാ​ൾ എ​ന്നും അ​തു​വ​ഴി പോ​കു​ന്ന ആ​ളാ​ണെ​ന്ന്​ ഉ​റ​പ്പാ​യ​തി​നാ​ലാ​ണ്​ വി​ട്ട​യ​ച്ച​തെ​ന്നും പൊ​ലീ​സ്​ പ​റ​ഞ്ഞു.

ജൂ​ൺ 30ന് ​രാ​ത്രി​യാ​ണ് എ.​കെ.​ജി സെ​ന്റ​റി​ലേ​ക്ക് സ്ഫോ​ട​ക വ​സ്തു എ​റി​ഞ്ഞ​ത്. പി​ന്നാ​ലെ സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ച പൊ​ലീ​സ് ര​ണ്ടു​പേ​രെ സം​ശ​യാ​സ്പ​ദ​മാ​യ സാ​ഹ​ച​ര്യ​ത്തി​ൽ ക​ണ്ടെ​ത്തി. ആ​ദ്യ​ത്തേ​ത് സ്ഫോ​ട​ക വ​സ്തു എ​റി​ഞ്ഞ​യാ​ളും ര​ണ്ടാ​മ​ത്തേ​ത് ആ​ക്ര​മ​ണ​ത്തി​ന് മു​മ്പും ശേ​ഷ​വും അ​തു​വ​ഴി പോ​യ സ്കൂ​ട്ട​ർ യാ​ത്രി​ക​നു​മാ​ണ്.

ര​ണ്ടാം ദി​വ​സം സ്കൂ​ട്ട​ർ യാ​ത്രി​ക​നെ തി​രി​ച്ച​റി​ഞ്ഞ് ക​സ്റ്റ​ഡി​യി​ലെ​ടു​ത്തു. ജ​ന​റ​ൽ ആ​ശു​പ​ത്രി പ​രി​സ​ര​ത്ത് ത​ട്ടു​ക​ട ന​ട​ത്തു​ന്ന ആ​ളാ​യി​രു​ന്നു യാ​ത്രി​ക​ൻ. ത​ട്ടു​ക​ട​യി​ലേ​ക്ക് എ.​കെ.​ജി സെ​ന്റ​റി​ന് സ​മീ​പ​ത്തെ ടാ​പ്പി​ൽ​നി​ന്ന് വെ​ള്ള​മെ​ടു​ക്കാ​ൻ എ​ത്തി​യെ​ന്നാ​യി​രു​ന്നു ഇ​യാ​ളു​ടെ മൊ​ഴി. എ​ന്നാ​ൽ, സ്ഫോ​ട​ക വ​സ്തു എ​റി​ഞ്ഞ​യാ​ൾ​ക്ക് അ​ത് കൈ​മാ​റി​യ​ത് ഇ​യാ​ളാ​ണെ​ന്നാ​യി​രു​ന്നു അ​ന്വേ​ഷ​ണ സം​ഘ​ത്തി​ന്റെ സം​ശ​യം.

തു​ട​ർ​ന്ന് കേ​സി​ൽ ര​ണ്ട് പ്ര​തി​ക​ളു​ണ്ടെ​ന്ന നി​ഗ​മ​ന​ത്തി​ലേ​ക്ക് പൊ​ലീ​സ്​ എ​ത്തി. പി​ന്നീ​ടാ​ണ്​ ഒ​രാ​ൾ മാ​ത്ര​മേ​യു​ള്ളൂ​യെ​ന്ന നി​ഗ​മ​ന​ത്തി​ലെ​ത്തി​യ​ത്. സം​ഭ​വം ന​ട​ന്ന്​ ഒ​രു​മാ​സ​മാ​കാ​റാ​യി​ട്ടും പൊ​ലീ​സി​ന്​ പ്ര​തി​യെ പി​ടി​കൂ​ടാ​നാ​യി​ട്ടി​ല്ല. അ​ന്വേ​ഷ​ണം ക്രൈം​ബ്രാ​ഞ്ചി​ന്​ വി​ടാ​ൻ തീ​രു​മാ​നി​ച്ചെ​ങ്കി​ലും അ​തി​നു​ള്ള ന​ട​പ​ടി​ക​ളൊ​ന്നു​മാ​യി​ല്ല.