ദുരിതാശ്വാസ നിധിയിലേക്ക് പണം അയക്കുന്ന പ്രവാസികൾക്ക്​ സർവിസ്​ ചാർജ് സൗജന്യമാക്കി അക്ബർ ട്രാവൽസ്

കോഴിക്കോട്​: വയനാട്ടിലെ ദുരിതാശ്വാസവുമായി ബന്ധപ്പെട്ട് മുഖ്യമന്ത്രിയുടെ ദുരിതാശ്വാസ നിധിയിലേക്കും മറ്റും പണം അയക്കുന്ന പ്രവാസികൾക്ക്​ സർവിസ്​ ചാർജ് സൗജന്യമാക്കി പ്രമുഖ ട്രാവൽ ഗ്രൂപ്പ് ആയ അക്ബർ ട്രാവൽസ്.

അക്ബർ ട്രാവൽസിന്റെ സഹോദര സ്ഥാപനമായ അൽജസീറ എക്സ്​ചേഞ്ച്​ വഴി നടത്തുന്ന ഇടപാടുകൾക്കാണ് ഇളവ് ലഭിക്കുകയെന്ന് സി.എം.ഡി അബ്ദുൾ നാസർ അറിയിച്ചു. അൽജസീറയുടെ എല്ലാ ബ്രാഞ്ചുകളിലും ഈ സൗജന്യം ലഭ്യമാകും.