പൊതുപ്രവർത്തകർക്ക് ധാർമികത അനിവാര്യമെന്ന് എ.കെ ശശീന്ദ്രൻ
text_fields
തിരുവനന്തപുരം: പൊതുപ്രവർത്തകർക്ക് ധാർമികത അനിവാര്യമെന്ന് മുൻ മന്ത്രി എ.കെ ശശീന്ദ്രൻ. ധാർമികത തെൻറ കാര്യത്തിൽ മാത്രം ഒതുങ്ങരുതെന്നും ശശീന്ദ്രൻ പറഞ്ഞു. പാർട്ടി ആവശ്യപ്പെട്ടാൽമന്ത്രിസ്ഥാനം ഏറ്റെടുക്കും. മന്ത്രിയാകുന്നതിൽ സന്തോഷമുണ്ട്. വകുപ്പ് സംബന്ധിച്ച് ഇപ്പോൾ പ്രതികരിക്കുന്നില്ലെന്ന് അദ്ദേഹം വ്യക്തമാക്കി.
തനിക്കെതിരെ ഗൂഢാലോചന നടന്നോയെന്നത് മാധ്യമങ്ങൾക്ക് വിടുന്നു. എൻ.സി.പിയിൽ തനിക്കെതിരെ ഗുഢാലോചന നടന്നിട്ടില്ല. ചാനലിനെതിരെ നിയമനടപടി സ്വീകരിച്ചിട്ടില്ല. എൻ.സി.പി കേന്ദ്രനേതൃത്വവുമായി ചർച്ചകൾ നടത്താൻ തിങ്കളാഴ്ച ഡൽഹിക്ക് പോകുമെന്നും ശശീന്ദ്രൻ അറിയിച്ചു.
കഴിഞ്ഞ ദിവസ ഫോൺവിളി കേസിൽ എ.കെ ശശീന്ദ്രനെ ഹൈകോടതി കുറ്റവിമുക്തനാക്കിയിരുന്നു. പരാതിക്കാരി മൊഴി മാറ്റിയതിനെ തുടർന്നായിരുന്നു ശശീന്ദ്രനെതിരായ കേസ് പിൻവലിച്ചത്. ഇതോടെ ശശീന്ദ്രൻ വീണ്ടും മന്ത്രിസ്ഥാനത്ത് തിരിച്ചെത്തുന്നതിനുള്ള സാധ്യതയേറി. ഇതിനിടെയാണ് പ്രതികരണവുമായി ശശീന്ദ്രൻ രംഗത്തെത്തിയത്.