എ.കെ ശശീന്ദ്രനും തോമസ് കെ. തോമസും രണ്ടര വർഷം വീതം മന്ത്രിസ്ഥാനം പങ്കിടും

തി​രു​വ​ന​ന്ത​പു​രം: ര​ണ്ടാം പി​ണ​റാ​യി സ​ർ​ക്കാ​രി​ൽ എ​ൻ​.സി.​പി മ​ന്ത്രി​സ്ഥാ​നം പ​ങ്കി​ടും. ആദ്യ രണ്ടരവർഷം എ.കെ. ശശീന്ദ്രനും പിന്നീട് തോമസ് കെ. തോമസും മന്ത്രിമാരാകും. എൻ.സി.പി ദേശീയ ജനറൽ സെക്രട്ടറി പ്രഫുൽ പട്ടേലിന്റെ സാന്നിധ്യത്തിൽ നടന്ന ചർച്ചയിലാണ് ഇതു സംബന്ധിച്ച് തീരുമാനമെടുത്തത്.

എ.​കെ ശ​ശീ​ന്ദ്ര​ൻ പ​ക്ഷ​വും തോ​മ​സ് കെ. ​തോ​മ​സ് വി​ഭാ​ഗ​വും മ​ന്ത്രി​സ്ഥാ​ന​ത്തി​നാ​യി നേ​ര​ത്തേ ത​ന്നെ രം​ഗ​ത്തെ​ത്തി​യി​രു​ന്നു. സം​സ്ഥാ​ന ഭാ​ര​വാ​ഹി​ക​ളി​ൽ ഭൂ​രി​ഭാ​ഗം ത​ങ്ങ​ളോ​ടൊ​പ്പ​മാ​ണെ​ന്ന് ഇ​രു​വി​ഭാ​ഗ​വും അ​വ​കാ​ശ​പ്പെ​ട്ടി​രു​ന്നു. ഇ​തി​നു പി​ന്നാ​ലെ​യാ​ണ് കേ​ന്ദ്ര നേ​തൃ​ത്വ​ത്തി​ന്‍റെ ഇ​ട​പെ​ട​ൽ ഉ​ണ്ടാ​യ​ത്.

എലത്തൂരിൽനിന്നാണ് എ.കെ. ശശീന്ദ്രൻ നിയമസഭയിലേക്ക് തിരഞ്ഞെടുക്കപ്പെട്ടത്. 2016-ലെ പിണറായി സർക്കാരിൽ അദ്ദേഹം മന്ത്രിയായിരുന്നെങ്കിലും ഫോൺവിളി വിവാദത്തിൽ 2017-ൽ രാജിവെച്ചു. പിന്നീട് കേസിൽ കുറ്റവിമുക്തനായതോടെ മന്ത്രിസഭയിൽ തിരിച്ചെത്തുകയായിരുന്നു. കുട്ടനാട്ടിൽനിന്നുള്ള എം.എൽ.എയാണ് തോമസ് കെ. തോമസ്. അന്തരിച്ച മുൻ എൻ.സി.പി. മന്ത്രി തോമസ് ചാണ്ടിയുടെ സഹോദരനാണ്.