എം. പാനൽ കണ്ടക്​ടർ: വിധി നടപ്പാക്കും, കോടതിയോട്​ ധിക്കാരമില്ല -മന്ത്രി എ.കെ.ശശീന്ദ്രൻ

കോഴിക്കോട്​: എംപാനൽ കണ്ടക്​ടർമാരെ പിരിച്ചുവിടണമെന്ന വിധി നടപ്പാക്കുമെന്നും കോടതിയോട്​ ഒരുവിധ ധിക്കാര സമീപനവും സർക്കാറിനില്ലെന്നും ഗതാഗത മന്ത്രി എ.കെ. ശശീന്ദ്രൻ. കെ.എസ്.ആർ.ടി.സി എം.ഡിയോട് എംപാനൽ ജീവനക്കാരെ പിരിച്ചു വിട്ടതായുള്ള സത്യവാങ്മൂലം ചൊവ്വാഴ്ച സമർപ്പിക്കാൻ ഹൈകോടതി ഉത്തരവിടുകയും കെ.എസ്.ആർ.ടി.സിയെ രൂക്ഷമായി വിമർശിക ്കുകയും ചെയ്ത പശ്ചാത്തലത്തിൽ കോഴിക്കോട്ട്​​ മാധ്യമപ്രവർത്തകരുമായി സംസാരിക്കുകയായിരുന്നു അദ്ദേഹം.

പി.എസ്​.സിക്കാരെ നിയമിക്കാൻ നടപടി തുടങ്ങിയിട്ടുണ്ട്​. അതേസമയം, വിധി നടപ്പാക്കുന്നതിലെ പ്രയാസം കോടതിയെ അറിയിക്കും. ഇതുസംബന്ധിച്ച്​ ചൊവ്വാഴ്​ച വിശദമായ സത്യവാങ്​മൂലം സമർപ്പിക്കും. 8,000 പേർ പുതുതായി പി.എസ്​.സി വഴി വരുന്നത്​ കെ.എസ്​.ആർ.ടി.സിക്ക്​ ഭാരം സൃഷ്​ടിക്കും. സാമ്പത്തിക ബാധ്യത, സർവിസ്​ മുടക്കം, ജീവനക്കാ​േരാടുള്ള മാനുഷിക പരിഗണന എന്നിങ്ങനെ മൂന്ന്​ കാര്യങ്ങളാണ് എംപാനൽ ജീവനക്കാരെ പിരിച്ചുവിടു​േമ്പാൾ സർക്കാറിന്​ മുന്നിലുള്ളത്​. ഹൈകോടതി വിധി നടപ്പാക്കുമ്പോൾ കെ.എസ്.ആർ.ടി.സി റോഡിൽനിന്ന്​ പിൻവലിയുന്ന ഗുരുതര സാഹചര്യമാണ് കേരളത്തിലുണ്ടാവുക. സർവിസുകൾ മുടങ്ങാതിരിക്കാൻ നടപടികൾ സ്വീകരിക്കും.

വിധി അനുസരിക്കുകയല്ലാതെ സർക്കാറി​​​െൻറയും കെ.എസ്.ആർ.ടി.സിയുടെയും മുന്നിൽ മറ്റുവഴികളില്ല. 4000ത്തോളം എംപാനൽ ജീവനക്കാർ ഒരുമിച്ച് പുറത്തുപോകുമ്പോൾ സർവിസ് നടത്താൻ കഴിയാത്ത സ്ഥിതിയുണ്ടാകും. വരുമാനനഷ്​ടം കൂടും. ശമ്പളവും ആനുകൂല്യവും നൽകാൻ ബുദ്ധിമുട്ടും. കെ.എസ്.ആർ.ടി.സിയുടെ പ്രയാണത്തെ സാരമായി ബാധിക്കുന്ന വിധിയാണ് കോടതിയുടെ ഭാഗത്തുനിന്നുണ്ടായതെന്നും മന്ത്രി ശശീന്ദ്രൻ പ്രതികരിച്ചു.