ലോക കേരള സഭ സ്പോൺസർഷിപിനെ ന്യായീകരിച്ച്​ എ.കെ ബാലൻ; 'പ്രവാസി മലയാളികൾ മനസറിഞ്ഞ്​ സഹകരിക്കുന്നതിന്​ എന്തിനാണ്​ അസൂയ‍?'

തിരുവനന്തപുരം: ​അമേരിക്കയിൽ നടക്കുന്ന ലോക കേരളസഭ മേഖല സമ്മേളനത്തിന്​ സ്​പോൺസർഷിപ്​ സ്വീകരിക്കുന്നതിനെ ന്യായീകരിച്ച്​ സി.പി.എം കേന്ദ്ര കമ്മിറ്റി അംഗം എ.കെ. ബാലൻ. പ്രവാസി മലയാളികൾ മനസറിഞ്ഞ്​ സഹകരിക്കുന്നതിന്​ എന്തിനാണ്​ അസൂയയെന്ന്​ എ.കെ. ബാലൻ ചോദിച്ചു.

ദുബൈയിലും ലണ്ടനിലും ​മേഖല സമ്മേളനങ്ങൾ നടന്നപ്പോഴും സ്​പോൺസർഷിപ്പുണ്ട്​. പണം പിരിക്കുന്നത്​ സ്​പോർണസറാണ്, മന്ത്രിയല്ല. എല്ലാം ഓഡിറ്റ്​ ചെയ്യുമെന്ന്​ സംഘാടകർ പറഞ്ഞിട്ടുണ്ട്​. ഇവിടെയുള്ള പൈസ എടുക്കാനും പറ്റില്ല, സ്​​പോൺസർഷിപ്​ വാങ്ങാനും പറ്റില്ലെന്നത്​ എന്ത്​ ന്യായമാണ്​.

മുഖ്യമന്ത്രിയുടെ കൂടെയിരിക്കാനല്ല 82 ലക്ഷം. അത്തരം പ്രചാരണം അസംബന്ധമാണ്​. സ്​പോൺസർഷിപ്​ എന്നാൽ എന്താണെന്ന്​ ആദ്യം മനസ്സിലാക്കണം. ഇപ്പോൾ ആരോപണം ഉന്നയിക്കുന്ന ഇവരാരും ഇതിന്​ മുമ്പ്​ സ്​പോൺസർഷിപ്​ വാങ്ങിയിട്ടില്ലേ? വയനാട്​ സഹകരണ ബാങ്ക്​ അഴിമതിയിൽ കെ.പി.സി.സി ജനറൽ സെക്രട്ടറി അറസ്​റ്റിലായത്​ മറികടക്കാനാണ്​ വിവാദമെന്നും എ.കെ. ബാലൻ ആരോപിച്ചു.