You are here

സി.പി.എം ഇഷ്​ടപ്പെടുന്നത്​ മോദി ഭരണം- എ.കെ ആൻറണി

19:17 PM
21/01/2018
AK Antony

തിരുവനന്തപുരം: മതേതര​ത്തേക്കാൾ സി.പി.എമ്മിന്​ ഇഷ്​ടം മോദി ഭരണമാണെന്ന്​ കോൺഗ്രസ്​ നേതാവ്​ എ.കെ ആൻറണി. സി.പി.എം രാജ്യത്തെ ഒറ്റുകൊടുക്കുകയാണ്​. കോൺഗ്രസുമായി സഹകരണം പാടില്ലെന്ന സി.പി.എം കേന്ദ്ര കമ്മറ്റി തീരുമാനം ഇന്ത്യയുടെ മതേതര ജനാധിപത്യ ശക്തികളെ ഒറ്റുകൊടുക്കുന്നതാണെന്നും എ.കെ ആൻറണി പറഞ്ഞു. 

കേന്ദ്രകമ്മറ്റിയുടെ തീരുമാനത്തിന്​ പിന്നിൽ സി.പി.എമ്മി​​െൻറ കേരള ഘടകത്തി​ലെ നേതാക്കളാണ്​. ലോക്‌സഭാ തെരഞ്ഞെടുപ്പില്‍ ഒരു മതേതര മുന്നണിയെ മോദിക്കെതിരെ അണിനിരത്താന്‍ കേരളത്തിലെ സി.പി.എമ്മിന് താല്‍പര്യമില്ല. കേരളത്തിലെ സി.പി.എം നേതാക്കൾക്ക്​ മോദി ഭരണം തുടരുന്നതാണ്​ ഇഷ്​ടം. ഇതിന്​ ചരിത്രം മാപ്പു തരില്ലെന്നും എ.കെ ആൻറണി പറഞ്ഞു. 

കോണ്‍ഗ്രസുമായുള്ള സഹകരണം സംബന്ധിച്ച് സി.പി.എം കേന്ദ്രകമ്മിറ്റിയില്‍ ജനറല്‍ സെക്രട്ടറി സീതാറാം യെച്ചൂരി കൊണ്ടുവന്ന കരട് രേഖ യോഗം ഇന്ന് വോട്ടിനിട്ട് തള്ളിയിരുന്നു. ഇതുമായി ബന്ധപ്പെട്ട്​ മാധ്യമപ്രവർത്തകരുടെ ചോദ്യത്തിന്​ പ്രതികരിക്കുകയായിരുന്നു അദ്ദേഹം. 

Loading...
COMMENTS