എയര്‍ ഇന്ത്യ: എ.കെ. കത്പാലിയയെ മാറ്റി

ന്യൂഡല്‍ഹി: എയര്‍ ഇന്ത്യ ഓപറേഷന്‍സ് വിഭാഗം തലവന്‍ എ.കെ. കത്്പാലിയയെ മാറ്റി. എ.കെ. ഗോവില്‍ ആണ് പുതിയ തലവന്‍. വിമാനം പറത്തുന്നതിന് മുമ്പും ശേഷവും നിര്‍ബന്ധപൂര്‍വം നടത്തുന്ന ആല്‍ക്കഹോള്‍ പരിശോധനക്ക് ഹാജരാകാതെ മുങ്ങിയതിന് കത്പാലിയയുടെ ഫ്ളയിങ് ലൈസന്‍സ് ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍ കഴിഞ്ഞമാസം സസ്പെന്‍ഡ് ചെയ്തിരുന്നു. സ്പെഷല്‍ പ്രോജക്ട്സ് എക്സിക്യൂട്ടിവ് ഡയറക്ടറായാണ് ഇദ്ദേഹത്തെ നിയമിച്ചിരിക്കുന്നത്.