കരിപ്പൂരിൽ നിന്ന് എയർഇന്ത്യ എക്സ്​പ്രസ്​ ജിദ്ദയിലേക്കും; സർവിസ്​ 21 മുതൽ

കരിപ്പൂർ: കോഴിക്കോട്​ വിമാനത്താവളത്തിൽനിന്ന്​ എയർഇന്ത്യ എക്സ്​പ്രസ്​ ജിദ്ദ സെക്​ടറിലും സർവിസ്​ ആരംഭിക്കുന്നു. ഫെബ്രുവരി 21 മുതലാണ്​ സർവിസ്​.

ചൊവ്വാഴ്ച ഒഴികെയുള്ള ദിവസങ്ങളിലാണ് സർവിസ് ഉണ്ടാകുക​. റിയാദിലേക്കുള്ള സർവിസിന്​ പുറമെയാണ്​ ജിദ്ദയിലേക്കും ആരംഭിക്കുന്നത്​.

രാവിലെ 8.40ന്​ പുറപ്പെടുന്ന വിമാനം 12.45ന്​ ജിദ്ദയിലെത്തും. ഉച്ചക്ക്​ 1.45ന്​ പുറപ്പെടുന്ന വിമാനം രാത്രി 9.55ന്​ കരിപ്പൂരിലെത്തും. 189 യാത്രക്കാർക്ക്​ സഞ്ചരിക്കാവുന്ന ബി 737 - 800 ഉപയോഗിച്ചാകും സർവിസ്​.