പ്രളയ രക്ഷാപ്രവർത്തനം:​ 113 കോടി നൽകണമെന്ന്​ വ്യോമസേന; ഒഴിവാക്കണമെന്ന്​ മുഖ്യമന്ത്രി

തിരുവനന്തപുരം: പ്രളയരക്ഷാപ്രവര്‍ത്തനം നടത്തിയതിന് വ്യോമസേന ആവശ്യപ്പെട്ട 113 കോടി രൂപ അടയ്​ക്കുന്നതിൽനിന്ന് ​ കേരളത്തെ ഒഴിവാക്കണമെന്ന്​ ആവശ്യപ്പെട്ട്​ മുഖ്യമന്ത്രി പിണറായി വിജയൻ കേന്ദ്ര പ്രതിരോധമന്ത്രി രാജ്​നാഥ്​ സിങ്ങിന്​ കത്തയച്ചു. ആകാശ രക്ഷാപ്രവർത്തനം നടത്തിയതിന്​ 113,69,34,899 രൂപ നൽകണമെന്ന്​ വ്യോമസേന സംസ്​ഥാന സർക്കാറിന്​ കഴിഞ്ഞദിവസം ബിൽ​ നൽകിയിരുന്നു. നേരത്തേ വ്യോമസേന രക്ഷാദൗത്യത്തിന്​ ചെലവായ തുകയെക്കുറിച്ച്​ അറിയിപ്പ്​ നൽകി യപ്പോഴും ഒഴിവാക്കണമെന്ന ആവശ്യം സംസ്​ഥാനം ഉന്നയിച്ചിരുന്നു.

ആഗസ്​റ്റ്​ 15 മുതല്‍ വിമാനങ്ങളും ഹെലികോപ്റ ്ററുകളും ഉപയോഗിച്ച്​ രക്ഷാദൗത്യത്തില്‍ ഏര്‍പ്പെട്ടതി​​െൻറ ചെലവാണ്​ ഇൗ തുക. 2017ലെ ഒാഖി ദുരന്തവും 2018ലെ മഹാപ്രളയവും ജീവനും സ്വത്തിനും വൻ നാശനഷ്​ടമാണ് ഉണ്ടാക്കിയതെന്ന്​ മുഖ്യമന്ത്രി മറുപടിയിൽ വിശദീകരിച്ചു. സാമ്പത്തികപ്രയാസം നേരിടുന്ന സംസ്​ഥാനത്തിന്​ ഇത്​ വലിയ ആഘാതമുണ്ടാക്കി. ​​െഎക്യരാഷ്​ട്രസഭയുടെ റിപ്പോർട്ട്​ പ്രകാരം 31000 കോടിയോളം രൂപയുടെ നഷ്​ടം ഉണ്ടായി.

ദേശീയ ദുരന്തനിവാരണനിധിയിൽനിന്ന്​ 2904.85 കോടി രൂപയാണ്​ അധിക ധനസഹായമായി സംസ്​ഥാനത്തിന്​ അനുവദിച്ചത്​. ആവശ്യവുമായി തട്ടിച്ചുനോക്കു​േമ്പാൾ ഇത്​ വളരെ പരിമിതമാണ്​. സമൂഹത്തിലെ എല്ലാ വിഭാഗം ജനങ്ങൾക്കും മെച്ചപ്പെട്ട നിലവാരം ലഭ്യമാക്കാൻ കേരള പുനർനിർമാണ പദ്ധതി സംസ്​ഥാനം ആവിഷ്​കരിച്ചിട്ടുണ്ട്​. വിവിധ മാർഗങ്ങളിലൂടെ ഇതിന്​ തുക ​കണ്ടെത്തണം. ഇൗ ഘട്ടത്തിൽ സംസ്​ഥാന ദുരന്തനിവാരണനിധിയിൽനിന്ന്​ ഇത്ര ഭീമമായ തുക വ്യോമസേനക്ക്​ നൽകുന്നത്​ വലിയ പ്രയാസം സൃഷ്​ടിക്കും. തുക അടയ്​ക്കുന്നതില്‍നിന്ന് ഒഴിവാക്കണമെന്ന മുഖ്യമന്ത്രിയുടെ കത്ത് ശശി തരൂര്‍ എം.പി ട്വീറ്റിലൂടെ പങ്കു​െവച്ചു.

പ്രളയ സെസ് തീരുമാനം റദ്ദാക്കണമെന്ന്​; ഹൈകോടതി വിശദീകരണം തേടി
കൊച്ചി: പ്രളയ സെസ് ഏർപ്പെടുത്തിയ സംസ്​ഥാന സർക്കാർ തീരുമാനം റദ്ദാക്കണമെന്ന ഹരജിയിൽ ഹൈകോടതി സർക്കാറി​​െൻറ വിശദീകരണം തേടി. കുന്നംകുളം ചേംബർ ഒാഫ് കോമേഴ്സ് സമർപ്പിച്ച ഹരജിയിൽ ഇതുസംബന്ധിച്ച വിശദീകരണമടങ്ങുന്ന സത്യവാങ്മൂലം സമർപ്പിക്കാൻ കോടതി സംസ്ഥാന സർക്കാറിനോട്​ നിർദേശിച്ചു.

കഴിഞ്ഞവർഷം സംസ്​ഥാനത്തുണ്ടായ പ്രളയ ദുരന്തത്തെ തുടർന്ന്​ പുനർനിർമാണത്തിനും നഷ്​ടപരിഹാര വിതരണത്തിനും തുക കണ്ടെത്താൻ സംസ്ഥാന സർക്കാർ ചില ഉൽപന്നങ്ങൾക്ക് സെസ് ഏർപ്പെടുത്താൻ തീരുമാനിക്കുകയായിരുന്നു. 2019ലെ ധനകാര്യ ബില്ലിലെ ക്ലോസ്​ 14 ൽ ഇക്കാര്യം വ്യക്തമാക്കുകയും സെസ് ഏർപ്പെടുത്തുകയും ചെയ്തു.

ഇത്തരം ലെവിയും സെസും ഏർപ്പെടുത്താൻ ഭരണഘടനാപരമായി പാർലമ​െൻറിന്​ മാത്രമേ കഴിയൂവെന്നും സംസ്​ഥാന സർക്കാറിന്​ അധികാരമില്ലെന്നുമാണ്​ ഹരജിയിൽ പറയുന്നത്​. അതിനാൽ, ധനകാര്യ ബില്ലിലെ ഭാഗവും സർക്കാർ തീരുമാനവും റദ്ദാക്കണം. പ്രളയ സെസ് ഏർപ്പെടുത്താൻ സംസ്ഥാന സർക്കാറിന് അധികാരമില്ലെന്ന് പ്രഖ്യാപിക്കണമെന്നും ഹരജിയിൽ ആവശ്യപ്പെടുന്നു.