സം​ശ​യ​ക്ക​ണ്ണി​ൽ എ.​ഐ കാ​മ​റ​ക​ൾ; മിണ്ടാതെ സർക്കാർ, വിവാദം കത്തുന്നു

തി​രു​വ​ന​ന്ത​പു​രം: ഗ​താ​ഗ​ത​ക്കു​റ്റ​ങ്ങ​ൾ കൈ​യോ​ടെ പി​ടി​കൂ​ടു​മെ​ന്ന അ​വ​കാ​ശ​വാ​ദ​ങ്ങ​ളോ​ടെ സ​ർ​ക്കാ​ർ നി​ര​ത്തു​ക​ളി​ൽ സ്ഥാ​പി​ച്ച നി​ർ​മി​ത ബു​ദ്ധി കാ​മ​റ​ക​ൾ വി​വാ​ദ​ച്ചു​ഴി​യി​ലേ​ക്ക്. ക​രാ​റു​ക​ളു​ടെ പി​ന്നാ​മ്പു​റ​ങ്ങ​ളെ​ക്കു​റി​ച്ച്​ പ്ര​തി​പ​ക്ഷം തെ​ളി​വ്​ സ​ഹി​തം ആ​രോ​പ​ണ​മു​ന്ന​യി​ച്ച​തി​ന്​ പി​ന്നാ​ലെ ‘എ.​​ഐ കാ​മ​റ പ​ദ്ധ​തി സ്വ​ന്തം പ​ദ്ധ​തി​യാ​ണെ’​ന്ന ക​ഴി​ഞ്ഞ ദി​വ​സ​ത്തെ നി​ല​പാ​ടി​ൽ​നി​ന്ന്​ കെ​ൽ​ട്രോ​ൺ മ​ല​ക്കം മ​റി​ഞ്ഞു. ആ​രോ​പ​ണ​ങ്ങ​​ൾ​ക്ക്​ ക​ട്ടി​കൂ​ടു​മ്പോ​ഴും സ​ർ​ക്കാ​ർ മ​റു​പ​ടി പ​റ​യു​ന്നി​ല്ലെ​ന്ന്​​ മാ​ത്ര​മ​ല്ല, ‘പ്ര​തി​ക​രി​ക്കേ​ണ്ട​ത് കെ​ല്‍ട്രോ​ണെ​ന്ന്’ പ​റ​ഞ്ഞ് ഗ​താ​ഗ​ത​മ​ന്ത്രി ആ​ന്റ​ണി രാ​ജു കൈ​യൊ​ഴി​യു​ക കൂ​ടി ചെ​യ്​​ത​തോ​ടെ ദു​രൂ​ഹ​ത​യു​ടെ ആ​ഴ​വും പ​ര​പ്പും വ​ർ​ധി​ക്കു​ക​യാ​ണ്. ആ​ളു​ക​ളു​ടെ പോ​ക്ക​റ്റ​ടി​ക്കു​മെ​ന്ന സാ​ധാ​ര​ണ​ക്കാ​ര​ന്‍റെ ആ​ശ​ങ്ക​ക​ൾ​ക്ക​പ്പു​റം കോ​ടി​ക​ൾ ചെ​ല​വ​ഴി​ക്കു​ന്ന പ​ദ്ധ​തി​യി​ലെ ഇ​ട​പാ​ടു​ക​ളെ കു​റി​ച്ചും ചൂ​ടേ​റി​യ ചോ​ദ്യ​ങ്ങ​ളു​യ​രു​ക​യാ​ണ്.

നി​ർ​മി​ത ബു​ദ്ധി കാ​മ​റ ഇ​ട​പാ​ടു​ക​ളി​ലെ സു​താ​ര്യ​ത​യെ കു​റി​ച്ച്​ ക​ഴി​ഞ്ഞ ദി​വ​സം പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ൻ സം​ശ​യ​വും ആ​രോ​പ​ണ​വു​മു​ന്ന​യി​ച്ച​ത്​ തു​ട​ക്ക​ത്തി​ൽ​ത​ന്നെ മോ​ട്ടോ​ർ വാ​ഹ​ന​വ​കു​പ്പി​ന്​ ക​ല്ലു​ക​ടി​യാ​യ​തി​നു പി​ന്നാ​​ലെ​യാ​ണ്​ പ്ര​ഹ​ര​മാ​യി ക​രാ​ർ രേ​ഖ​ക​ള​ട​ക്കം വെ​ളി​പ്പെ​ടു​ത്തി​യു​ള്ള ര​മേ​ശ്​ ചെ​ന്നി​ത്ത​ല​യു​​ടെ വാ​ർ​ത്ത​സ​മ്മേ​ള​നം. ബം​ഗ​ളൂ​രു ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന മു​ൻ​പ​രി​ച​യ​മി​ല്ലാ​ത്ത ക​മ്പ​നി​ക്കാ​ണ്​ കെ​ൽ​ട്രോ​ൺ ക​രാ​ർ ന​ൽ​കി​യ​തെ​ന്നാ​ണ്​ ചെ​ന്നി​ത്ത​ല​യു​ടെ ആ​രോ​പ​ണം. ഈ ​ക​രാ​ർ ന​ൽ​കി​യ ടെ​ൻ​ഡ​റി​ലും അ​വ്യ​ക്ത​ത​യു​ണ്ട്. 151.22 കോ​ടി​ക്കാ​ണ് കെ​ൽ​ട്രോ​ൺ എ​സ്.​ആ​ർ.​ഐ.​ടി എ​ന്ന ക​മ്പ​നി​ക്കു​ള്ള ക​രാ​ർ ന​ൽ​കി​യ​ത്. എ​ന്നാ​ൽ, കോ​ഴി​ക്കോ​ട്​ മ​ലാ​പ്പ​റ​മ്പി​​ലെ​യും തി​രു​വ​ന​ന്ത​പു​രം നാ​ലാ​ഞ്ചി​റ​യി​ലെ​യും ര​ണ്ട്​ ക​മ്പ​നി​ക​ൾ​ക്ക്​ വീ​ണ്ടും ഉ​പ​ക​രാ​ർ ന​ൽ​കു​ക​യാ​യി​രു​ന്നു.

75 കോ​ടി​ക്ക് ക​മ്പ​നി​ക​ൾ ന​ട​പ്പാ​ക്കാ​മെ​ന്ന് പ​റ​ഞ്ഞ പ​ദ്ധ​തി​ക്ക് സ​ർ​ക്കാ​ർ ആ​ദ്യം പ​റ​ഞ്ഞ​ത് 151 കോ​ടി​യെ​ന്നാ​ണ്. ഇ​പ്പോ​ൾ 232 കോ​ടി​യാ​യി. 81 കോ​ടി രൂ​പ അ​ധി​കം വ​ന്നെ​ന്നും ചെ​ന്നി​ത്ത​ല ആ​രോ​പി​ക്കു​ന്നു. ത​ങ്ങ​ളു​ടെ സ്വ​ന്തം പ​ദ്ധ​തി​യാ​ണ്​ എ.​​ഐ കാ​മ​റ എ​ന്ന്​ ക​ഴി​ഞ്ഞ ദി​വ​സം വി​ശ​ദീ​ക​രി​ച്ച കെ​ൽ​ട്രോ​ൺ പ​ക്ഷേ, ത​ങ്ങ​ൾ ച​ട്ട​പ്ര​കാ​രം ക​രാ​ർ ന​ൽ​കി​യി​ട്ടു​ണ്ടെ​ന്ന്​ തി​ങ്ക​ളാ​ഴ്ച സ​മ്മ​തി​ച്ചു. മാ​ത്ര​മ​ല്ല, ഈ ​ക​മ്പ​നി ഉ​പ​ക​രാ​ർ ന​ൽ​കി​യി​ട്ടു​​ണ്ടെ​ങ്കി​ൽ അ​തി​ന്​ ത​ങ്ങ​ൾ​ക്ക്​ ബാ​ധ്യ​ത​യി​ല്ലെ​ന്നു കൂ​ടി​യാ​ണ്​ കെ​ൽ​​ട്രോ​ണി​ന്‍റെ നി​ല​പാ​ട്. ‘സ്വ​ന്തം പ​ദ്ധ​തി’ എ​ന്ന അ​വ​കാ​ശ​വാ​ദം മ​ണി​ക്കൂ​റു​ക​ൾ​ക്കു​ള്ളി​ൽ പൊ​ളി​ഞ്ഞെ​ന്ന്​ മാ​ത്ര​മ​ല്ല പി​ന്നാ​മ്പു​റ​ത്തെ ക​രാ​റു​ക​​ളു​ടെ ദു​രൂ​ഹ​വി​വ​ര​ങ്ങ​ളി​ലേ​ക്കാ​ണ്​​ സം​ഭ​വ​വി​കാ​സ​ങ്ങ​ൾ വി​ര​ൽ ചൂ​ണ്ടു​ന്ന​ത്.