കാർഷിക വാ‍യ്പ: തിരിച്ചടവ് മുടങ്ങിയാൽ ജപ്തിയെന്ന് ബാങ്കേഴ്സ് സമിതി പരസ്യം

കോഴിക്കോട്: കാർഷിക വാ‍യ്പകളുടെ തിരിച്ചടവ് മുടങ്ങിയാൽ ജപ്തി നടപടികളെന്ന് സംസ്ഥാന ബാങ്കേഴ്സ് സമിതി. ഇക്കാര്യം ചൂണ്ടിക്കാട്ടി ബാങ്കേഴ്സ് സമിതി ദിനപത്രങ്ങളിൽ പരസ്യം നൽകി.

കാ​ർ​ഷി​ക വാ​യ്പ​ക​ൾ​ക്ക്​ ജൂ​ലൈ വ​രെ ഏ​ർ​പ് പെ​ടു​ത്തി​യ മൊ​റ​ട്ടോ​റി​യം ഡി​സം​ബ​ർ വ​രെ നീ​ട്ടു​ന്ന കാ​ര്യ​ത്തി​ൽ ഈ ​മാ​സം 25ന് ​ന​ട​ക്കു​ന്ന സം​സ്ഥാ​ന​ ത​ല ബാ​ങ്കേ​ഴ്‌​സ് സ​മി​തി യോ​ഗ​ത്തി​ല്‍ തീ​രു​മാ​ന​മെ​ടു​ക്കും. ഇതിനിടെയാണ് ബാ​ങ്കേ​ഴ്‌​സ് സ​മി​തി ജപ്തി നടപടി ചൂണ്ടിക്കാട്ടി പരസ്യം നൽകിയത്.

കേരളത്തിലെ കർഷകർക്കുള്ള വായ്പകൾക്ക് മോറട്ടോറിയം നീട്ടി നൽകാനാവില്ലെന്ന് റിസർവ് ബാങ്ക് ഒാഫ് ഇന്ത്യ കഴിഞ്ഞ ദിവസം സംസ്ഥാന ബാങ്കേഴ്സ് സമിതിയെ അറിയിച്ചിരുന്നു. പ്രളയത്തിന്‍റെ പശ്ചാത്തലത്തിൽ മോറട്ടോറിയം നീട്ടി നൽകിയതാണ്. മറ്റ് സംസ്ഥാനങ്ങൾ നൽകാത്ത പ്രത്യേക പരിഗണന കേരളത്തിന് അനുവദിക്കാനാവില്ലെന്നും ആർ.ബി.ഐ ചൂണ്ടിക്കാട്ടുന്നു.

അതേസമയം, മോറട്ടോറിയം വിഷയത്തിൽ ആർ.ബി.ഐയെ വീണ്ടും സമീപിക്കുമെന്ന് കൃഷി മന്ത്രി വി.എസ് സുനിൽ കുമാർ വ്യക്തമാക്കിയിരുന്നു.

കർഷക, കാർഷികേതര വായ്പകൾക്കുള്ള മോറട്ടോറിയം കാലാവധി ഡിസംബർ 31 വരെ നീട്ടി കൊണ്ട് മെയ് 29നാണ് സംസ്ഥാന സർക്കാർ ഉത്തരവിറക്കിയത്.