കാർഷിക നിയമങ്ങൾ കർഷകർക്ക്​ വരുമാനം ഉറപ്പാക്കും; മോദിയെ വിമർശിക്കാനാണ്​ ഭരണ-പ്രതിപക്ഷ ശ്രമം -ഒ.രാജഗോപാൽ

തിരുവനന്തപുരം: കാർഷിക നിയമങ്ങൾ കർഷകരുടെ വരുമാനം ഉറപ്പാക്കുമെന്ന്​ ബി.ജെ.പി എം.എൽ.എ ഒ.രാജഗോപാൽ. കേന്ദ്രനിയമം കർഷകർക്ക്​ എല്ലാവിധ സംരക്ഷണവും നൽകുമെന്നും അദ്ദേഹം വ്യക്​തമാക്കി.

കർഷകരുമായി ചർച്ചക്ക്​ പ്രധാനമന്ത്രി തയാറാണ്​. മോദിയെ വിമർശിക്കാനാണ്​ ഭരണ-പ്രതിപക്ഷ ശ്രമമെന്നും ഒ.രാജഗോപാൽ ആരോപിച്ചു. അതേസമയം, പ്രമേയത്തിന്‍റെ വോ​ട്ടെടുപ്പ്​ നടക്കുന്ന വേളയിൽ അദ്ദേഹം പ്രമേയത്തെ അനുകൂലിച്ചു. പൊതുവികാരത്തിനൊപ്പം നിൽക്കുന്നുവെന്നാണ്​ ഇതിന്​ ന്യായീകരണമായി രാജഗോപാൽ പറഞ്ഞത്​.

കേന്ദ്രസർക്കാറിന്‍റെ വിവാദ കാർഷിക നിയമങ്ങൾക്കെതിരെ പ്രത്യേക നിയമസഭ സമ്മേളനം ചേർന്നാണ്​ പ്രമേയം പാസാക്കിയത്​.