ഗസ്സ കഴിഞ്ഞാൽ ഹമാസ്​ ഭരിക്കുന്ന രണ്ടാമത്തെ സംസ്ഥാനമാണ്​ കേരളമെന്ന് പി.കെ. കൃഷ്ണദാസ്

കൊല്ലം: ഗസ്സ കഴിഞ്ഞാൽ ഹമാസ്​ ഭരിക്കുന്ന രണ്ടാമത്തെ സംസ്ഥാനമാണ്​ കേരളമെന്ന്​ ബി.ജെ.പി ദേശീയ നിർവാഹക സമിതിയംഗം പി.കെ. കൃഷ്ണദാസ്​. ഹമാസും പിണറായിയും ചങ്ങാതിമാരാണ്​. ഹമാസിന്​ ഇത്രയും പിന്തുണ നൽകുന്ന സർക്കാർ ലോകത്ത്​ വേറെയുണ്ടാകില്ല.

ഹമാസ്​, ഐ.എസ്​, പി.എഫ്​.ഐ പോലുള്ള സംഘടനകൾക്കെതിരെ പറയുകയോ സമൂഹമാധ്യമത്തിൽ പോസ്റ്റിടുകയോ ചെയ്​താൽ പൊലീസ്​ വീട്ടിലെത്തും. കേന്ദ്രമന്ത്രി രാജീവ്​ ചന്ദ്രശേഖറിനെതിരെ കേ​സെടുത്തത്​ ഇതിന്‍റെ ഭാഗമാണ്​. എന്നാൽ, തീവ്രവാദ-ഭീകരവാദ പ്രവർത്തനങ്ങൾ ​കേരളത്തിൽ നിയമവിധേയമായിരിക്കുന്നു. കള്ളക്കേസു​കളെ നിയമപരമായും രാഷ്ട്രീയമായും ബി.ജെ.പി നേരിടും.

മലപ്പുറത്ത്​ സോളിഡാരിറ്റി സംഘടിപ്പിച്ച ഫലസ്തീൻ ഐക്യദാർഢ്യറാലിയിൽ ഹമാസ്​ നേതാവ് ഓൺലൈനായി പ​ങ്കെടുത്ത സംഭവത്തിൽ ജമാഅത്തെ ഇസ്​ലാമിക്കും സോളിഡാരിറ്റിക്കും എതിരെ കേസെടുക്കാൻ പിണറായി തയാറുണ്ടോ. ​തയാറല്ലെങ്കിൽ അതിനെക്കുറിച്ച്​ പൊതുസമൂഹത്തിൽ വിശദീകരിക്കാൻ മുഖ്യമന്ത്രി തയാറാകണം. സംസ്ഥാന സർക്കാർ സമീപനത്തിനെതിരെ സ്വീകരിക്കേണ്ട തുടർനടപടികൾ നവംബർ നാലിന്​ ചേർത്തലയിൽ നടക്കുന്ന എൻ.ഡി.എ ശിൽപശാല ചർച്ച ​ചെയ്യും. നവംബർ 10 മുതൽ 30 വരെ ‘ജനപഞ്ചായത്ത്​’ എന്ന പേരിൽ സംസ്ഥാനത്ത്​ 2000 പൊതുസമ്മേളനങ്ങളും പ്രകടനവും നടത്താനും ബി.​ജെ.പി തീരുമാനിച്ചിട്ടുണ്ടെന്നും​ കൃഷ്ണദാസ്​ പറഞ്ഞു.