ഉദയഭാനുവിൻെറ അറസ്​റ്റ് എളുപ്പമാക്കിയത്  പൊലീസിൻെറ സമ്മർദം

ചാലക്കുടി: പരിയാരത്തെ വസ്​തുേബ്രാക്കർ രാജീവിനെ(46) തട്ടിക്കൊണ്ടുപോയി കൊലപ്പെടുത്തിയ കേസിൽ പ്രതിയായ പ്രമുഖ അഭിഭാഷകൻ സി.പി. ഉദയഭാനുവിനെ കുടുക്കിയത് പൊലീസി​​​െൻറ സമ്മർദതന്ത്രം. ചൊവ്വാഴ്ച രാവിലെ ചാലക്കുടിയിലെ മജിസ്​േട്രറ്റ്​ കോടതിയിൽ  കീഴടങ്ങുമെന്നായിരുന്നു അഭ്യൂഹം. എന്നാൽ, കീഴടങ്ങുംമുമ്പ്​ കസ്​റ്റഡിയിലെടുക്കാൻ അന്വേഷണ ഉദ്യോഗസ്ഥൻ  ഡിവൈ.എസ്​.പി ഷംസുദ്ദീൻ എല്ലാ സന്നാഹങ്ങളും ഒരുക്കിയിരുന്നു. 

കീഴടങ്ങാനുള്ള യാത്രയിൽ ​െവച്ചുതന്നെ ഉദയഭാനുവിനെ കസ്​റ്റഡിയിലെടുക്കാനായിരുന്നു ലക്ഷ്യമിട്ടത്​. ഇതിനായി വഴിനീളെ പൊലീസുകാരെ നിയോഗിച്ചു. കനത്ത വാഹനപരിശോധനയും നടന്നു. ഹൈകോടതി ജാമ്യം നിഷേധിച്ചതോടെ ഉദയഭാനു സുപ്രീംകോടതിയിൽനിന്ന് ജാമ്യം നേടാനുള്ള സാധ്യതകൾ തേടിയിരുന്നു. അതിനുള്ള സാധ്യത മങ്ങിയതോടെ അറസ്​റ്റ് വൈകിപ്പിക്കാനുള്ള നീക്കത്തിലായി. എന്നാൽ, ഉദയഭാനു അത്ര പെട്ടെന്ന് കീഴടങ്ങാൻ തയാറായിരുന്നില്ല. പൊലീസിലും ഭരണരംഗത്തും ഉണ്ടായിരുന്ന സ്വാധീനം ഉപയോഗിച്ച്​ അതിനുള്ള​ ശ്രമം ഉദയഭാനു സജീവമാക്കി.  വധക്കേസിൽ പൊലീസി​​​െൻറ പ്രതിപ്പട്ടികയിൽനിന്ന് ആദ്യഘട്ടം വഴുതി മാറി. പിന്നീട് പ്രതി ചേർക്കപ്പെടാനുള്ള സാധ്യതകൾക്കെതിരെ നിയമത്തി​​​െൻറ പഴുതിലൂടെ രക്ഷപ്പെടാൻ മാർഗം തേടി.

ഒടുവിൽ ഉദയഭാനു  പൊലീസിന് പിടികൊടുക്കാതെ ഒളിവിൽ പോയി. ഇതരസംസ്​ഥാനത്തേക്ക് രക്ഷപ്പെടുമോയെന്ന സംശയത്തി​​​​െൻറ അടിസ്ഥാനത്തിൽ ഉദയഭാനുവി​​​െൻറ മൊബൈൽ ഫോൺ  പൊലീസ്​ പിന്തുടർന്നു. ഉദയഭാനുവിനെപോലെ ഒരാളെ സാധാരണ ക്രിമിനലിനെപ്പോലെ പരുക്കൻ മാർഗങ്ങളിലൂടെ അറസ്​റ്റ് ചെയ്യരുതെന്ന്​ പൊലീസിന്​ നിർബന്ധമുണ്ടായിരുന്നു. തുടർന്ന്​ ഉദയഭാനുവി​​​െൻറ വീടിന് മുന്നിൽ കനത്ത നിരീക്ഷണം തുടങ്ങി. അദ്ദേഹത്തി​​​െൻറയും കുടുംബത്തി​​​െൻറയും  കാറുകൾ പിന്തുടർന്നു. വീട്ടിലെത്തി കുടുംബാംഗങ്ങളെ ചോദ്യം ചെയ്​തു. അറസ്​റ്റ് ഒഴിവാക്കാനാവില്ല എന്ന ഘട്ടമെത്തിച്ച്​ കീഴടങ്ങാൻ സമ്മർദമുണ്ടാക്കി. തുടർന്ന് ബുധനാഴ്ച വൈകീട്ട് തൃപ്പൂണിത്തുറയിലെ സഹോദര​​​​െൻറ വീട്ടിൽ​െവച്ച് പൊലീസ്​ ഉദയഭാനുവിനെ അറസ്​റ്റ് ചെയ്യുകയായിരുന്നു.