ജാമ്യം നേടിയയാളെ വീട്ടിൽ കയറി അറസ്​റ്റ് ചെയ്ത സംഭവം​: അന്വേഷണ റിപ്പോർട്ട്​ സമർപ്പിച്ചു

കരുനാഗപ്പള്ളി: കോടതിയിൽനിന്ന്​ മുൻകൂർ ജാമ്യമെടുത്തയാളെ അർധരാത്രി വീട്ടിൽ അതിക്രമിച്ചുകടന്ന്​ അറസ്​റ്റ്​ ചെയ്ത സംഭവത്തിൽ കരുനാഗപ്പള്ളി എ.സി.പി ബി. വിനോദ്​ അന്വേഷണ റിപ്പോർട്ട്​ സമർപ്പിച്ചു. ഇൗ സംഭവത്തിൽ ആരോപണവിധേയനായ കരുനാഗപ്പള്ളി എസ്.ഐ മനാഫിനെ സിറ്റി പൊലീസ് കമീഷണറുടെ ചുമതല വഹിക്കുന്ന റൂറൽ എസ്.പി ബി. അശോകൻ സസ്​പെൻഡ്​​ ചെയ്തിരുന്നു. 

ബന്ധുവുമായുള്ള പണമിടപാടിനെച്ചൊല്ലിയുള്ള തര്‍ക്കത്തിൽ കൊല്ലം സെഷൻസ് കോടതിയിൽനിന്ന് മുൻകൂർ ജാമ്യത്തിലായിരുന്ന കരുനാഗപ്പള്ളി കോഴിക്കോട്​ ​െഎ.ആർ.ഇ സെറ്റിൽമ​​​െൻറ്​ കോളനിയിൽ സൗന്തനെ​ (36) അറസ്​റ്റ്​​ ചെയ്​ത സംഭവമാണ്​ വിവാദമായത്​. മുൻകൂര്‍ ജാമ്യംനേടിയ കാര്യം പൊലീസി​​നെ അറിയിച്ചിരുന്നെങ്കിലും രാത്രി ഉറങ്ങിക്കിടക്കവേ എസ്.ഐ മനാഫ് വീട് തള്ളിത്തുറന്ന് കയറി അറസ്​റ്റ്​ ചെയ്​തെന്നുകാണിച്ചാണ്​ സൗന്ത​​​​െൻറ ബന്ധുക്കൾ റൂറൽ എസ്​.പി ബി. അശോകന്​ പരാതിനൽകിയത്​.

സ്​റ്റേഷനിലെത്തിയ ബന്ധുക്കളോടും അഭിഭാഷകനോടും പൊലീസ്​ അപമര്യാദയായി പെരുമാറിയെന്നും പരാതിയിൽ പറയുന്നു. മുൻകൂർ ജാമ്യമെടുത്ത പേപ്പർ നൽകിയെങ്കിലും പുലർച്ചെയാണ്​ വിട്ടയച്ചത്​. കരുനാഗപ്പള്ളി സ്​റ്റേഷനില്‍ കോര്‍ട്ട് ഡ്യൂട്ടിയിലുണ്ടായിരുന്ന പൊലീസ് ഓഫിസറാണ് കേസ് ഡയറി പബ്ലിക് പ്രോസിക്യൂട്ടര്‍ക്ക് കൈമാറിയത്. സൗന്തന് തിങ്കളാഴ്ച മുൻകൂര്‍ ജാമ്യം ലഭിച്ച വിവരം അന്നുതന്നെ ഈ ഉദ്യോഗസ്ഥൻ സ്​റ്റേഷനില്‍ അറിയിച്ചു. എന്നാല്‍ വെള്ളിയാഴ്ച വൈകീട്ട് അഞ്ചിനും ആറിനും ഇടക്ക്​ സൗന്തൻ വീട്ടിലുണ്ടോയെന്ന് എസ്.ഐ നേരിട്ടെത്തി അന്വേഷിച്ചിരുന്നു. പിന്നീടാണ് അർധരാത്രി വീട്ടില്‍കയറിയുള്ള അറസ്​റ്റ്​ നടന്നത്.

കേസിനാധാരമായ അടിപിടി നടക്കുന്നത്​ ഏപ്രിൽ 19 നാണ്. പക്ഷേ, കേസെടുത്തത്​ 24ന്. അഞ്ച് ദിവസവും കരുനാഗപ്പള്ളി സി.ഐ ഒത്തുതീര്‍പ്പിന് ശ്രമിച്ചെന്ന് സൗന്തൻ ആരോപിക്കുന്നു. ജാമ്യം നേടിയ വിവരം അറിയാതെയാണ് ഇയാളെ അറസ്​റ്റ്​ ചെയ്​തതെന്നും മുൻകൂർ ജാമ്യപേപ്പറുമായി എത്തിയപ്പോൾ വിട്ടയ​​െച്ചന്നുമാണ്​ പൊലീസ് ഭാഷ്യം.