അഡ്വ. ലില്ലി തോമസ്​ അന്തരിച്ചു

ന്യൂഡൽഹി: ചരിത്രത്തിൽ ഇടം പിടിച്ച കേസുകളിലൂടെ ശ്രദ്ധേയയായ സുപ്രീംകോടതിയിലെ മുതിർന്ന മലയാളി അഭിഭാഷക അഡ്വ. ലില്ലി തോമസ് (91) ഡൽഹിയിൽ അന്തരിച്ചു. ചൊവ്വാഴ്​ച പുലർച്ച ഡൽഹി ഫട്​ഫട്​ഗഞ്ചിലെ സ്വകാര്യ ആശുപത്രിലായിരുന്നു മരണം. അവിവാഹിതയാണ്​. കോട്ടയം ചങ്ങനാശ്ശേരി സ്വദേശിനിയായ ലില്ലി നിയമത്തിൽ ബിരുദാനന്തര ബിരുദം നേടിയ രാജ്യത്തെ ആദ്യ വനിതയാണ്​. ലില്ലി മദ്രാസ്​ സർവകലാശാലയിൽനിന്നാണ്​​ നിയമ ബിരുദം നേടിയത്​.​ 1955ൽ മദ്രാസ്​ ഹൈകോടതിയിൽ അഭിഭാഷകയായി സേവനം തുടങ്ങിയ ലില്ലി തോമസ്​ 1960​ലാണ്​ സുപ്രീംകോടതിയിൽ അഭിഭാഷക വൃത്തി തുടങ്ങുന്നത്​.

സുപ്രീംകോടതിയിലെ ആദ്യ മലയാളി അഡ്വക്കറ്റ്​ ഒാൺ റെക്കോഡ്​സ്​ ആയ ലില്ലി തോമസ്​ നിരവധി പൊതുതാൽപര്യ ഹരജികളാണ്​ സുപ്രീംകോടതിയിലെത്തിച്ചത്​. അഡ്വക്കറ്റ്​ ഒാൺ റെക്കോഡ്സ്​​ സ​മ്പ്രദായത്തിനെതി​െരയാണ്​ ലില്ലി ​തോമസി​​െൻറ ആദ്യ പൊതുതാൽപര്യ ഹരജി. ഇത്തരമൊരു പരീക്ഷക്ക്​ അഭിഭാഷകരെ വിധേയരാക്കാൻ കോടതിക്ക്​ അധികാരമില്ലെന്നും എല്ലാ അഭിഭാഷകർക്കും രാജ്യത്തെ എല്ലാ കോടതികളിലും വാദിക്കാമെന്നും ബോധിപ്പിച്ചായിരുന്നു ഹരജി.

ശിക്ഷിക്കപ്പെട്ട ജനപ്രതിനിധികൾക്ക്​ അപ്പീൽ കാലയളവിൽ അയോഗ്യതയില്ലാതാക്കുന്ന ജനപ്രാതിനിധ്യ നിയമത്തി​െല എട്ട് ​(നാല്​) വകുപ്പ്​ എടുത്തുകളഞ്ഞത് ലില്ലിയുടെ ​െപാതുതാൽപര്യഹരജിയെ തുടർന്നായിരുന്നു. അതോടെ രണ്ട്​ വർഷത്തിലധികം ശിക്ഷ ഏറ്റുവാങ്ങുന്ന ജനപ്രതിനിധികൾ അയോഗ്യരായി മാറി. വിധി മറികടക്കാൻ സർക്കാർ ഒാർഡിനൻസ്​ കൊണ്ടുവന്നപ്പോൾ ലില്ലി പുനഃപരിശോധന ഹരജി സമർപ്പിച്ചതിനെ തുടർന്ന്​ ആ നീക്കത്തിൽനിന്ന്​ കേന്ദ്ര സർക്കാറിന്​ പിന്മാറേണ്ടി വന്നു. ഡൽഹിയിലെ മയൂർ വിഹാറിൽ പൊതുദർശനത്തിനു​ വെക്ക​ുന്ന ഭൗതിക ശരീരം ലോധിറോഡ്​ വൈദ്യുതി ​ശ്​മശാനത്തിൽ ബുധനാഴ്​ച​ വൈകീട്ട്​ അഞ്ചരക്ക്​ സംസ്​കരിക്കും.