കോടതിയലക്ഷ്യ നടപടിക്കെതിരായ ആളൂരി​െൻറ ഹരജി​ ഹൈകോടതി തള്ളി

കൊച്ചി: ജില്ല സെഷൻസ്​ കോടതി​െയയും ജഡ്​ജി​െയയും അപകീർത്തിപ്പെടുത്തിയെന്ന പരാതിയി​ന്മേൽ തനിക്കെതിരായ നടപടികൾ റദ്ദാക്കണമെന്ന അഭിഭാഷകന്‍ ബി.എ. ആളൂരി​​​െൻറ ഹരജി ഹൈകോടതി തള്ളി.

പെരുമ്പാവൂരിൽ നിയമവിദ്യാർഥിനി കൊല്ലപ്പെട്ട കേസിൽ വിധി പറഞ്ഞ എറണാകുളം പ്രിൻസിപ്പൽ സെഷൻസ്​ ജഡ്​ജിക്കെതിരെ ബി.എ. ആളൂര്‍ നടത്തിയ പരാമര്‍ശങ്ങള്‍ കോടതിയലക്ഷ്യമാണെന്ന് ചൂണ്ടിക്കാട്ടിയുള്ള പരാതിയിലെ നടപടികൾ റദ്ദാക്കണമെന്ന ആവശ്യമാണ്​ തള്ളിയത്​. നടപടികൾ സ്വീകരിക്കുംമുമ്പ് ആളൂരിന് നോട്ടീസ് നൽകി പറയാനുള്ളത് കോടതി കേട്ടിരുന്നെന്നും ചട്ടംപാലിച്ചാണ് നടപടിയെന്നും സിംഗിൾ ബെഞ്ച്​ വിലയിരുത്തി.

വിദ്യാർഥിനി കൊല്ലപ്പെട്ട കേസിലെ പ്രതി അമീറുല്‍ ഇസ്​ലാമി​​​​െൻറ അഭിഭാഷകനാണ്​ ആളൂർ. ജുഡീഷ്യറിക്കുമേല്‍ പൊതുസമൂഹത്തിന് വിശ്വാസം നഷ്​ടപ്പെടുത്താന്‍ ആളൂരി​​​​െൻറ പരാമര്‍ശങ്ങള്‍ ഇടയാക്കിയെന്ന്​ ചൂണ്ടിക്കാട്ടിയായിരുന്നു പരാതി. എന്നാൽ, നീതിനിർവഹണവുമായി ബന്ധപ്പെട്ട്​ ഏതെങ്കിലും കോടതിക്കെതിരെ അപകീർത്തികരമായ പ്രസ്​താവന​കൾ താൻ നടത്തിയിട്ടില്ലെന്നായിരുന്നു ആളൂരി​​​െൻറ വാദം. 

തന്നോട്​ ശത്രുതയുള്ളയാൾ നൽകിയ പരാതി ഫയലിൽ സ്വീകരിച്ച​ പ്രിൻസിപ്പൽ സെഷൻസ്​ ജഡ്​ജി​ പരാതിയും റിപ്പോർട്ടും തുടർനടപടിക്ക്​ ഹൈകോടതിക്ക് കൈമാറിയതാണെന്നും ആളൂർ വ്യക്​തമാക്കി. എന്നാൽ, ത​​​െൻറ വാദങ്ങൾ ഹരജിക്കാരന്​ കോടതിയിൽ ഉന്നയിക്കാമെന്നും ഹരജി നിലനിൽക്കില്ലെന്നും വ്യക്​തമാക്കിയാണ്​ സിംഗിൾ ബെഞ്ചി​​​െൻറ ഉത്തരവ്​.