നടിയെ ആക്രമിച്ച കേസ്​: വിചാരണക്ക്​ വനിതാ ജഡ്​ജി വേണമെന്ന ആവശ്യം കോടതി പരിഗണിക്കും

കൊച്ചി: നടിയെ ആക്രമിച്ച കേസിൽ വിചാരണ നടത്താൻ വനിതാ ജഡ്​ജിയെ വേണമെന്ന ആക്രമണത്തിനിരയായ നടിയുടെ ഹരജി ഹൈകോടതി ഇന്ന് പരിഗണിക്കും. എറണാകുളം ജില്ലയിൽ സെഷൻസ്​ കോടതിയിലോ അഡീഷനൽ ​െസഷൻസ്​ കോടതിയിലോ വനിതാ ജഡ്​ജിമാർ ഇല്ലാത്ത സാഹചര്യത്തിൽ എറണാകുളം സെഷൻസ് കോടതി തന്നെ കേസ്​ വിചാരണ നടത്താനുള്ള ഹൈകോടതി നിർദേശത്തെത്തുടർന്ന്​​ വനിതാ ജഡ്ജി വേണമെന്ന ആവശ്യം കീഴ്കോടതി  തള്ളിയിരുന്നു. തുടർന്നാണ്  തൃശൂർ ജില്ലയിലെ വനിതാ ജഡ്‌ജിയെ പരിഗണിക്കണമെന്നാവശ്യപ്പെട്ട് നടി കോടതിയെ സമീപിച്ചത്.  കേസിലെ മുഴുവൻ രേഖകളും തനിക്ക് നൽകണമെന്നാവശ്യപ്പെട്ട് ദിലീപ് സമർപിച്ച ഹരജി വിചാരണ കോടതിയും ഇന്ന് പരിഗണിക്കും