നടിയെ ആക്രമിച്ച സംഭവം: ദിലീപിന്​ പ​െങ്കന്ന്​ രഹസ്യ മൊഴി

കൊച്ചി: നടിയെ ആക്രമിച്ച സംഭവത്തിൽ ദിലീപി​ന്​ പങ്കുണ്ടെന്ന്​ രഹസ്യ മൊഴി. കേസിലെ ഏഴാം പ്രതി ചാർലിയാണ്​ ദിലീപിനെതിരെ കോടതിയിൽ രഹസ്യമൊഴി നൽകിയത്​. ഇൗ സാഹചര്യത്തിൽ ചാർലിയെ കേസിൽ മാപ്പുസാക്ഷിയാക്കാനാണ്​ പൊലീസ്​ തീരുമാനം. 

സംഭവത്തിന്​ ശേഷം കോയമ്പത്തൂരിൽ ചാർലിയുടെ സ്​ഥലത്താണ്​ മുഖ്യപ്രതി പൾസർ സുനി ഒളിവിൽ കഴിഞ്ഞത്​. നടിക്കെതിരായ ആക്രമണം ദിലീപി​​െൻറ ​ക്വ​േട്ടഷനാണെന്ന്​ മൂന്നാം ദിവസം സുനി തന്നോട്​ പറഞ്ഞതായാണ്​ ചാർലിയുടെ മൊഴി. ആക്രമണ ദൃശ്യങ്ങൾ തന്നെ കാണിച്ച സുനി, ക്വ​േട്ടഷൻ ഒന്നര കോടിയുടേതാണെന്ന്​ വെളിപ്പെടുത്തിയതായും ചാർലി പറയുന്നു. അറസ്​റ്റിലായപ്പോൾ ചാർലി ഇക്കാര്യങ്ങളെല്ലാം പൊലീസിനോട്​ പറഞ്ഞിരുന്നു. പിന്നീട്​ ഇയാൾ ജാമ്യത്തിലിറങ്ങി. 

ഇതിനിടെ, ദിലീപിനെതിരായ ഗൂഢാലോചനക്കേസിൽ കുറ്റപത്രം സമർപ്പിക്കുന്നതുസംബന്ധിച്ച്​ എ.ഡി.ജി.പി ബി. സന്ധ്യ ബുധനാഴ്​ച രാത്രി ആലുവ പൊലീസ്​ ക്ലബിൽ അന്വേഷണ ഉദ്യോഗസ്​ഥരുമായി ചർച്ച നടത്തി. ദിലീപിന്​ ജാമ്യം ലഭിച്ച സാഹചര്യത്തിൽ 90 ദിവസത്തിനകം കുറ്റപത്രം എന്ന സമയപരിധി ബാധകമല്ല. എങ്കിലും വൈകാതെതന്നെ എല്ലാ പഴുതുമടച്ച സമ്പൂർണ കുറ്റപത്രം സമർപ്പിക്കാനാണ്​ തീരുമാനം. ദിലീപി​​െൻറ ജാമ്യം റദ്ദാക്കുന്നത്​ സംബന്ധിച്ച്​ സ്​പെഷൽ​ പ്രോസിക്യൂട്ടറോട്​ പൊലീസ്​ നി​യമോപദേശം തേടിയിട്ടുണ്ട്​.