Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightനടിയെ ആക്രമിച്ച കേസ്​:...

നടിയെ ആക്രമിച്ച കേസ്​: ദിലീപിന്​ ദൃശ്യങ്ങൾ നൽകില്ല -സുപ്രീംകോടതി

text_fields
bookmark_border
dileep
cancel

ന്യൂഡൽഹി: ഒാടുന്ന വാഹനത്തിൽ നടിയെ ആക്രമിച്ച സംഭവത്തി​​​െൻറ ദൃശ്യങ്ങളുടെ പകർപ്പ്​ മുഖ്യ​പ്രതിയായ നടൻ ദിലീപി ന്​ നൽകരുതെന്ന്​ സുപ്രീംകോടതി വിധിച്ചു. നേര​േത്ത അനുവദിച്ചപോലെ ദൃശ്യങ്ങൾ കാണാനുള്ള അനുമതി ജസ്​റ്റിസുമാരാ യ എ.എം. ഖാൻവിൽകർ, ദിനേശ്​ മഹേശ്വരി എന്നിവരടങ്ങുന്ന ബെഞ്ച്​ നൽകി. വിചാരണ വേഗത്തിലാക്കാന്‍ വിചാരണ കോടതിയോട് നിര് ‍ദേശിച്ച സുപ്രീംകോടതി കഴിയുന്നതും ആറുമാസത്തിനകം പൂർത്തിയാക്കണമെന്നും ആവശ്യപ്പെട്ടു.

ക്രിമിനൽ നടപടിക ്രമത്തിലെ 207ാം വകുപ്പുപ്രകാരം മെമ്മറി കാർഡിലെ ദൃശ്യങ്ങൾ രേഖയാണെന്നും സാധാരണഗതിയിൽ അതി​​​െൻറ പകർപ്പിന്​ പ്രതിക്ക്​ അവകാശമുണ്ടെന്നും സുപ്രീംകോടതി വിധിച്ചു. എന്നാൽ, ഇരയുടെ സ്വകാര്യത പരിഗണിച്ച്​ പകർപ്പ്​ നൽകാതെ അത്​ പരിശോധിക്കാനായി കാണിച്ചാൽ മതിയെന്ന്​ സുപ്രീംകോടതി വ്യക്തമാക്കി. ദൃശ്യങ്ങള്‍ കാണണമെങ്കില്‍ ദിലീപ്​ മജിസ്ട്രേറ്റിനോട് ആവശ്യപ്പെടണം. അഭിഭാഷകര്‍ക്ക് ഒപ്പമോ, ഐ.ടി വിദഗ്​ധര്‍ക്ക് ഒപ്പമോ ദൃശ്യങ്ങള്‍ കാണാം. ഇത്​ കാണാനുള്ള അവസരം ഉപയോഗിച്ച് വിചാരണ അനന്തമായി വൈകിപ്പിക്കരുത്. ഇങ്ങനെ ദൃശ്യങ്ങള്‍ കാണുമ്പോള്‍ അവ പകര്‍ത്തുന്നി​െല്ലന്ന് വിചാരണക്കോടതി ഉറപ്പുവരുത്തണമെന്നും സുപ്രീംകോടതി നിര്‍ദേശിച്ചു.

രണ്ട്​ വ്യക്തികളുടെ മൗലികാവകാശങ്ങൾ ഏറ്റുമുട്ടുന്ന കേസാണിതെന്ന്​ സുപ്രീംകോടതി വിശദീകരിച്ചു. ഭരണഘടനയുടെ 21ാം വകുപ്പി​​െൻറ അടിസ്ഥാനത്തിൽ നീതിപൂർവകമായ വിചാരണക്കുള്ള ഒരു വ്യക്തിയുടെ അവകാശവും ഇരയുടെ സ്വകാര്യതക്കുള്ള അവകാശവും തമ്മിലുള്ള ഏറ്റുമുട്ടലാണിത്​. അതിൽ രണ്ട്​ അവകാശങ്ങളും സന്തുലിതമാക്കിയുള്ള വിധിയാണ്​ കോടതിക്ക്​ പുറപ്പെടുവിക്കാൻ കഴിയുക.

മെമ്മറികാർഡിലെ ഉള്ളടക്കം ഇലക്ട്രോണിക്​ രേഖയാണ്​. ആ നിലയിൽ അതിനെ കോടതി രേഖയായി കണക്കാക്കുകയാണെന്ന്​ കോടതി വ്യക്തമാക്കി. ​േപ്രാസിക്യൂഷ​ൻ വാദം അംഗീകരിച്ചാൽ പ്രതിയെ വിചാരണവേളയിൽ പ്രതിരോധിക്കാൻ രേഖയുടെ പകർപ്പ്​ നൽകേണ്ടതുമാണ്​. എന്നിരുന്നാലും പരാതിക്കാര​ുടെയും സാക്ഷികളുടെയും സ്വകാര്യതകൂടി അടങ്ങിയ കേസുകളിൽ കോടതിക്ക്​ ആ രേഖകൾ പരിശോധിക്കുന്നതിന്​ മാത്രമുള്ള അനുമതി പ്രതിക്കും അഭിഭാഷകനും നൽകാവുന്നതാണ്​. വിചാരണവേളയിൽ ത​​​െൻറ ഭാഗം പ്രതിരോധിക്കാൻ പ്രതിക്ക്​ അതാവശ്യമായി വരും.

ദൃശ്യങ്ങളില്‍ കൃത്രിമത്വം നടന്നിട്ടുണ്ടോ എന്ന ദിലീപി​​​െൻറ ആരോപണത്തി​​​െൻറ നിജസ്​ഥിതി അറിയാൻ ഇതിനകം നടത്തിയ പരിശോധനക്ക്​ പുറമെ സെന്‍ട്രല്‍ ഫോറന്‍സിക് സയന്‍സ് ലബോറട്ടറി ഉള്‍പ്പടെയുള്ള സ്വതന്ത്ര ഏജന്‍സികളെക്കൊണ്ട് പരിശോധിപ്പിക്കാം. ദിലീപ് തിരഞ്ഞെടുക്കുന്ന വിദഗ്​ധര്‍ക്ക് പരിശോധിക്കേണ്ട വിഷയങ്ങള്‍ തയാറാക്കാം. സി.എഫ്.എസ്.എല്‍ റിപ്പോര്‍ട്ടി​​​െൻറ അടിസ്ഥാനത്തില്‍ പ്രോസിക്യൂഷന്‍ സാക്ഷികളെ വിസ്തരിക്കുകയും ചെയ്യാം. എന്നാൽ, ഈ റിപ്പോര്‍ട്ടും വിചാരണ പൂര്‍ത്തിയാക്കുന്നതുവരെ കേസിലെ പ്രതികള്‍ക്കോ അവര്‍ അധികാരപ്പെടുത്തുന്ന വ്യക്തികൾക്കോ മാത്രമേ നൽകാവൂ എന്നും സുപ്രീംകോടതി വിധിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:actor dileepactress attack caseActress Abducted and Molested case
News Summary - Actress attack case - Kerala news
Next Story