ദിലീപിനെതിരെ തെളിവുണ്ടെന്ന് ആലുവ റൂറൽ എസ്.പി 

കൊച്ചി: നടിയെ ആക്രമിച്ച കേസിൽ അറസ്റ്റിലായ നടൻ ദിലീപിനെതിരെ തെളിവുണ്ടെന്ന് ആലുവ റൂറൽ എസ്.പി എ.വി ജോർജ്. വ്യക്തമായ തെളിവിന്‍റെ അടിസ്ഥാനത്തിലാണ് ദിലീപിനെ അറസ്റ്റ് ചെയ്തത്. കേസിൽ കൂടുതൽ അറസ്റ്റ് ഉണ്ടാകും. കേസിൽ നടിമാരെ സാക്ഷിയാക്കാൻ തീരുമാനിച്ചിട്ടില്ല. ദിലീപിന്‍റെ ജാമ്യാപേക്ഷയെ ഹൈകോടതിയിൽ എതിർക്കുമെന്നും എ.വി ജോർജ് മാധ്യമങ്ങളോട് പറഞ്ഞു.