ഭാ​ര്യ​യു​മാ​യി സം​സാ​രി​ച്ച​ത​ട​ക്കം സ്വ​കാ​ര്യ വി​വ​ര​ങ്ങ​ൾ ഫോ​ണി​ലുണ്ട്​; ഫോൺ ചോദിക്കുന്നത് സ്വകാര്യതയിലേക്കുള്ള കടന്നുകയറ്റമെന്ന് ദിലീപ്

കൊ​ച്ചി: ന​ടി​യെ ആ​ക്ര​മി​ച്ച സം​ഭ​വ​ത്തി​ലെ അ​ന്വേ​ഷ​ണ ഉ​ദ്യോ​ഗ​സ്ഥ​രെ വ​ധി​ക്കാ​ൻ ഗൂ​ഢാ​ലോ​ച​ന ന​ട​ത്തി​യെ​ന്ന കേ​സു​മാ​യി ബ​ന്ധ​പ്പെ​ട്ട് ത​ന്‍റെ മൊ​ബൈ​ൽ ഫോ​ൺ ന​ൽ​കാ​ൻ ക്രൈം​ബ്രാ​ഞ്ച്​ നി​ർ​ബ​ന്ധി​ക്കു​ന്ന​ത് സ്വ​കാ​ര്യ​ത​യി​ലേ​ക്കു​ള്ള ക​ട​ന്നു​ക​യ​റ്റ​മാ​ണെ​ന്ന് ന​ട​ൻ ദി​ലീ​പ്. ഭാ​ര്യ​യു​മാ​യും അ​ഭി​ഭാ​ഷ​ക​രു​മാ​യും സം​സാ​രി​ച്ച​ത​ട​ക്കം സ്വ​കാ​ര്യ വി​വ​ര​ങ്ങ​ൾ ഫോ​ണി​ലു​ണ്ടെ​ന്നും ദി​ലീ​പി​ന്‍റെ അ​ഭി​ഭാ​ഷ​ക​ൻ വാ​ദി​ച്ചു. എ​ന്നാ​ൽ, ഇ​ത്​ ക്രി​മി​ന​ൽ കേ​സു​ക​ളി​ൽ ഉ​ന്ന​യി​ക്കാ​നാ​കി​ല്ലെ​ന്ന് ഹൈ​കോ​ട​തി വ്യ​ക്ത​മാ​ക്കി. ഇ​ത്ത​രം കേ​സു​ക​ളി​ൽ ഫോ​ൺ ഉ​ൾ​പ്പെ​ടെ​യു​ള്ള ഇ​ല​ക്​​ട്രോ​ണി​ക് ഉ​പ​ക​ര​ണ​ങ്ങ​ൾ ഹാ​ജ​രാ​ക്കാ​ൻ നി​ർ​ദേ​ശി​ക്കാ​റു​ണ്ട്.

ദി​ലീ​പി​ന്റെ​യും കൂ​ട്ടു​പ്ര​തി​ക​ളു​ടെ​യും ഫോ​ൺ വി​ട്ടു​കി​ട്ടാ​ൻ പ്രോ​സി​ക്യൂ​ഷ​ൻ ന​ൽ​കി​യ ഹ​ര​ജി​യി​ലാ​ണ് വാ​ദ​ങ്ങ​ൾ ഉ​യ​ർ​ന്ന​ത്. ദി​ലീ​പ് ഉ​പ​യോ​ഗി​ച്ചി​രു​ന്ന ആ​പ്പി​ൾ, വി​വോ ക​മ്പ​നി​ക​ളു​ടെ നാ​ല് ഫോ​ണും സ​ഹോ​ദ​ര​ൻ അ​നൂ​പി​ന്‍റെ ര​ണ്ട്​ ഫോ​ണും സ​ഹോ​ദ​രീ​ഭ​ർ​ത്താ​വ് സൂ​ര​ജി​ന്‍റെ ഒ​രു ഫോ​ണു​മാ​ണ് അ​ന്വേ​ഷ​ണ​സം​ഘം ആ​വ​ശ്യ​പ്പെ​ട്ട​ത്.

വെ​ള്ളി​യാ​ഴ്ച രാ​വി​ലെ 11ന് ​ഇ​തി​നാ​യി ഉ​പ​ഹ​ര​ജി ന​ൽ​കി​യ പ്രോ​സി​ക്യൂ​ഷ​ൻ, ഉ​ച്ച​ക്കു​ത​ന്നെ വാ​ദം കേ​ൾ​ക്ക​ണ​മെ​ന്ന് ആ​വ​ശ്യ​പ്പെ​ട്ടു. ഹ​ര​ജി പ​രി​ഗ​ണ​ന​ക്ക് എ​ടു​ത്ത​പ്പോ​ൾ​ത​ന്നെ ഫോ​ണു​ക​ൾ കൈ​മാ​റ​ണ​മെ​ന്നും ഇ​തി​ൽ ഭ​യ​ക്കു​ന്ന​തെ​ന്തി​നാ​ണെ​ന്നും കോ​ട​തി വാ​ക്കാ​ൽ ചോ​ദി​ച്ചു.

അ​ന്വേ​ഷ​ണ​വു​മാ​യി ദി​ലീ​പ് സ​ഹ​ക​രി​ക്കു​ന്നി​ല്ലെ​ന്ന് പ്രോ​സി​ക്യൂ​ഷ​ൻ അ​റി​യി​ച്ചു. ഫോ​ണു​ക​ൾ ക​ണ്ടെ​ടു​ക്കാ​ൻ അ​ന്വേ​ഷ​ണ​സം​ഘ​ത്തി​ന് അ​ധി​കാ​ര​വും ക​ഴി​വു​മു​ണ്ട്. പ്ര​തി​ക​ൾ​ക്ക് കോ​ട​തി​യു​ടെ സം​ര​ക്ഷ​ണ​മു​ള്ള​തി​നാ​ലാ​ണ് ഉ​പ​ഹ​ര​ജി ന​ൽ​കി​യ​ത്. ഫോ​ണി​ലെ രേ​ഖ​ക​ൾ ന​ശി​പ്പി​ക്ക​പ്പെ​ട്ടാ​ൽ ഗൂ​ഢാ​ലോ​ച​ന തെ​ളി​യി​ക്കാ​നാ​വി​ല്ല. 2017-18 കാ​ല​ത്ത് പ്ര​തി​ക​ൾ ഉ​പ​യോ​ഗി​ച്ചി​രു​ന്ന ഫോ​ണു​ക​ൾ നി​ർ​ണാ​യ​ക തെ​ളി​വു​ക​ളാ​ണ്.

അ​ന്വേ​ഷ​ണ​സം​ഘ​ത്തെ അ​പാ​യ​പ്പെ​ടു​ത്തു​മെ​ന്ന് പ​റ​ഞ്ഞ​ത് ശാ​പ​വാ​ക്കാ​ണെ​ന്ന് പ്ര​തി​ക​ൾ അ​വ​കാ​ശ​പ്പെ​ടു​ന്നു. ഇ​തി​ന് തു​ട​ർ​ച്ച​യാ​യി എ​ന്തു ന​ട​ന്നെ​ന്ന് അ​ന്വേ​ഷി​ക്കേ​ണ്ട​തു​ണ്ട്. കോ​ട​തി ന​ൽ​കി​യ സം​ര​ക്ഷ​ണം നീ​ക്കി​യാ​ൽ ഫോ​ണു​ക​ൾ ക​ണ്ടെ​ടു​ക്കാ​ൻ ക​ഴി​യും. സം​വി​ധാ​യ​ക​ൻ ബാ​ല​ച​ന്ദ്ര​കു​മാ​റി​ന്‍റെ വെ​ളി​പ്പെ​ടു​ത്ത​ൽ പു​റ​ത്തു​വ​ന്ന​യു​ട​ൻ ദി​ലീ​പ് ഉ​ൾ​പ്പെ​ടെ പ്ര​തി​ക​ൾ ഫോ​ൺ മാ​റ്റി​യ​ത് ഗൂ​ഢാ​ലോ​ച​ന​യു​ടെ തെ​ളി​വാ​ണെ​ന്ന് പ്രോ​സി​ക്യൂ​ഷ​ൻ വാ​ദി​ച്ചു.

അ​തേ​സ​മ​യം, ഫോ​ണി​ൽ​നി​ന്നു​ള്ള വി​വ​ര​ങ്ങ​ൾ ഉ​പ​യോ​ഗി​ച്ച് അ​ന്വേ​ഷ​ണ​സം​ഘം കെ​ട്ടു​ക​ഥ​ക​ളു​ണ്ടാ​ക്കു​ന്ന​ത്​ ത​ട​യാ​ൻ ഫോ​റ​ൻ​സി​ക് പ​രി​ശോ​ധ​ന​ക്ക് ന​ൽ​കി​യെ​ന്നാ​ണ് ദി​ലീ​പി​ന്‍റെ വാ​ദം. ക​ഴി​ഞ്ഞ ഏ​പ്രി​ലി​ൽ ബാ​ല​ച​ന്ദ്ര കു​മാ​ർ വി​ളി​ച്ച​തും ഭീ​ഷ​ണി​പ്പെ​ടു​ത്തി​യ​തു​മൊ​ക്കെ ഇ​തി​ലു​ണ്ടെ​ന്നും ഇ​വ​യൊ​ക്കെ അ​ന്വേ​ഷ​ണ​സം​ഘം ന​ശി​പ്പി​ക്കു​മെ​ന്നും ദി​ലീ​പി​ന്‍റെ അ​ഭി​ഭാ​ഷ​ക​ൻ ചൂ​ണ്ടി​ക്കാ​ട്ടി.