കൂട്ടംകൂടി നിന്ന ഡി.വൈ.എഫ്.ഐക്കാരെ മാറ്റി; എസ്.ഐയുടെ മൊഴിയെടുത്തു

തിരുവനന്തപുരം: ലോക്ഡൗൺ ലംഘിച്ച ഡി.വൈ.എഫ്.ഐകാരെ മാറ്റിയ പാറശ്ശാല എസ്.ഐയുടെ മൊഴിയെടുത്തു. കോവിഡ് വ്യാപനത്തെ തുടർന്ന് പൂർണ അടച്ചിടൽ പ്രഖ്യാപിച്ചപ്പോൾ പാറശ്ശാലക്ക് സമീപം ഇഞ്ചിവിളയിൽ കൂട്ടംകൂടി നിന്നവരെ എസ്.ഐയുടെ നേതൃത്വത്തിലെ പൊലീസുകാർ മാറ്റാൻ ശ്രമിക്കുകയും വാക്കുതർക്കമടക്കം ഉണ്ടാകുകയും ചെയ്തിരുന്നു.

പിന്നാലെ ഇവർ താലൂക്ക് ആശുപത്രിയിൽ ചികിത്സ തേടുകയും എസ്.ഐ ലാത്തികൊണ്ട് മർദിച്ചെന്ന് പരാതി നൽകുകയായിരുന്നു. പരാതിയിൽ എസ്.ഐ ശ്രീലാലിന്‍റെ മൊഴിയാണെടുത്തത്.