ദാസ്യപ്പണി: എ.ഡി.ജി.പിയുടെ പണി പോയി; മർദിച്ച സംഭവം ക്രൈംബ്രാഞ്ച്​ അന്വേഷിക്കും

തിരുവനന്തപുരം: പൊലീസ് ഡ്രൈവറെ മകൾ മർദിച്ച സംഭവത്തിൽ എ.ഡി.ജി.പി സുദേഷ് കുമാറിനെ ബാറ്റാലിയൻ മേധാവി സ്ഥാനത്ത് നിന്ന്​ മാറ്റി. പകരം നിയമനം നൽകേ​െണ്ടന്ന്​ മുഖ്യമന്ത്രിയുടെ ഒാഫിസിൽ നിന്ന്​ നിർ​േദശിച്ചതായാണ്​ വിവരം. എ.ഡി.ജി.പി എസ്​. ആനന്ദകൃഷ്ണ​ന്​ ബറ്റാലിയ​​​െൻറ അധിക ചുമതല നല്‍കി. സുദേഷ് കുമാറിനെ ​​സേനക്ക്​ പുറത്ത് നിയമനം നൽകിയേക്കും.  

അതേസമയം, സുദേഷ് കുമാറി​​​െൻറ മകള്‍ പൊലീസ് ഡ്രൈവറെ മർദിച്ചെന്ന പരാതി ക്രൈംബ്രാഞ്ച്​ അന്വേഷിക്കും. ക്രൈം​ബ്രാഞ്ച്​ മേധാവി ​ഷെയ്​ഖ്​​ ദർവേശ്​ സാഹിബി​​​െൻറ മേൽനോട്ടത്തിലാകും അന്വേഷണം. സംഭവത്തില്‍ പൊലീസ്​ ഡ്രൈവറുടെ പരിക്ക് ഗുരുതരമാണെന്ന്​ സ്ഥിരീകരിച്ച് മെഡിക്കല്‍ റിപ്പോര്‍ട്ട്​ പുറത്തുവന്നു. മർദനമേറ്റ ഗവാസ്‌കറുടെ കഴുത്തിലെ കശേരുക്കള്‍ക്ക് ചതവേറ്റത്​ സ്‌കാനിങ്ങിൽ വ്യക്തമായി. ഗവാസ്​കറി​​​െൻറ പരാതിയും മകളുടെ പരാതിയും ​ ക്രൈംബ്രാഞ്ച്​ അന്വേഷിക്കും​. 

 എ.ഡി.ജി.പി സുദേഷ്​ കുമാറും കുടുംബവും പൊലീസുകാരോട്​  മോശമായാണ്​ പെരുമാറുന്നതെന്ന്​ രഹസ്യാന്വേഷണ വിഭാഗം റിപ്പോർട്ട്​ നൽകി. 12 ജീവനക്കാരെ എ.ഡി.ജി.പിയു​െട വീട്ടിൽ നിന്ന്​ പല സന്ദർഭങ്ങളിലായി പല കാരണം പറഞ്ഞ്​ മടക്കിയയച്ചതായി റിപ്പോർട്ടിലുണ്ട്​. ഇത്​ എ.ഡി.ജി.പിയുടെ സ്​ഥാനചലനത്തിന്​ കാരണമായി. കഴിഞ്ഞ വ്യാഴാഴ്​ചയാണ്​ മകൾ സ്‌നിക്ത​ പൊലീസ് ഡ്രൈവർ ഗവാസ്​കറിനെ നിരത്തിൽ​െവച്ച്​ മർദി​ച്ചത്​. ആക്രമണത്തിൽ കഴുത്തിലും തോളിലും പരിക്കേറ്റ ഡ്രൈവർ സ്​നിക്​തക്കെതിരെ മ്യൂസിയം പൊലീസിൽ പരാതി നൽകിയിരുന്നു​. ഇയാൾ മെഡിക്കൽ കോളജ്​ ആശുപത്രിയിൽ ചികിത്സയിലാണ്​. 

പരാതി പിൻവലിപ്പിക്കാനുള്ള ശ്രമം നട​െന്നങ്കിലും പൊലീസുകാരൻ വഴങ്ങാഞ്ഞതോടെ എ.ഡി.ജി.പി കുരുക്കിലായി. ഗവാസ്കറുടെ പരാതിയിൽ ജാമ്യമില്ലാ വകുപ്പ് പ്രകാരം കേസെടുത്തു. തുടർന്ന്​ എ.ഡി.ജി.പിയുടെ മകൾ സ്വകാര്യ ആശുപത്രിയിൽ ചികിത്സ തേടി. ​ഗവാസ്കർക്കെതിരെ പരാതിയും കൊടുത്തു. എന്നാൽ, പ്രശ്നത്തിൽ മുഖ്യമന്ത്രി ഇടപെട്ടതോടെ ആ നീക്കം വിജയിച്ചില്ല. പൊലീസുകാരനെ മർദിക്കുകയും കള്ളക്കേസിൽ കുടുക്കാൻ ശ്രമിക്കുകയും ചെയ്തതിൽ സേനക്കുള്ളിലും പൊതുസമൂഹത്തിലും പ്രതിഷേധം ഉയർന്നതോടെ ഉന്നത ഉദ്യോ​ഗസ്ഥർക്ക് പൊലീസുകാർ ദാസ്യപ്പണി ചെയ്യുന്ന അവസ്ഥ അവസാനിപ്പിക്കാൻ മുഖ്യമന്ത്രിയുടെ ഓഫിസ്  ഇടപെട്ട​ു. 

 

ഉദ്യോഗസ്ഥര്‍ കേരളത്തി‍​​െൻറ തനിമ മനസ്സിലാക്കി പെരുമാറണം -മുഖ്യമന്ത്രി 
തിരുവനന്തപുരം: ഉദ്യോഗസ്ഥര്‍ കേരളത്തി‍​​െൻറ തനിമ മനസ്സിലാക്കി പെരുമാറണമെന്ന്​ മുഖ്യമന്ത്രി പിണറായി വിജയൻ. എ.ഡി.ജി.പി സുദേഷ് കുമാറി‍​​െൻറ മകള്‍ പൊലീസ് ഡ്രൈവറെ മര്‍ദിച്ച സംഭവത്തില്‍ പ്രതികരിക്കുകയായിരുന്നു അദ്ദേഹം. സംഭവം അതീവഗുരുതരമായാണ് സര്‍ക്കാര്‍ കാണുന്നത്​. എത്ര ഉന്നതനായാലും കര്‍ശനനടപടിയെടുക്കുമെന്നും പിണറായി പറഞ്ഞു. മര്‍ദനമേറ്റ് ആശുപത്രിയില്‍ കഴിയുന്ന പൊലീസ് ഡ്രൈവര്‍ ഗവാസ്കറോട് ആശുപത്രി വിട്ടശേഷം തന്നെ വന്നുകാണാനും മുഖ്യമന്ത്രി നിര്‍ദേശിച്ചിട്ടുണ്ട്. ഉന്നത പൊലീസ് ഉദ്യോഗസ്ഥരുടെ വീട്ടുജോലികള്‍ ചെയ്യുന്ന പൊലീസുകാരുടെ പട്ടിക തയാറാക്കി സമര്‍പ്പിക്കാന്‍ മുഖ്യമന്ത്രിയുടെ ഓഫിസ്​ ഡി.ജി.പിയോട്​ ആവശ്യപ്പെട്ടു. ഉന്നത ഉദ്യോഗസ്ഥര്‍ ഉപയോഗിക്കുന്ന വാഹനങ്ങളെക്കുറിച്ച്​ കൃതൃമായ വിവരം കൈമാറണമെന്നും നിർദേശിച്ചിട്ടുണ്ട്​.

വിഷയത്തില്‍ മുഖ്യമന്ത്രിയെ നേരില്‍കണ്ട് പരാതി അറിയിച്ച പൊലീസ് അസോസിയേഷന്‍ നേതാക്കളോട് ഇനി ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ കര്‍ശന നടപടി സ്വീകരിക്കുമെന്നും മുഖ്യമന്ത്രി അറിയിച്ചു. ഇതിന് പിന്നാലെയാണ് ദാസ്യപ്പണി ചെയ്യുന്ന പൊലീസുദ്യോഗസ്ഥരുടെ വിവരം കൈമാറാന്‍ മുഖ്യമന്ത്രിയുടെ ഒാഫിസ്​ നിർദേശിച്ചത്​. മർദനമേറ്റ പൊലീസ്​ ​ൈഡ്രവർ ഗവാസ്കറുടെ ഭാര്യ മുഖ്യമന്ത്രിക്ക് പരാതി നൽകി. പരാതിയിൽ കര്‍ശന നടപടിയെടുക്കുമെന്ന് അദ്ദേഹം ഉറപ്പുനല്‍കിയതായി ഗവാസ്കറുടെ ഭാര്യ പറഞ്ഞു.

ത​​​െൻറ ഭര്‍ത്താവിനെ കള്ളക്കേസില്‍ കുടുക്കിയതാണെന്നും ഇത്രകാലവും മാനസികപീഡനമായിരു​െന്നങ്കില്‍ ഇപ്പോള്‍ ശാരീരിക പീഡനവും തുടങ്ങിയെന്നും പരിക്കേറ്റ പൊലീസ് ഡ്രൈവര്‍ ഗവാസ്കറുടെ ഭാര്യ രേഷ്മ പറഞ്ഞു. ഭര്‍ത്താവിനെതിരായ കള്ളക്കേസ് പിന്‍വലിക്കണമെന്ന് രേഷ്മ മുഖ്യമന്ത്രിയെ നേരില്‍കണ്ട് അപേക്ഷിച്ചു. ഇതിനോട് മുഖ്യമന്ത്രി അനുകൂലമായാണ് പ്രതികരിച്ചതെന്നും മുഖ്യമന്ത്രിയില്‍ പൂര്‍ണവിശ്വാസമുണ്ടെന്നും അവര്‍ പറഞ്ഞു.