ചിട്ടിക്കമ്പനി നടത്തി കോടികൾ തട്ടിയ പ്രതികൾ പിടിയിൽ

തി​രു​വ​ല്ല: ചി​ട്ടി​യു​ടെ​യും സ്ഥി​ര​നി​ക്ഷേ​പ​ത്തി​ന്‍റെ​യും പേ​രി​ൽ കോ​ടി​ക​ൾ ത​ട്ടി​യ കേ​സി​ൽ പ്ര​ധാ​ന പ്ര​തി അ​ട​ക്കം ര​ണ്ടു​പേ​ർ തി​രു​വ​ല്ല പൊ​ലീ​സി​ന്‍റെ പി​ടി​യി​ലാ​യി.

തി​രു​വ​ല്ല ആ​സ്ഥാ​ന​മാ​യി പ്ര​വ​ർ​ത്തി​ച്ച എ​സ്.​എ​ൻ ചി​റ്റ്സ് ആ​ൻ​ഡ് ഫി​നാ​ൻ​സ് ബോ​ർ​ഡ് അം​ഗ​ങ്ങ​ളും ഒ​ന്നാം പ്ര​തി​യു​മാ​യ ക​വി​യൂ​ർ ഞാ​ലി​ക്ക​ണ്ടം രാ​ധാ നി​ല​യ​ത്തി​ൽ സ​ദാ​ശി​വ​ൻ ( 88), ആ​റാം പ്ര​തി ച​ങ്ങ​നാ​ശ്ശേ​രി പെ​രു​ന്ന പു​ത്ത​ൻ പ​റ​മ്പി​ൽ വി​ശ്വ​നാ​ഥ​ൻ ( 68) എ​ന്നി​വ​രാ​ണ് പി​ടി​യി​ലാ​യ​ത്.

സ​ദാ​ശി​വ​ൻ, പു​രു​ഷോ​ത്ത​മ​ൻ, ദി​ലീ​പ്, റേ​ണി, പ്ര​വീ​ണ, വി​ശ്വ​നാ​ഥ​ൻ, രാ​ജേ​ന്ദ്ര​ൻ എ​ന്നി​വ​ർ അ​ട​ങ്ങു​ന്ന ഏ​ഴം​ഗ ഡ​യ​റ​ക്ട​ർ ബോ​ർ​ഡാ​ണ് ചി​ട്ടി​ക്ക​മ്പ​നി ന​ട​ത്തി​യി​രു​ന്ന​ത്. ഇ​തി​ൽ ര​ണ്ടാം പ്ര​തി പു​രു​ഷോ​ത്ത​മ​നും ഏ​ഴാം പ്ര​തി രാ​ജേ​ന്ദ്ര​നും മ​ര​ണ​പ്പെ​ട്ടു.

15 വ​ർ​ഷ​ത്തി​ലേ​റെ​യാ​യി തി​രു​വ​ല്ല ആ​സ്ഥാ​ന​മാ​യി പ്ര​വ​ർ​ത്തി​ച്ചി​രു​ന്ന ചി​ട്ടി​ക്ക​മ്പ​നി അ​ട​ച്ചു​പൂ​ട്ടി മൂ​ന്നു വ​ർ​ഷം മു​മ്പാ​ണ് പ്ര​തി​ക​ൾ മു​ങ്ങി​യ​ത്.

ചി​ട്ടി ചേ​ർ​ന്നും സ്ഥി​ര നി​ക്ഷേ​പം ന​ട​ത്തി​യ​വ​രു​മാ​യ നൂ​റു​ക​ണ​ക്കി​ന് നി​ക്ഷേ​പ​ക​രു​ടെ മൂ​ന്ന​ര​ക്കോ​ടി​യി​ൽ അ​ധി​കം വ​രു​ന്ന പ​ണ​മാ​ണ് ന​ഷ്ട​മാ​യ​ത്. തു​ട​ർ​ന്ന് നി​ര​വ​ധി നി​ക്ഷേ​പ​ക​ർ തി​രു​വ​ല്ല പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. പ​രാ​തി​ക​ളെ തു​ട​ർ​ന്ന് മു​ങ്ങി​യ പ്ര​തി​ക​ൾ ഹൈ​കോ​ട​തി​യി​ൽ ന​ൽ​കി​യ മു​ൻ​കൂ​ർ ജാ​മ്യാ​പേ​ക്ഷ ത​ള്ളി​യ​തി​ന് പി​ന്നാ​ലെ​യാ​ണ് ഇ​വ​രെ അ​റ​സ്റ്റ് ചെ​യ്ത​ത്. ബാ​ക്കി​യു​ള്ള പ്ര​തി​ക​ൾ​ക്കാ​യു​ള്ള അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യി തി​രു​വ​ല്ല ഡി​വൈ.​എ​സ്.​പി എ​സ്. അ​ഷാ​ദ് പ​റ​ഞ്ഞു.

തി​രു​വ​ല്ല സി.​ഐ ബി.​കെ സു​നി​ൽ കൃ​ഷ്ണ​ൻ, സീ​നി​യ​ർ സി.​പി.​ഒ സു​നി​ൽ, സി.​പി.​ഒ​മാ​രാ​യ അ​വി​നാ​ഷ് , മ​നോ​ജ് , അ​ഭി​ലാ​ഷ് എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്.