ടൈറ്റാനിയം തട്ടിപ്പ്​ കേസ്​ പ്രതികൾ ബെവ്​കോയിലും ജോലി വാഗ്ദാനം ചെയ്ത്​ പണം തട്ടി

തി​രു​വ​ന​ന്ത​പു​രം: ടൈ​റ്റാ​നി​യം ജോ​ലി ത​ട്ടി​പ്പി​ലെ മു​ഖ്യ ഇ​ട​നി​ല​ക്കാ​രി ദി​വ്യ നാ​യ​രു​ടെ നേ​തൃ​ത്വ​ത്തി​ലു​ള്ള സം​ഘം ബെ​വ്കോ ഉ​ൾ​പ്പെ​ടെ സ​ർ​ക്കാ​ർ സ്ഥാ​പ​ന​ങ്ങ​ളി​ലും ജോ​ലി വാ​ഗ്ദാ​നം ചെ​യ്ത് പ​ണം ത​ട്ടി. ബെ​വ്​​കോ​യി​ൽ ജോ​ലി വാ​ഗ്ദാ​നം ചെ​യ്ത്​ പ​ത്ത​നം​തി​ട്ട കു​ന്ന​ന്താ​നം സ്വ​ദേ​ശി​യാ​യ യു​വ​തി​യി​ൽ​നി​ന്ന് മൂ​ന്ന് ല​ക്ഷം രൂ​പ ദി​വ്യ നാ​യ​ർ വാ​ങ്ങി​യെ​ന്ന പ​രാ​തി​യി​ൽ കീ​ഴ്‍വാ​യ്പൂ​ർ പൊ​ലീ​സ് എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്തു. 2018 മു​ത​ൽ പ​ല ത​ട്ടി​പ്പു​ക​ൾ ന​ട​ത്തു​ന്ന സം​ഘം കേ​ര​ള ബാ​ങ്കി​ലും ബെ​വ്​​കോ​യി​ലും ത​ട്ടി​പ്പ്​ ന​ട​ത്തി​യെ​ന്ന ആ​ക്ഷേ​പം ഉ​ണ്ടാ​യി​രു​ന്നെ​ങ്കി​ലും പ​രാ​തി ല​ഭി​ക്കു​ന്ന​ത്​ ഇ​പ്പോ​ഴാ​ണ്. ത​ല​സ്ഥാ​ന​ത്ത്​ മാ​ത്ര​മ​ല്ല മ​റ്റ്​ ജി​ല്ല​ക​ളി​ലും സം​ഘം ത​ട്ടി​പ്പ്​ ന​ട​ത്തി​യെ​ന്ന്​ വ്യ​ക്ത​മാ​വു​ക​യാ​ണ്.

വ്യാ​ഴാ​ഴ്ച​യാ​ണ് ദി​വ്യ നാ​യ​രെ​ന്ന ദി​വ്യ ജ്യോ​തി​ക്കെ​തി​രെ കീ​ഴ്വാ​യ്പൂ​ർ പൊ​ലീ​സി​ന് പ​രാ​തി കി​ട്ടി​യ​ത്. ജൂ​ലൈ നാ​ലി​ന്​ 33കാ​രി​യാ​യ കു​ന്ന​ന്താ​നം സ്വ​ദേ​ശി കേ​ര​ള സ്റ്റേ​റ്റ് ബി​വ​റേ​ജ​സ് കോ​ർ​പ​റേ​ഷ​നി​ൽ ജോ​ലി കി​ട്ടു​മെ​ന്ന പ്ര​തീ​ക്ഷ​യി​ൽ ദി​വ്യ നാ​യ​ർ​ക്ക് പ​ണം കൈ​മാ​റി. ടൈ​റ്റാ​നി​യ​ത്തി​ൽ ജോ​ലി ത​ട്ടി​പ്പി​ന് ഇ​ര​യാ​യ ഉ​ദ്യോ​ഗാ​ർ​ഥി​ക​ൾ ദി​വ്യ നാ​യ​ർ​ക്ക് പ​ണം അ​യ​ച്ച യൂ​നി​യ​ൻ ബാ​ങ്കി​ന്റെ തൈ​ക്കാ​ട് ബ്രാ​ഞ്ചി​ലെ അ​ക്കൗ​ണ്ടി​ലേ​ക്കാ​ണ് ഈ ​യു​വ​തി​യും പ​ണം അ​യ​ച്ച​ത്. മാ​സ​ങ്ങ​ൾ ക​ഴി​ഞ്ഞി​ട്ടും ജോ​ലി കി​ട്ടാ​തെ വ​ന്ന​തോ​ടെ പ​ല​ത​വ​ണ യു​വ​തി ദി​വ്യ​യെ ബ​ന്ധ​പ്പെ​ട്ടി​ട്ടും ഫ​ല​മു​ണ്ടാ​യി​ല്ല. ടൈ​റ്റാ​നി​യ​ത്തി​ലെ ത​ട്ടി​പ്പ് വാ​ർ​ത്ത​ക​ൾ പു​റ​ത്തു​വ​ന്ന​തോ​ടെ​യാ​ണ് യു​വ​തി പൊ​ലീ​സി​ൽ പ​രാ​തി ന​ൽ​കി​യ​ത്.

കീ​ഴ്വാ​യ്പൂ​രി​ൽ ര​ജി​സ്റ്റ​ർ ചെ​യ്ത കേ​സി​ൽ ദി​വ്യ നാ​യ​രെ ക​സ്റ്റ​ഡി​യി​ൽ വാ​ങ്ങു​ന്ന ന​ട​പ​ടി​ക​ളി​ലേ​ക്ക് പൊ​ലീ​സ് അ​ടു​ത്ത​ദി​വ​സം ക​ട​ക്കും. തി​രു​വ​ന​ന്ത​പു​രം സി​റ്റി പ​രി​ധി​യി​ൽ ര​ജി​സ്റ്റ​ർ ചെ​യ്ത ഒ​മ്പ​ത്​ കേ​സു​ക​ളി​ൽ ഇ​തു​വ​രെ ദി​വ്യ​യു​ടെ അ​റ​സ്റ്റ്​ രേ​ഖ​​പ്പെ​ടു​ത്തി​യി​ട്ടി​ല്ല. പു​തി​യ പ്ര​ത്യേ​ക സം​ഘം ചു​മ​ത​ല​യേ​റ്റ സാ​ഹ​ച​ര്യ​ത്തി​ൽ അ​വ​ർ തു​ട​ർ​ന​ട​പ​ടി​ക​ൾ സ്വീ​ക​രി​ക്കു​മെ​ന്നാ​ണ്​ വി​വ​രം.