ബലാത്സംഗക്കേസിൽ ഒളിവിലായിരുന്ന പ്രതി അറസ്​റ്റിൽ

ഇരിട്ടി: ബന്ധുവായ സ്ത്രീയെ ബലാത്സംഗം ചെയ്ത സംഭവത്തിൽ ഒളിവിൽ പോയ പ്രതിയെ ആറളം പൊലീസ് അറസ്​റ്റുചെയ്തു. അടക്കാത്തോട് വാളുമുക്ക് കോളനിയിലെ കെ.എസ്. ബോബസിനെയാണ്​ (24) ആറളം സ്​റ്റേഷൻ ഇൻസ്‌പെക്ടർ സുധീർ കല്ലനും സംഘവും പിടികൂടിയത്.

കഴിഞ്ഞ ജൂലൈയിലായിരുന്നു കേസിനാസ്പദമായ സംഭവം. തുടർന്ന് ആറളം ഫാം, മാനന്തവാടി, പുൽപള്ളി തുടങ്ങിയ സ്ഥലങ്ങളിൽ ഒളിവിൽ കഴിയുകയായിരുന്ന പ്രതിയെ അടക്കാത്തോട് വാളുമുക്ക് കോളനിയിൽ നിന്നാണ് പിടികൂടിയത്​.

എ.എസ്.ഐ അബ്​ദുൽ നാസർ, സീനിയർ സിവിൽ പൊലീസ് ഓഫിസർ സിബി, സിവിൽ പൊലീസ് ഓഫിസർ നിബു എന്നിവരും പ്രതിയെ പിടികൂടിയ സംഘത്തിൽ ഉണ്ടായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.