യുവതിയെ കൊലപ്പെടുത്തിയ കേസിലെ പ്രതി പിടിയിൽ

ചങ്ങരംകുളം: യുവതിയെ കൊലപ്പെടുത്തിയ കേസിൽ വിചാരണ നേരിടാതെ മുങ്ങിനടന്ന പ്രതി പിടിയിൽ. വടക്കേക്കാട് സ്വദേശി എടക്കര വെട്ടിപ്പുഴ സുനീഷിനെയാണ് (42) ചങ്ങരംകുളം എസ്.ഐ രാജേന്ദ്രന്റെ നേതൃത്വത്തിലുള്ള അന്വേഷണസംഘം പിടികൂടിയത്.

2012ലാണ് കേസിനാസ്പദമായ സംഭവം. ആലംകോട് അവറാൻപടിയിൽ ബന്ധുകൂടിയായ ജിഷ എന്ന യുവതിയെ പ്രതി വീട്ടിലെത്തി കൊല്ലുകയായിരുന്നു. താനുമായി തെറ്റിയ ഭാര്യക്ക് സംരക്ഷണം നൽകിയതിലെ വൈരാഗ്യമാണ് കൊലക്ക് കാരണം.