അപകടം പതിവായി; റോഡുപണിക്കിറങ്ങി നാട്ടുകാർ

കോ​ഴി​ക്കോ​ട്​: നി​റ​യെ കു​ഴി​ക​ൾ കാ​ര​ണം അ​പ​ക​ടം തു​ട​ർ​ക്ക​ഥ​യാ​യ അ​ത്തോ​ളി-​പാ​വ​ങ്ങാ​ട്​ റോ​ഡി​ൽ സ്വ​ന്തം ചെ​ല​വി​ൽ കു​ഴി​ക​ള​ട​ച്ച്​ നാ​ട്ടു​കാ​രു​ടെ പ്ര​തി​ഷേ​ധം. എ​ര​ഞ്ഞി​ക്ക​ൽ പ​ഴ​യ ടോ​ൾ ബൂ​ത്തി​ന് സ​മീ​പം സം​സ്ഥാ​ന പാ​ത​യി​ൽ രൂ​പ​പ്പെ​ട്ട ച​തി​ക്കു​ഴി​ക​ളാ​ണ്​ നാ​ട്ടു​കാ​ർ ചേ​ർ​ന്ന് അ​ട​ച്ച​ത്. ക​ഴി​ഞ്ഞ ദി​വ​സം സ്​​കൂ​ൾ​മു​ക്കി​ലും നാ​ട്ടു​കാ​ർ റോ​ഡ്​ ന​ന്നാ​ക്കി​യി​രു​ന്നു.

ടോ​ൾ ബൂ​ത്തി​ലെ വ​ള​വി​ൽ രൂ​പ​പ്പെ​ട്ട റോ​ഡി​ലെ കു​ഴി​യ​ട​ക്കാ​ൻ ആ​ഴ്ച​ക​ൾ​ക്കു മു​മ്പ് മെ​റ്റ​ലി​റ​ക്കി​യി​രു​ന്നെ​ങ്കി​ലും ഒ​ന്നും ന​ട​ക്കാ​ത്ത​തി​നാ​ലാ​ണ്​ ഇ​ട​പെ​ട​ൽ. നാ​ട്ടു​കാ​ർ​ത​ന്നെ മെ​റ്റ​ലും മ​ണ​ലും സി​മ​ൻ​റും എ​ത്തി​ച്ചാ​ണ്​ കോ​ൺ​ക്രീ​റ്റ്​ ചെ​യ്​​ത​ത്. ഇ​രു​ച​ക്ര​വാ​ഹ​ന​ങ്ങ​ൾ റോ​ഡി​ലെ കു​ഴി​ക​ളി​ൽ ചാ​ടി അ​പ​ക​ട​ത്തി​ൽ​പെ​ടു​ന്ന​ത് പ​തി​വാ​യി​ട്ടും ന​ട​പ​ടി സ്വീ​ക​രി​ക്കാ​ത്ത​തി​ൽ പ്ര​തി​ഷേ​ധം ഉ​യ​ർ​ന്നി​രു​ന്നു. ക​ഴി​ഞ്ഞ ദി​വ​സം റോ​ഡു​പ​ണി​ക്ക്​ കൂ​ട്ടി​യി​ട്ട മെ​റ്റ​ലി​ൽ ക​യ​റി ഇ​രു​ച​ക്ര​വാ​ഹ​ന​ത്തി​‍െൻറ പി​ൻ​സീ​റ്റി​ൽ സ​ഞ്ച​രി​ച്ച പ​ത്ത് വ​യ​സ്സു​കാ​രി​യു​ടെ കാ​ലി​ൽ ബ​സ് ക​യ​റി പ​രി​ക്കേ​റ്റ​തോ​ടെ​യാ​ണ്​ നാ​ട്ടു​കാ​ർ രം​ഗ​ത്തി​റ​ങ്ങി​യ​ത്.

പാ​വ​ങ്ങാ​ട് മു​ത​ൽ പു​റ​ക്കാ​ട്ടി​രി പാ​ലം വ​രെ റോ​ഡ് ന​വീ​ക​രി​ക്കാ​ൻ നാ​ലു​കോ​ടി രൂ​പ​യു​ടെ പ്ര​വൃ​ത്തി ഉ​ട​ൻ ആ​രം​ഭി​ക്കു​മെ​ന്നാ​ണ്​ പൊ​തു​മ​രാ​മ​ത്ത് അ​ധി​കൃ​ത​ർ പ​റ​യു​ന്ന​ത്. പ്ര​തി​ഷേ​ധ​ത്തി​ന്​ ഗ​ഫൂ​ർ പൂ​മ​ക്കോ​ത്ത്, മോ​യി​ൻ ബാ​പ്പു, വ​ഹാ​ബ്, മു​ജീ​ബ് ത​ട്ടാ​രി, സാ​ബി​ർ മു​ണ്ട​ക്ക​ണ്ടി, ഹാ​രി​സ് പൂ​മ​ക്കോ​ത്ത്, ജ​മാ​ൽ പൂ​മ​ക്കോ​ത്ത്, നി​ധി​ൻ താ​ഴെ​കാ​ട്ടി​ൽ, സി. ​അ​ബൂ​ബ​ക്ക​ർ എ​ന്നി​വ​ർ നേ​തൃ​ത്വം ന​ൽ​കി.