മോഡലുകളുടെ അപകടമരണം: ഹോട്ടലുടമയെ വീണ്ടും ചോദ്യം ചെയ്യും; നരഹത്യ കുറ്റം നിലനിൽക്കില്ല

കൊച്ചി: മു​ൻ മി​സ്​ കേ​ര​ള അ​ൻ​സി ക​ബീ​ർ, റ​ണ്ണ​റ​പ്പ്​ അ​ഞ്​​ജ​ന ഷാ​ജ​ൻ എ​ന്നി​വ​രു​ടെ അ​പ​ക​ട മ​ര​ണ​വു​മാ​യി ബ​ന്ധ​പ്പെ​ട്ട്​ നമ്പർ 18 ഹോട്ടലുടമ റോയ്​ വയലാറ്റിനെ വീണ്ടും ചോദ്യം ചെയ്യും. ​ഇന്ന്​ ചോദ്യം ചെയ്യലിന്​ ഹാജരാവണമെന്ന്​ ആവശ്യപ്പെട്ട് പൊലീസ്​ റോയിക്ക്​ വീണ്ടും നോട്ടീസ്​ നൽകിയിട്ടുണ്ടെന്നാണ്​ വിവരം. എന്നാൽ, ഇന്ന്​ ചോദ്യം ചെയ്യലിന്​ ഹാജരാവാൻ ആവില്ലെന്ന്​​ റോയി പൊലീസിനെ അറിയിച്ചെന്നാണ്​ സൂചന.

അതേസമയം, ഹോട്ടലിലെ സി.സി.ടി.വിയുടെ ഹാർഡ്​ ഡിസ്​ക്​ ഉപേക്ഷിക്കാൻ ഉപയോഗിച്ച വാഹനം പൊലീസ്​ പിടിച്ചെടുത്തിട്ടുണ്ട്​. ഹോട്ടലിലെ ആവശ്യങ്ങൾക്ക്​ ഉപയോഗിക്കുന്ന ഇന്നോവ കാറാണ്​ പിടിച്ചെടുത്തത്​.

അപകടം നടന്ന ദിവസം തന്നെ ഹാർഡ്​ ഡിസ്​ക്​ ഉപേക്ഷിച്ചുവെന്നാണ്​ പൊലീസ്​ കണ്ടെത്തൽ. നമ്പർ 18 ഹോട്ടലിലെ ജീവനക്കാരും കേസിലെ പ്രതികളുമായ വിഷ്​ണുകുമാർ, മെൽവിൻ എന്നിവരാണ്​ ഹാർഡ്​ ഡിസ്​ക്​ ഉപേക്ഷിച്ചത്​. .

എന്നാൽ, കേസിലെ പ്രതികൾക്കെതിരെ നരഹത്യ കുറ്റം നിലനിൽക്കില്ലെന്ന കോടതി നിരീക്ഷണവും കഴിഞ്ഞ ദിവസം പുറത്ത്​ വന്നിട്ടുണ്ട്​. തെളിവ്​ നശിപ്പിക്കൽ മാത്രമേ നിലനിൽക്കുവെന്നാണ്​ എറണാകുളം ജുഡീഷ്യൽ ഫസ്റ്റ്​ക്ലാസ്​ മജിസ്​ട്രേറ്റ്​ കോടതിയുടെ നിരീക്ഷണം.

ഹോ​ട്ട​ലി​ൽ​നി​ന്ന്​ കാ​ണാ​താ​യ ഡി.​വി.​ആ​റി​നാ​യി കാ​യ​ലി​ൽ ന​ട​ത്തി​യ തി​ര​ച്ചി​ൽ വി​ഫ​ലമായിരുന്നു. ഇ​ട​ക്കൊ​ച്ചി ക​ണ്ണ​ങ്കാ​ട്ട്​-​വി​ല്ലി​ങ്​​ട​ൺ ഐ​ല​ൻ​ഡ്​​ പാ​ല​ത്തി​ന്​ താ​ഴെ വേ​മ്പ​നാ​ട്​ കാ​യ​ലി​ലാ​ണ്​ ഫ​യ​ർ​ഫോ​ഴ്​​സി​െൻറ മൂ​ന്നം​ഗ സ്​​കൂ​ബ ​ൈ​ഡ​വി​ങ്​ സം​ഘം മു​ങ്ങി​ത്ത​പ്പി​യ​ത്. എന്നാൽ, തെരച്ചിലിൽ ഒന്നും കണ്ടെത്താനായില്ല.

അഞ്ജന മദ്യം നിരസിച്ചെന്ന് സഹോദരൻ

കൊ​ച്ചി: ന​മ്പ​ർ 18 ഹോ​ട്ട​ലി​ലെ പാ​ർ​ട്ടി​ക്കി​ടെ ര​ണ്ടു​ത​വ​ണം മ​ദ്യം വാ​ഗ്ദാ​നം ചെ​യ്തി​ട്ടും അ​ഞ്ജ​ന നി​ര​സി​ച്ചു​വെ​ന്ന് സ​ഹോ​ദ​ര​ൻ അ​ർ​ജു​ൻ. സി.​സി ടി.​വി ദൃ​ശ്യ​ങ്ങ​ൾ പൊ​ലീ​സ് കാ​ണി​ച്ചു​ത​​ന്നു. അതി​ലൊ​ന്നും മ​ദ്യ​പി​ച്ച ല​ക്ഷ​ണ​മി​ല്ല. മ​ദ്യം നി​ര​സി​ച്ച​താ​യി വ്യ​ക്ത​മാ​കു​ന്നു​മു​ണ്ട്. പാ​ർ​ട്ടി ക​ഴി​ഞ്ഞ് അ​ഞ്ജ​ന​യു​ൾ​പ്പെ​ടെ നാ​ലു​പേ​രും സ​ന്തോ​ഷ​ത്തോ​ടെ ഹോ​ട്ട​ലി​ൽ​നി​ന്ന് മ​ട​ങ്ങു​ന്ന​താ​ണ് ദൃ​ശ്യ​ത്തി​ലു​ള്ള​ത്. ഈ ​സ​മ​യം കൈ​വ​ശം മ​ദ്യ​ക്കു​പ്പിയി​ല്ല. കാ​റി​ൽ​നി​ന്ന് ല​ഭി​ച്ച​ത് ഒ​രു​പ​ക്ഷേ, നേ​ര​േ​ത്ത സൂ​ക്ഷി​ച്ചതാ​കാ​മെ​ന്നും അ​ർ​ജു​ൻ പ​റ​ഞ്ഞു.

മ​ദ്യ​ത്തോ​ട് വി​യോ​ജി​പ്പു​ള്ള​യാ​ളാ​യി​രു​ന്നു സ​ഹോ​ദ​രി. വീ​ട്ടി​ലെ ആ​ഘോ​ഷ ച​ട​ങ്ങു​ക​ളി​ൽ മ​ദ്യം വി​ള​മ്പു​ന്ന​തി​നെ എ​തി​ർ​ത്തി​രു​ന്നു. മ​റ്റെ​ന്ത​ങ്കി​ലും ത​ര​ം ബ​ന്ധം അ​ഞ്ജ​ന​ക്കു​ള്ള​താ​യി അ​റി​യി​ല്ല. മോ​ഡ​ലു​ക​ളു​ടെ വാ​ഹ​ന​ത്തെ പി​ന്തു​ട​ർ​ന്ന സൈ​ജു​വി​നെ​തി​രെ പൊ​ലീ​സി​ൽ പ​രാ​തി ന​ൽ​കി​യി​ട്ടു​ണ്ടെ​ന്നും അ​ർ​ജു​ൻ പ​റ​ഞ്ഞു.