ബ​സും കാ​റും കൂട്ടിയിടിച്ച് മൂന്നുപേർ മരിച്ചു;  ര​ണ്ടു​പേ​ർക്ക്​ ഗുരു​ത​ര​പ​രി​ക്ക്​

വെ​ഞ്ഞാ​റ​മൂ​ട്: എം.​സി റോ​ഡി​ൽ വെ​മ്പാ​യ​ത്തി​ന്​ സ​മീ​പം കൊ​പ്പ​ത്ത് കെ.​എ​സ്.​ആ​ർ.​ടി.​സി ബ​സും കാ​റും കൂ​ട്ടി​യി​ടി​ച്ച് കാ​റി​ൽ സ​ഞ്ച​രി​ച്ചി​രു​ന്ന മൂ​ന്നു​പേ​ർ മ​രി​ച്ചു. ര​ണ്ടു​പേ​രെ ഗ​രു​ത​ര​പ​രി​ക്കു​ക​ളോ​ടെ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ചെ​ങ്ങ​ന്നൂ​ർ വെ​ണ്മ​ണി കു​റു​മ്പി​ല​ക​ത്ത് തു​ണ്ടി​ൽ ഏ​ലി​യാ​മ്മ (70), ജെ​റി​ൻ (13), കാ​ർ ഒാ​ടി​ച്ചി​രു​ന്ന ബി​നു (35) എ​ന്നി​വ​രാ​ണ് മ​രി​ച്ച​ത്. ഫി​ലി​പ്പോ​സ് (52), സു​ജ (45) എ​ന്നി​വ​രാ​ണ് ആ​ശു​പ​ത്രി​യി​ലു​ള്ള​ത്. വെ​ള്ളി​യാ​ഴ്ച രാ​വി​ലെ 10നാ​ണ് അ​പ​ക​ടം. ആ​ല​പ്പു​ഴ​നി​ന്ന്​ തി​രു​വ​ന​ന്ത​പു​ര​ത്തേ​ക്ക് വ​ന്ന കാ​റും തി​രു​വ​ന​ന്ത​പു​ര​ത്തു​നി​ന്ന​ റാ​ന്നി​യി​ലേ​ക്ക് പോ​കു​ക​യാ​യി​രു​ന്ന ഫാ​സ്​​റ്റ്​ ബ​സും കൂ​ട്ടി​യി​ടി​ക്കു​ക​യാ​യി​രു​ന്നു.  അ​പ​ക​ട​ത്തി​ൽ കെ.​എ​സ്.​ആ​ർ.​ടി.​സി ബ​സ് നി​യ​ന്ത്ര​ണം​വി​ട്ട് സ​മീ​പ​ത്തെ മ​തി​ൽ ത​ക​ർ​ത്താ​ണ് നി​ന്ന​ത്.