Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഉറങ്ങിക്കിടന്ന രണ്ട്...

ഉറങ്ങിക്കിടന്ന രണ്ട് ഇതര സംസ്​ഥാന തൊഴിലാളികൾ ബസ്​ കയറി മരിച്ചു

text_fields
bookmark_border
ഉറങ്ങിക്കിടന്ന രണ്ട് ഇതര സംസ്​ഥാന തൊഴിലാളികൾ ബസ്​ കയറി മരിച്ചു
cancel

മണ്ണാർക്കാട്: നിർത്തിയിട്ട സ്വകാര്യബസ്​ പിറകോ​െട്ടടുത്തപ്പോൾ അടിയിൽപ്പെട്ട് രണ്ട് ഇതര സംസ്​ഥാന തൊഴിലാളികൾ മരിച്ചു. ഒരാൾക്ക് ഗുരുതര പരിക്കേറ്റു. ഛത്തിസ്​ഗഢ്​​ രാജ്നന്ദ്ഗോണിൽ മൻപുർ ഹുർലെ വില്ലേജിൽ സുരേഷ് ഗാവ്ഡെ (15),  പരാലി വില്ലേജിലെ ബെല്ലി ഷോറി (17) എന്നിവരാണ് മരിച്ചത്. മൻപൂർ സ്വദേശി  രാജേഷിനാണ്​ (18) കാലുകൾക്ക് ഗുരുതര പരിക്കേറ്റത്.  

മണ്ണാർക്കാട് നഗരത്തോട് ചേർന്ന് കുന്തിപ്പുഴ പഴേരി പെേട്രാൾ പമ്പിന് സമീപത്തെ പാർക്കിങ് മൈതാനത്ത്​ ഞായറാഴ്ച പുലർച്ച അഞ്ചോടെയാണ്​ സംഭവം. രാത്രി നിർത്തിയിട്ടിരുന്ന ബസ്​ സർവിസ്​ ആരംഭിക്കാൻ പുറപ്പെട്ടപ്പോഴാണ് അപകടമുണ്ടായത്. മരിച്ചവരും പരിക്കേറ്റയാളും മണ്ണാർക്കാട്​ മദീന ബോർവെൽസിലെ തൊഴിലാളികളാണ്. കുഴൽകിണർ ലോറി പാർക്കിങ് ഗ്രൗണ്ടിൽ നിർത്തിയിട്ട ശേഷം അതിന്​ പിറകിലായി കിടന്നുറങ്ങുകയായിരുന്നു ഇവർ. 

രാജേഷി​​െൻറ കരച്ചിൽകേട്ട്, ലോറിയിൽ കിടന്നുറങ്ങുകയായിരുന്ന സേലം സ്വദേശി സഹദേവനാണ് ആദ്യം വിവരമറിഞ്ഞത്. ഏത് വാഹനമാണ് അപകടമുണ്ടാക്കിയതെന്ന്  ആശയക്കുഴപ്പമുണ്ടായെങ്കിലും സമീപത്തെ പെേട്രാൾ പമ്പിലെ സി.സി.ടി.വി കാമറയിൽനിന്നാണ് തൃശൂർ^മണ്ണാർക്കാട് റൂട്ടിലോടുന്ന ‘സ​​െൻറ് സേവ്യർ’ ബസാണെന്ന്​ കണ്ടെത്തിയത്​. സർവിസ്​ നടത്തുന്നതിനിടെ ഒറ്റപ്പാലത്ത് ബസ്​ പൊലീസ്​ പിടികൂടി. ഡ്രൈവർ തൃശൂർ സ്വദേശി ജോയിയെ (24) കസ്​റ്റഡിയിലെടുത്തു.

മൃതദേഹങ്ങൾ മണ്ണാർക്കാട് എസ്​.ഐ വിപിൻ കെ. വേണുഗോപാൽ, ട്രാഫിക് എസ്​.ഐ ഹംസ എന്നിവരുടെ നേതൃത്വത്തിൽ ഇൻക്വസ്​റ്റ്​ പൂർത്തിയാക്കി മണ്ണാർക്കാട് സ്വകാര്യ ആശു​പത്രി മോർച്ചറിയിലേക്ക് മാറ്റി. അസി. ലേബർ ഓഫിസർ മനോജ് സ്​ഥലത്തെത്തി വിവരങ്ങൾ ശേഖരിച്ചു. മരിച്ചവരുടെ ബന്ധുക്കൾ നാട്ടിൽനിന്ന്​ തിരിച്ചതായാണ് വിവരം.

 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsmalayalam newsAccident NewsAccident NewsMannarkad
News Summary - Accident in manarkkad-Kerala news
Next Story