താമരശ്ശേരി ചുരത്തിൽ ചരക്കുലോറിയും കെ.എസ്​.ആർ.ടി.സി ബസും കൂട്ടിയിടിച്ചു; ഗതാഗതം തടസ്സപ്പെട്ടു

വൈത്തിരി: താമരശ്ശേരി ചുരത്തിൽ ചരക്കുലോറിയും കെ.എസ്​.ആർ.ടി.സി ബസും കൂട്ടിയിടിച്ചു. ഇന്ന്​ രാവിലെ ഒൻപത്​ മണിക്ക്​ എട്ടാംവളവിനും ഒൻപതാംവളവിനും ഇടയിലാണ്​ അപകടമുണ്ടായത്​. ഇതിനെത്തുടർന്ന്​ ചുരത്തിൽ രൂക്ഷമായ ഗതാഗതക്കുരുക്ക്​ അനുഭവപ്പെട്ടു.

സുൽത്താൻ ബത്തേരിയിലേക്ക്​ പോകുന്ന കെ.എസ്​.ആർ.ടി.സി സൂപ്പർഫാസ്റ്റ്​ ബസും കോഴിക്കോട്​ ഭാഗത്തേക്ക്​ പോകുന്ന ചരക്ക്​ ലോറിയും എട്ടാം വളവിൽ വെച്ച്​ കൂട്ടിയിടിക്കുകയായിരുന്നു. ആരുടെയും പരിക്ക്​ ഗുരുതരമല്ല. ​അടിവാരം പൊലീസും വയനാട്​ ചുരം സംരക്ഷണ സമിതി പ്രവർത്തരും ​ചേർന്നുള്ള ഏറെ നേരത്തേ പ്രയത്​നത്തിലൊടുവിലാണ്​ ഗതാഗതം പുനസ്ഥാപിച്ചത്​.