ആലപ്പുഴയിൽ ബൈക്കുകൾ കൂട്ടിയിടിച്ച് മൂന്ന് യുവാക്കൾ മരിച്ചു

മണ്ണഞ്ചേരി (ആലപ്പുഴ): ദേശീയ പാത കലവൂർ കെ.എസ്.ഡി.പിക്ക് സമീപം ബൈക്കുകൾ കൂട്ടിയിടിച്ച് യുവാക്കൾ മരിച്ചു. മണ്ണഞ്ച േരി പഞ്ചായത്ത് 13ആം വാർഡ് വടക്കനാര്യാട് പന്നിശ്ശേരിവെളിയിൽ ബിജുവിന്റെ മകൻ വിപിൻ (21), മാരാരിക്കുളം തെക്ക് പഞ്ചായത്ത് ആറാം വാർഡ് കലവൂർ ഗീതു നിവാസിൽ മോഹനന്റെ മകൻ അഖിൽ (25), ആലപ്പുഴ സീവ്യൂ വാർഡ് പള്ളിപുരയിടത്തിൽ കോയ മൻസിലിൽ ലത്തീഫിന്റെ മകൻ അക്ബർ ബാദുഷ (23) എന്നിവരാണ് മരിച്ചത്.

ചൊവ്വാഴ്ച്ച രാത്രി പത്തരയോടെയായിരുന്നു അപകടം. സ്വകാര്യ ബസ് ജീവനക്കാരാണ് വിപിനും അഖിലും. അക്ബർ ബാദുഷ വീഡിയോ എഡിറ്ററായി ജോലി ചെയ്തു വരികയായിരുന്നു. ചൊവ്വാഴ്ച്ച രാത്രി പത്തരയോടെയായിരുന്നു അപകടം. ജോലിക്കു ശേഷം വീട്ടിലേക്കുള്ള യാത്രയിലായിരുന്നു അപകടമെന്ന് മണ്ണഞ്ചേരി എസ്.ഐ ലൈസാദ് മുഹമ്മദ് പറഞ്ഞു.