ഏർവാടിയിൽ പോയ കുടുംബം അപകടത്തിൽപെട്ടു; രണ്ടു മരണം

ഫറോക്ക്​: ഏർവാടിയിലേക്ക്​ തീർഥയാത്രപോയ കാർ മറിഞ്ഞ്​ കുടുംബത്തിലെ രണ്ടുപേർ മരിച്ചു. മലപ്പുറം ജില്ലയിൽ വാഴയൂർ പഞ്ചായത്തിലെ മേലെ പുതുക്കോട്​  കരിമ്പിൽപൊറ്റ ചന്ദ്രൻതൊടി മുഹമ്മദ്​ (60), മകൾ ചാലിയം ബീച്ച്​ റോഡ്​ കോവിൽക്കാരൻറകത്ത്​ ഷംസുദ്ദീ​​​െൻറ ഭാര്യ മുംതാസ്​ (35)  എന്നിവരാണ്​ മരിച്ചത്​. 

മുഹമ്മദും ഭാര്യയും കുട്ടികളും പേരമക്കളുമടങ്ങുന്ന  പതിനൊന്നംഗ സംഘം ഞായറാഴ്​ച രാത്രിയാണ്​ ഏർവാടിയിലേക്ക്​  പോയത്​. മടങ്ങുംവഴിയാണ്​ അപകടമുണ്ടായത്​. ഇവർ സഞ്ചരിച്ച  ഇന്നോവ കാർ തമിഴ്​നാട്ടിലെ പൊള്ളാച്ചി-മുതുമല റോഡിൽ കരൂരിനു സമീപം ഡിവൈഡറിൽ തട്ടി മറിയുകയായിരുന്നു. വാഹനം വെട്ടിപ്പൊളിച്ചാണ്​ അപകടത്തിൽപെട്ടവരെ പുറത്തെടുത്തത്​. ആ​ശുപത്രിയിലെത്തുേമ്പാഴേക്കും മുഹമ്മദും മുംതാസും മരിച്ചു.

മുഹമ്മദി​​​​െൻറ ഭാര്യ സുഹറ (5​5), മുഹമ്മദ്​ സിനാൻ (28), ആഷിഖ്​  റഹ്​മാൻ (26), മുനീറ (32), മരിച്ച മുംതാസി​​​െൻറ മക്കളായ ഷിജില  നർഗീസ്​ (13), ആയിഷ ഫൻഹ (12), ഷഹന ഷെറിൻ (10) എന്നിവ​െര  പരിക്കുകളോടെ കരൂർ ഗവ.​ ആശുപത്രിയിൽ പ്രവേശിപ്പിച്ചു.  
മൃതദേഹങ്ങൾ ബുധനാഴ്​ച പുലർ​െച്ച നാട്ടിലെത്തിക്കും. പൊതുദർശനത്തിനുശേഷം മുഹമ്മദി​​​െൻറ മൃതദേഹം പേങ്ങാട്​  ജുമാമസ്​ജിദ്​ ഖബർസ്​ഥാനിലും മുംതാസി​​േൻറത്​ ചാലിയത്തും ഖബറടക്കും. ഏന്തീൻകുട്ടി, ഇ​ബ്രാഹിം, അബൂബക്കർ, അബ്​ദുൽ റസാഖ്​, സുബൈദ  എന്നിവരാണ്​ മരിച്ച മുഹമ്മദി​​​െൻറ സഹോദരങ്ങൾ.