ചാവക്കാട് ഗൃഹനാഥ വീടിനു മുന്നിൽ ബൈക്കിടിച്ച് മരിച്ചു 

ചാവക്കാട്: കടപ്പുറത്ത് ഗൃഹനാഥ വീടിനു മുന്നിൽ ബൈക്കിടിച്ച് മരിച്ചു ബൈക്ക് യാത്രികന് ഗുരുതര പരിക്ക്. കടപ്പുറം ആശുപത്രിപ്പടി പരേതനായ ആനാംകടവിൽ അബ്ദുല്ലക്കുട്ടിയുടെ ഭാര്യ ഖദീജയാണ് (55) മരിച്ചത്. സംഭവത്തിൽ ബൈക്ക് യാത്രികനായ മുനക്കക്കടവ് കോളനി കൊളാട്ട് കൊച്ചുമോൻറെ മകൻ സുരേഷിനും പരിക്കേറ്റു.

ഇയാളെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ചൊവ്വാഴ്ച്ച രാത്രി 7.45 ഓടെ ബ്ലാങ്ങാട് മുനക്കക്കടവ് തീരദേശ റോഡിലാണ് സംഭവം.

ഖദീജ പറമ്പിലെ ഓലമടൽ എടുത്ത് തിരിച്ചു വിട്ടിലേക്ക് റോഡ് മുറിച്ച് കടക്കുന്നതിനിടയിലാണ് സുരേഷ് ബൈക്കുമായെത്തിയത്. സംഭവ സമയത്ത് അവിടെ എത്തിയ മുസ്ലിം ലീഗ് സംസ്ഥാന സെക്രട്ടറി സി.എച്ച് റഷീദിൻ്റെ കാറിൽ ആശുപത്രിയിലെത്തിച്ചെങ്കിലും മരിച്ചു. മൃതദേഹം ചാവക്കാട് ഹയാത്ത് ആശുപത്രിയിൽ.

മക്കൾ: താഹ, തൗഫീഖ് ( ഖത്തർ), നസ്‌റിയ, റസിയ, സൗമിയ. മരുമക്കൾ: യൂസഫ്, റഫീഖ്, ഷാജഹാൻ, ഷെമിജ, അൻസിയ.